Éxodo 9:27 - Qullan Arunaka DC

²⁷ Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Aymar Bibliia 1986

²⁷ Ucatsti faraonajj Moisesampir, Aaronampir jawsayanisajj sänwa: —Nayajj uñt'astwa juchanïtajja, Tatitojj cheka asquiwa, ucampis nayampi, marcajjampiw juchanïpjjtjja.

Qullan Arunaca

²⁷ Ucatsti faraonajj Moisesampir, Aaronampir jawsayanisajj sänwa: —Nayajj uñt'astwa juchanïtajja, Tatitojj cheka asquiwa, ucampis nayampi, marcajjampiw juchanïpjjtjja.

Éxodo 9:27 Jak'a apnaqawi uñst'ayäwi

2 Samuel 12:13

Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

2 Crónicas 12:6

Israel markan jilïr irpirinakapampi, reyimpix alt'at chuymampiw jan wali luratanakap uñt'asipxäna, ukat sapxarakïna: —¡Tatitux chiqaparuw uñjaski! —sasa.

Salmos 129:4

Tatitusti chiqapar uñjasir kankañapanxa, ñanqha lurir jaqinakan amparapat qhispiyitu.

Salmos 145:17

Tatitux taqi sarnaqäwipan chiqap uñjiriwa, taqi luräwinakapan munasiñaniwa.

Salmos 9:16

16 (17) Tatitux chiqapar uñjirïtap uñt'ayasi: ñanqha lurir jaqisti pachpa sipitaparuw jalt'i.

Éxodo 10:16

Faraonasti jank'akiw Moisesampiru, Aaronampir jawsayanïna, jupanakarusti akham säna: —Nayax jumanakan Tatit Diosamatakiw juchachasta, jumanakatakis juchachasiraktwa,

Éxodo 10:17

ukampis nayax jumanakar achikt'asipxsmawa, jichha kutimpik juchaxat pampachapxita, Tatit Diosamar nayatak mayirapipxita, aka jiwayir mutuyäwi nayat apaqañapataki —sasa.

Éxodo 8:25

25 (21) Ukatsti faraonax Moisesampiru, Aaronampiruw jawsayanïna, jupanakarusti sänwa: —Diosamar wilañcha luqtir sarapxam, ukampis janiw aka markat mistupxañamäkiti —sasa.

Éxodo 8:8

8 (4) Ukat faraonax Moisesampiru, Aaronampir jawsayanisin jupanakar säna: —Tatitumar mayipxam k'ayra jamp'atunak nayat apanukuñapataki, ukhamarak jaqinakaxatsa, nayasti jaqinakamar mistuyxäwa Tatitur wilañcha luqtir sarañapataki —sasa.

Lamentaciones 1:18

Tatitux kunatix askïki uk luraski, nayan kamachi arunakapar jan yäqataxata. ¡Taqi markanaka, ist'apxita; t'aqhisitaxsa uñjapxarakim! ¡Markaxankir waynanakasa, tawaqunakasa, katuntat apataw uñjasipxi!

Daniel (hebreo) 9:14

Ukat Tatay, aka jach'a jan walinak wakichasin nanakxar apayaniraktaxa; jumasti, nanakan Tatit Diosaxay, taqi luratanakaman chiqapapunïtawa; ukampis nanakaw jumaru jan ist'añ munapksmati.

Números 21:7

Ukat jaqinakax Moisesan ukar sarasin jupar sapxäna: —¡Tatitumpitaki jumampitak arusisax jucha lurapxta! ¡Jumay Tatitur mayim aka katarinak apanukuñapataki! —sasa. Moisesasti israelitanakar juchapat pampachañapatakiw Tatitur mayïna,

Números 22:34

Balaamasti Tatitun angelaparux sänwa: —Nayax juch lurta, janiw yatkäyätti juman uka chiqan thakhi jist'antaskatama. Jumatix Moab markar sarañax jan munkstaxa, jichhpachaw utaxar kuttawayxä —sasa.

Mateo 27:4

akham sasa: —Jan juchan jaqir jiwayañatak katuyasaw juchan uñjasta —sasa. Jupanakasti sapxänwa: —¿Kamachapxarakï nanakasti? ¡Jumay kunarus tukuskamxa! —sasa.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

Josué 7:20

Acán chachasti sänwa: —Chiqpachansa, nayax Israelan Tatit Diosapa nayraqatan juchachasta. Uksti akham lurta:

1 Samuel 15:24

Ukat Saúl reyix Samuelurux säna: —Jïsa, Tatitun arunakapar jan yäqasa, juman arsutanakamar jan ist'asaw juchachasta. Soldadonakaruw axsaräyäta, ukat mayitanakapar jaysta.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.

1 Samuel 26:21

Ukat Saúl reyix säna: —¡David, wawaxa, nayaw juchanïtxa! ¡Mä pisi chuyman jaqjamaw sarnaqtxa, luräwixansa pantjasiraktwa! Ukampis kuttanxam, janiw jichhax kuna ñanqhsa lurkxämati, jichhüruw jumax jakañaxar jan kuna ñanqhsa lurañ munatam uñacht'ayista —sasa.