Éxodo 9:26 - Qullan Arunaca

²⁶ Ucampis Gosén sat orakerusti cawqhancapcäntejj israelitanacajj ucqharojj janiw mä chhijchhis purcänti.

Aymar Bibliia 1986

²⁶ Ucampis Gosén sat orakerusti cawqhancapcäntejj israelitanacajj ucqharojj janiw mä chhijchhis purcänti.

Qullan Arunaka DC

²⁶ Ukampis Gosen uraqirux, kawkhantix israelitanakax jakapkän ukkharux janiw mä chhijchhis purkänti.

Éxodo 9:26 Jak'a apnaqawi uñst'ayäwi

Éxodo 10:23

Ucatsti janiw qhitisa jake masiparojj uñjañ puedcänti, uqhamarac cawqhancapcäntejj ucqhatsa janiw sartcjjapjjänti quimsa uru. Ucampis cawqhantejj israelitanacajj jacapcäna ucanjja khanaquïscänwa.

Éxodo 11:7

Uqhamat jumanacajj yatipjjañamataqui, cunjämtï Tatitojj israelitanacarojj egipcionacat yakhachqui ucjja. Israelitanacarusti, uqhamarac uywanacaparusa janiw anus wajcaniti.

Éxodo 12:13

‘Ucampis wilawa mä unanchäni jumanacajj cawquïr utancapcätatejj ucatjja. Nayasti wila uñjasinjja pasawayjjaquïwa, ucatsti janiw maynis jumanacatjja jiwcaniti, cunapachatejj egipcionacaru jiwaraycä ucqhajja.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Éxodo 9:4

Ucampis Tatitojja israelitanacan uywanacapjja yakhachaniwa, egipcionacan uywanacapatjja, israelitanacan uywanacapajj janiw mayas jiwcaniti.’

Éxodo 9:6

Ucat khepärmanthisti Tatitojj luränwa arsutaparjamajja. Egipcionacan take uywanacapaw jiwarapjjäna, ucampis israelitanacan uywanacapasti janiw mayasa jiwcänti.

Jeremías 23:6

Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Amós 4:7

“Cosecha horasataqui quimsa phajjsi faltquipansa jalljja janiw apayanipcsmati. Mä marcarusti jalljja puriyaractwa, mayarusti janiraqui; mä chekarusti jallojj puriwa, mä chekasti umatjamajj pharsuscaraquiwa.