Gálatas 3:22 - Qullan Arunaca

²² Ucampis cunjämtejj Kellkatanjja sisqui: “Takeniw juchampi preso catutäpjje” sasa, ucajj uqhamawa qhitinacatejj iyawsapqui ucanacajj Jesucristo toke catokapjjañapataqui iyawsatap laycu, cuntejj Diosajj arsuwaycäna uqhamarjama.

Aymar Bibliia 1986

²² Ucampis cunjämtejj Kellkatanjja sisqui: “Takeniw juchampi preso catutäpjje” sasa, ucajj uqhamawa qhitinacatejj iyawsapqui ucanacajj Jesucristo toke catokapjjañapataqui iyawsatap laycu, cuntejj Diosajj arsuwaycäna uqhamarjama.

Qullan Arunaka DC

²² Qillqatan siski ukarjamax, taqiniw juchan katuntat jakapxi, ukax ukhamaw khitinakatix Jesucristor iyawsapki jupanakan, Diosan arsutap katuqapxañapataki.

Gálatas 3:22 Jak'a apnaqawi uñst'ayäwi

Salmos 143:2

Janiquiy uywatamarojj juchañchamti, nayrakatamanjja janiw qhitis asquïquiti.

Marcos 16:16

Qhititejj iyawscani, bautisascaraquinejja, ucajj khespiyatäniwa, jan iyawsiristi, juchañchatäniwa.

Juan 12:46

Nayajj khanätwa, qhitinacatejj nayaru iyawsquitu ucanacajja jan ch'amacan sarnakapjjañapataquiw acapacharojj jutta.

Juan 20:31

Ucampis acanacajj kellkatawa Jesusajj Cristötap iyawsapjjañamataqui uqhamarac Diosan Yokapätapsa, ucatsti iyawsasinjja jacañanïpjjañamataqui.

Juan 3:36

Qhititejj Yokar iyawsqui ucajja wiñay jacañaniwa, ucampis qhititejj jan Yokaru iyawsqui ucajja janiw wiñay jacañanïcaniti, jan ucasti Diosan ajjsarcañ mutuyäwipwa catokani.”

Juan 5:24

“Khanacwa sapjjsma, qhititejj nayan arsutajjar ist'quejja, uqhamarac qhititejj qhitanquitu ucarus iyawscaraqui ucajja wiñay jacañaniwa, janiraquiw juchañchatäcaniti, jan ucasti jiwañat jacañaruw pasawayjje.

Juan 6:40

Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.

Hechos 16:31

Pablomp Silasampisti ucjjarojj sapjjänwa: —Jesucristo Tatitur iyawsam, ucatwa khespiyasïta jumasa, utamanquirinacasa —sasa.

Romanos 10:9

Lacamampitejj Jesusarojj Tatituw sätajja, ucat chuymamansti iyawsaraquïta Diosajj jiwatanac taypit jactatapjja ucqhajja, khespiyatäyätawa.

Romanos 11:32

Diosajj quicpacwa jan ist'irinacarus catjjasïnjja, uqhamat taketaquis qhuyapt'ayasiñapajj mayaqui utjañapataqui.

Romanos 3:22

Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti;

Romanos 3:23

ucatsti takeni jucha lurapjjatap laycusti Diosampejj janiw catokatäpquiti.

Romanos 5:12

Cunjämatejj mä sapa jake toke juchajj aca oraker mantanquejja, ucat jiwajj uca jucha laycurac utjejja, uqhamaraquiw jiwajj take jakerojj catuntawayi juchachasitap laycu.

Gálatas 3:14

Acajj lurasïnwa cuna bendiciontejj Diosajj Abrahamaru arscäna ucajj Jesucristo toke churasiñapataqui, jan judiöpquis ucanacaru, uqhamarac cawquïr Ajaytejj Diosajj churañatac arscäna ucjja, iyawsañ toke catokañasataqui.

Gálatas 3:17

Cuntejj sisctjja ucajja acawa: Diosajj mä arust'äwjja Abrahamampiw lurawayi, ucsti Diosaw khanañchawayi. Moisesan leyipasti pusi patac quimsa tuncani mara pasatatwa churatäna, ucasti janiw ina ch'usaru tucuycaspati qhä arust'äwjja, ni Diosan arsutapsa jan cuna asquiru tucuycaspati.

Gálatas 3:23

Janïra aca iyawsäwi jutquipanjja, leyejj preso catjjäsistäna, iyawsäwin uñstaniñapcama suyasina.

Gálatas 3:29

Jumanacatejj Cristoncapjjsta ucajja, Abrahaman wawanacapäpjjaractawa, cuntejj Diosajj arsuwaycäna ucsa catokapjjaraquïtawa.

2 Timoteo 1:1

Naya Pablojj Jesucriston apostolopätwa, Diosan munañapat qhitata, cunjämatejj arsüwejj utjqui Cristo Jesusampi mayaru tucusin jacañjjata.

Hebreos 9:15

Ucatpï Jesucristojj machak arust'äwin sumancthapiyiripajja. Nayra arust'äwirjam jucha luratanacasajj Criston jiwatap laycuw perdonatäjje, qhitinacarutejj Diosajj jawsqui ucanaca Diosajj churañatac arscatayna uca wiñay herencia catokapjjañapataqui.

2 Pedro 1:4

Ucanac toketaracwa, arsüwinacapsa churistojja, uca arsüwinacapasti wali jach'anacawa, wali asquiraquiwa. Uqhamata jumanacajj uca Diosan arsüwinacap toke cunatejj Diosan utjqui uca catokapjjañamataqui, acapach k'añu yänacatsti jaltjjapjjañamaraqui.

2 Pedro 3:13

Ucampis jiwasajj arsutaparjamaw suyt'asctan mä machak orake, mä machak alajjpachampi, cuntejj Diosajj: “Churapjjämaw” sisquistu uca. Ucansti take cunasa chekapapunïniwa.

1 Juan 2:25

Ucapunïsquiwa, ucatpï Tatit Jesucristojj arsuwayejja: wiñay jacañ churañataqui.