Génesis 17:13 - Qullan Arunaka DC

¹³ Taqi yuqall wawapuniw circuncisión katuqañapa. Ukhamaw nayan arust'äwixax jumanakan janchiman chimpuntatäni, wiñayataki mä arust'äwjama.

Aymar Bibliia 1986

¹³ Maynisa, maynisa circuncidatäñapapuniwa. Uqhamaw nayan arust'äwejjajj jumanacan janchiman mä chimpüniwa, wiñayataqui mä arust'äwiscapas uqhama.

Qullan Arunaca

¹³ Maynisa, maynisa circuncidatäñapapuniwa. Uqhamaw nayan arust'äwejjajj jumanacan janchiman mä chimpüniwa, wiñayataqui mä arust'äwiscapas uqhama.

Génesis 17:13 Jak'a apnaqawi uñst'ayäwi

Génesis 14:14

Kunapachatix Abram chachax sobrinopan katuntatätap yatïn ukkhasti, kawkïr uywatanakatix utapan yuripkatayna, nuwasiñatakis wakicht'atäpkarakïna ukanakaruw tantacht'äna, jupanakasti taqpachanix kimsa pataka tunka kimsaqallqunïpxänwa, ukatsti jupanakampiw uka pusi reyir arktäna, Dan markakama.

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 37:27

Walïspaw khaya ismaelita jaqinakar aljañasaxa, jiwayañat sipansa, kunäpas Joseax jiwasan jilasächixaya —sasa. Uka amuyt'äwisti jilanakapatakix walikïnwa;

Génesis 37:36

Egiptor purisinsti, madianita jaqinakax Potifar sat jaqiruw Josear aljapxäna, uka jaqisti Egiptonkir faraón reyin uñjirinakapan jilïripänwa.

Génesis 39:1

Kunapachatix Joseax Egiptor apatäkän ukkhaxa, Potifar egipcio jaqiw ismaelita jaqinakat alasïna, jupasti faraonan jach'a utapa uñjirinakan jilïripänwa.

Génesis 9:16

Kunapachatix kürmix qinay taypin uñstkani ukapachaxa, uka kürmi uñjasin kuna arust'äwtix taqi jaqinakampi, taqi aka uraqin utjir animalanakampi lurkta ukat amtasï.

Nehemías 5:5

Ukhamarus sasipkakïnwa: “Marka masinakaxasa, nanakasa mä pachpa wilat jutirkamakïpxtwa; wawanakaxasti jupanakan wawanakapat janiw kunansa mayjäkiti. Ukampis wawanakaxaruxa t'aqhisiyat jaqïñapatak aljañaw wakt'apxitu. Nanakan phuchhanakaxat waljaniw niya aljantat uñjasxapxi, nanakasti jark'añatakix janiw kuns kamacht'irjamäpkti, nanakan uraqinakaxasa, uva yapunakaxasa yaqha jaqinakankxatapata” sasa.

Nehemías 5:8

jupanakarusti saraktwa: “Nanakax kawkhakamatix ch'amanakaxax utjki ukkhakamaw jiwasa marka masi judío jaqinakar kutsuyanipxta, khitinakatix jucharar markanakar aljatäpkäna ukanakaru; jichhasti jumanakax ¿wasitatampit jupanakar aljapxta, nanakan wasitat kutsuyaskañaxatakisti?” sasa. Jupanakasti amukïpxänwa, janiw kuns kamsapkänti.

Éxodo 12:44

Ukampis qullqimpi alat uywat jaqikiw ukxa manq'añapa, jupatix circuncisión katuqxchi ukapacha.

Éxodo 21:16

“Khititix mä jaqi lunthatasin yaqhar aljkani, jan ukax utapansa jikxatatäkani ukaxa, jiwayatäñapatak juchañchatäniwa.

Éxodo 21:2

“Jumatix hebreo uywat jaqi alasïtaxa, suxta maraw irnaqañapa, ukampis paqallqüri maranxa antutatäxañapawa, janiw jupax kunsa antutatäxatapat churañapäkiti.

Éxodo 21:4

Uka uywat jaqin uywiripatix mä warmi jupar churchisti, uka warmitix jupatak wawanakanïchi ukaxa, warmimpi wawanakampix uywirinkaniwa, uywat jaqisti sapakiw sarxani.

Levítico 22:11

“Sacerdotetix mä irnaqirip qullqipampi alasini ukkhasti, uka alasit irnaqiripax uka qullan manq'anakat manq'askaspawa. Sacerdoten utapan yuririnakas uka qullana manq'anakat manq'asipkaspawa.

Mateo 18:25

Uka irnaqiripasti janiw kunampis phuqhirjamäkänti, ukat reyix juparux säna: ‘Aka jaqir aljantapxam, warmipamppacha, wawanakapamppacha, taqi yänakapamppach aljantapxam, ukhamat uka manup phuqhañapataki’ sasa.