Génesis 17:14 - Qullan Arunaca

¹⁴ Ucampisa qhititejj jan circuncidatäcani ucasti jumanac taypitjja apsutäjjañapawa, jan nayan arust'äwejjaru ist'atap laycu.

Aymar Bibliia 1986

¹⁴ Ucampisa qhititejj jan circuncidatäcani ucasti jumanac taypitjja apsutäjjañapawa, jan nayan arust'äwejjaru ist'atap laycu.

Qullan Arunaka DC

¹⁴ Ukampisa khititix circuncisión jan katuqkani ukax jumanak taypit apsutäxañapawa, nayan arust'äwixaru jan phuqhatap layku.

Génesis 17:14 Jak'a apnaqawi uñst'ayäwi

Génesis 17:15

Diosasti Abrahamarojj saraquïnwa: —Sarai warmimajj janiw uqham sutinïcjjaniti. Jichhat ucsarojj Sara satäjjaniwa.

Génesis 34:14

aqhäm sasa: —Janiw nanacajj mä jan circuncidata jakerojj cullacajj churapquiristti, nanacataquejj ucajj mä p'enkäspawa.

Salmos 55:20

Masinacapataquejj amparanacap loktapjje, jupanac pur arusjäwi luratanac t'unantapjje.

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 12:19

Utanacamansti aca pakallko urunjja janiwa levadurajj utjañapäquiti. Ucampis qhititejj levaduran t'ant'a mank'ani ucajja Israel marcatjja apanucutäniwa, jaya marcanquirïscpasa jan ucajj israelitäscpasa.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Éxodo 30:38

Ucampis qhititejj yakha incienso waquichcani k'aphichasiñataqui ucajja jumanac taypinjja jiwayatäñapawa.”

Isaías 24:5

Orakesti jakenacampi taquisitawa, leyinacsa apanucupjjaraquiwa, camachinacsa janiw phokhapcaraquiti, Tatitun wiñayatac arust'äwipsa t'unapjjaraquiwa.

Isaías 33:8

Thaquinacajj ch'usa wasarar tucutawa, janiraquiw qhitis uca chek sarnakquiti. Arust'äwinacas amtäwinacas t'unasiwa, janiraquiw qhititaquisa ajjsart'añajj utjcjjeti.

Jeremías 11:10

Cuna juchanactejj nayra awquinacapajj lurcäna uca pachpa jucha lurañanacaruw cuttapjjaraqui, uca awquinacapasti janiw nayarojj ist'añ munapquitänti, ucatsti yakha diosanacaruw arcjjapjjäna uqhamaraqui yupaychapjjaraquïna. Israelasa uqhamaraqui Judá marcasa cuntejj nayajj nayra awquinacapampi mä arust'äwi lurcäyätjja ucanacjja t'unjapjjewa.

Jeremías 31:32

Aca arust'äwisti janiw cunjämatejj nayra awquinacapampi lurcta uqhamäcaniti, cunapachatejj jupanacarojj amparat wayjjarusin Egipto marcat irpsuncta uqhama; jupanacasti janiw arust'äwejjarojj phokhapquiti, nayajj jupanacan uywiripäcchiyäta ucasa. Naya Tatituw ucjja arsta.

Ezequiel 44:7

Jumanacan uca yakha marcanacanquiri jakenaca templojjaru irpantasajj nayarojj taquisipjjestawa, cawquïri jakenacatejj jan nayan unañchajja apapqui amuyunacapansa, janchinacapansa; nayarusti liq'inaca, wilanaca sacrificiot loktasaw taquisipjjetu, nayampi arust'äwejj utjcän ucanacsti ajjtascaña luräwinac lurasaw taquisipjjaraqui.

Levítico 18:29

Cawquïri jaketejj uca k'añu luräwinaca lurascani ucanacasti jakenac taypitjja jiwayatäjjaniwa.

Levítico 19:8

qhititejj mank'cani ucasti juchapa uñt'asiraquini, uqhamarac take jakenac taypitjja jiwayatäjjaniwa, cunatejj Tatitur loktatäqui uca jan yäkatap laycu.

Levítico 23:29

Qhititejj uca uru jan ayuncani ucasti, qhitïscpasa, jakenac taypitjja apanucutäjjaniwa.

Levítico 7:25

“Cawquïritejj naqhantayatäñataqui Tatitur loktatäqui uca uywanacan liq'ipa mank'ani ucasti, jakenac taypitjja apanucutäjjaniwa.

Levítico 7:27

Cawquïri jaketejj wila mank'ani ucasti jakenacap taypitjja chhaktayatäjjaniwa.”

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

1 Corintios 11:27

Uqhamajja, qhititejj Tatitun t'ant'apsa mank'quejja uqhamarac copapatsa umcaraquejja jan Diosatacjamäcasina ucajja, juchwa luri Tatitun janchipa uqhamarac wilap toke.

1 Corintios 11:29

Tatitun janchipätapa jan amuyasisina mank'ani, umaraquini ucajj jupa pachpa mutuñapataquiwa mank'asqui umascaraqui.