Éxodo 9:27 - Qullan Arunaca

²⁷ Ucatsti faraonajj Moisesampir, Aaronampir jawsayanisajj sänwa: —Nayajj uñt'astwa juchanïtajja, Tatitojj cheka asquiwa, ucampis nayampi, marcajjampiw juchanïpjjtjja.

Aymar Bibliia 1986

²⁷ Ucatsti faraonajj Moisesampir, Aaronampir jawsayanisajj sänwa: —Nayajj uñt'astwa juchanïtajja, Tatitojj cheka asquiwa, ucampis nayampi, marcajjampiw juchanïpjjtjja.

Qullan Arunaka DC

²⁷ Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Éxodo 9:27 Jak'a apnaqawi uñst'ayäwi

2 Samuel 12:13

Davidasti Natán nayrakatanjja juchanïtapwa amuyasïna: —Tatitu contraw juch lurta —sasa. Natanasti saraquïnwa: —Tatitojj janiw jumarojj juchamat mutuycätamti, janiw jiwcaraquïtasa.

2 Crónicas 12:6

Israel marcanquir jilïrinaca, uqhamarac reyisa jan wali luratanacapjja amuyasipjjänwa, ucatsti sapjjaraquïnwa: —¡Tatitusti chekapawa! —sasa.

Salmos 129:4

Tatitusti chekapar uñjasir cancañapanjja, ñankha lurir jakenacan amparapat khespiyitu.

Salmos 145:17

Tatitojj take sarnakäwipan chekap uñjiriwa, take luräwinacapan munasiñaniwa.

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Éxodo 10:16

Ucatsti faraonajj janc'aquiw Moisesampir, Aaronampir jawsayanisajj säna: —Nayajj jumanacan Tatitu Diosam contraw jucha lurta, uqhamarac jumanac contraraqui.

Éxodo 10:17

Ucampis nayajj achict'asipjjsmawa jichha cutimpiqui juchajjat perdonapjjeta, uqhamarac jumanacan Tatitu Diosamaru nayatac mayirapipjjeta aca jiwayir mutuyäwjja nayata apakañapataqui.

Éxodo 8:25

Ucatsti faraonajj Moisesampiru, Aaronampir jawsayanisajja sänwa: —Sarapjjam Diosamaru sacrificio loktiri, ucampis janiw aca marcatjja mistupjjätati —sasa.

Éxodo 8:8

Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Lamentaciones 1:18

Tatitojj lurañapwa lurasqui, nayan camachi arunacapataqui sayt'asitajj laycu. ¡Take marcanaca, ist'apjjeta; t'akhesitajjsa uñjapjjaraquim! ¡Marcajjanquiri waynanacasa, tawakonacasa, preso apataw uñjasipjjaraqui!

Daniel (hebreo) 9:14

Ucatpï, Tata, jumajj nanacataquejj aca jach'a jan walinac waquichtajja ucat nanacjjaru apayaniractajja, jumasti, nanacan Dios Tatitojja, chekapapunïtawa, take luratanacamasa chekaparaquiwa; ucampisa nanacaw jumarojj jan ist'añ munapcsmati.

Números 21:7

Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.

Números 22:34

Balaamasti Tatitun angelaparojj sänwa: —Nayasti juch lurta, janiw yattcäyätti juman uca chekan thaqui jist'antascatama. Jumataquitejj jan walïcchi nayan saratajjajja, ucqhajj utajjaruw cuttjjä —sasa.

Mateo 27:4

Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Josué 7:20

Acanajj Josué chacharojj sänwa: —Chekpachansa nayaw Israelan Diosap nayrakatan jach'a juch lurta, acanacwa nayajj lunthatasinta.

1 Samuel 15:24

Ucat Saúl reyejj Samuelorojj saraquïna: —Jïsa, juchwa lurtjja, Tatitun arunacaparu jan yäkasajja, uqhamarac juman arsutanacamar jan ist'asisa. Jakenacaruw ajjsaräyäta, ucat jupanacan mayitaparu jaysta.

1 Samuel 15:30

—Chekpachansa, nayaw juchjja lurta —sasaw Saúl reyejj säna. Ucampisa take Israel marcan jilïri jakenac nayrakatanwa uqhamarac take Israel marcpacha nayräjjanwa achict'assma, nayarojj mä reyirjama uñjaquitaya. Uqhamajj nayampi chica sarañäni, Tatit Diosamar yupaychañataqui, —sasaw Saúl reyejj säna.

1 Samuel 26:21

Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.