Gálatas 3:21 - Qullan Arunaca

²¹ ¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Aymar Bibliia 1986

²¹ ¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Qullan Arunaka DC

²¹ Ukhamasti, ¿janit Moisesan kamachipasti Diosan arsutanakap yäqkpachasti? ¡Janiw kunäkipansa ukhamäkiti! Kamachinakatix wiñay jakañ churasapän ukaxa, kamachir phuqhatas laykuw Diosax katuqistasapäna.

Gálatas 3:21 Jak'a apnaqawi uñst'ayäwi

Lucas 20:16

Jutaniwa ucatsti jiwarayaniwa uca yapuchirinacarojja, yapsti yakhanacaruraquiw churjjani sasa.” Ac ist'apcän ucapachasti, sapjjänwa: —¡Diosas ucjja jan munpati! —sasa.

Romanos 3:31

Uqhamasti, ¿jichhajj iyawsäwi toketi leyirojj ina ch'usar tucuytanjja? Janiw cunäquipansa, ucat sipansa juc'amp ch'amanwa leyirojj tucuytanjja.

Romanos 3:4

Janiw cunäquipansa, jan ucasti Diosajj take cunsa chekaparjamaw luraraqui, jakenacajj c'arisisipcpansa. Ucatpï arunacapajj aqham saraquejja: “Arsutanacam laycuw chekan uñt'atäyäta. Taripatäcät ucqhasti atipätawa.”

Romanos 3:6

Janiw cunjämatsa uqhamäcaspati. Diosatejj jan chekäcchejja, ¿cunjämarac acapachanquirinacar taripaspasti?

Romanos 9:31

Ucampis israelitanacajj uca leyirjam sarnakañ munasinjja janiw phokhapcänti.

2 Corintios 3:7

Aca Moisesan leyipajj letranacampi mä kalar kellksutänwa. Mä jach'a khanampiraquiw jutänjja, israelita jakenacas janiraquiw uca khana laycojj Moisesan ajanupsa uñcatañataqui ch'amanïpcänti, ucampis uca khanajj chhaktawayjjaquïnwa. Uca leyitejj uqham jach'a khanampi jutcchïna jiwañatac juchañchañataqui ucajja,

Gálatas 2:17

Ucampis jichhajj nanacajj Cristo tokew Diosampi catokayasiñ munapjjta, nanacpachparaquiw juchanit uñt'asipjjta, ¿acasti Cristojj jucharar tucuyistu sañti muni? ¡Janiw cunäquipansa ucajj chekäquiti!

Gálatas 2:19

Ley tokenjja nayajj jiwatjamäjjtwa; uca pachpa leyiraquiw jiwayitu, Diosatac jacañajjataqui.

Gálatas 2:21

Janiw Diosan qhuyapayasiñapjja apanucuñ muncti. Maynitejj Diosampi catokatäspa leyiru ist'atap laycu ucajja, janiw cunataquis Criston jiwatapajj asquïcaspati.

Gálatas 6:14

Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

Hebreos 7:18

Uqhamasti, nayrïri camachejj phokhatäjjänwa, janiw ch'amanïcjjänti, ni cunataquis sirvcjjaraquïnti.

Hebreos 7:19

Moisesan leyipasti janiw cuns chekachcänti. Uca lantisti suma suyt'äwiw utjistu, uquïr tokeraquiw Diosarojj jac'achastanjja.