Gálatas 3:23 - Qullan Arunaca

²³ Janïra aca iyawsäwi jutquipanjja, leyejj preso catjjäsistäna, iyawsäwin uñstaniñapcama suyasina.

Aymar Bibliia 1986

²³ Janïra aca iyawsäwi jutquipanjja, leyejj preso catjjäsistäna, iyawsäwin uñstaniñapcama suyasina.

Qullan Arunaka DC

²³ Iyawsäwi janïr jutkipan, kamachin munañapar katuntataw jakäyätan, iyawsäwin yatiyasiñap suyasa.

Gálatas 3:23 Jak'a apnaqawi uñst'ayäwi

Juan 3:34

Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

Romanos 11:32

Diosajj quicpacwa jan ist'irinacarus catjjasïnjja, uqhamat taketaquis qhuyapt'ayasiñapajj mayaqui utjañapataqui.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Gálatas 3:19

Uqhamajj ¿cunataquis Moisesan leyipajj asquïspa? Khepatjja yapjjatasiwa juchanac khanañchañataqui, cawquïrtejj Diosajj arscäna “wawamarusa” sasa ucan jutañapcamaquiw Moisesan leyipajj sirvïnjja. Leyejj angelanac tokew khanañchatäna, ucasti Moisés tokew lurasiraqui.

Gálatas 4:21

Moisesan leyiparjam sarnakañ munirinaca, ac sapjjeta: “¿Janit ist'apcta cuntejj leyejj sisqui ucjja?

Gálatas 5:18

Ucampis Ajayutejj jumanacar irpapjjstam ucqhajja, janiw leyin amparapancjjapjjtati.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.