Éxodo 34:9 - Qullan Arunaca

⁹ —¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Aymar Bibliia 1986

⁹ —¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Qullan Arunaka DC

⁹ —¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Éxodo 34:9 Jak'a apnaqawi uñst'ayäwi

Salmos 135:4

Jupaw Jacoborojj ajllisïna, Israelarusti marcapäñataquiw ajllisiraquïna.

Salmos 25:11

Tatay, juchanacajjajj waljapuniwa, sutiman jach'ätap laycuy takpach juchanacajjat pampachita.

Salmos 28:9

Tatay, marcamarojj khespiyaquimaya, jumar iyawsirinacar asquinac churam; awatirir uñtat jupanacar uñjam, ¡wiñayapun amparamampejj irpam!

Salmos 33:12

Tatitut Diosanïqui uca marcajj cusisiñaniwa, jupatac ajllitäqui uca marcajj cusisiñaniwa.

Salmos 78:62

Marcapataquejj wali k'apisitänwa, timapan espadaparuw jupanac catjjaruyäna.

Salmos 94:14

Tatitojj janiw marcaparojj apanuccaniti, janiraquiw jupanquirinacarus jaytanuccaniti.

Éxodo 19:5

Jichhasti jumanacatejj nayan arunacajj sum ist'asina jaysapjjetäta, uqhamarac nayan jumanacampi mä suma amtäwi luratajjsa phokhapjjaraquïta ucajja jumanacasti nayan suma munat marcajjäpjjätawa take marcanac taypinjja. Ucampis take orakejja nayanquiwa.

Éxodo 32:9

Tatitojj Moisesarojj sascaquïnwa: —Nayasti aca jakenacar uñjasinjja amuytwa, chekpachapuni jupanacajj jan suma amuyt'asirïpjjatapa.

Éxodo 33:12

Moisesasti Tatiturojj sänwa: —Jumasti nayarojj, ‘aca jakenaca irpam’ sistawa, ucampis janiw sisquistati qhitimpiw jumar qhithäma sasajja. Uqhamarac saractawa: ‘Jumaruw confiasma’ sasa, ucampis jumajj nayataquejj colerataquëjjtawa.

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Zacarías 2:12

Tatitojj wasitatwa Judá marcaru tumpasjjanejja kollana orakena, suma ajllitaparjama, wasitatwa khanañcharaquinejja Jerusalenajj ajllit marcapäjjañapataqui.

Números 14:19

Juman munasiñamasti sinti jach'awa, perdonamay aca marcan juchanacapjja, niyaquejjay jupanacat qhuyapayasstajja, Egiptotpacha aca chekcama.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Deuteronomio 32:9

Diosan herenciapasti, jakenacapawa Jacobon marcapawa.

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.

Deuteronomio 9:18

Ucatsti Tatitu Diosan nayräjjaparuw quillt'asta, cunjämatï nayrïrejja lurcäyäta uqhamaw pusi tunca urumpi pusi tunca arumampi ucancäyäta jan cuns mank'asa ni umasa, jumanacan jucha luratanacam laycu, cunampitejj Diosarojj ñankhachapjjta uqhamarac colerayapjjaracta.

Deuteronomio 9:26

Ucatsti Diosarojj mayïyätwa: ‘Dios Tata, jan jumajj aca marcamaru t'unjamti, jumaw jach'a cancañampi khespiyasta uqhamaraqui jach'a ch'amamampi Egipto marcatsa irpsunta.

Deuteronomio 9:29

Ucampis jupanacajj juman marcamawa, juman herenciamaraquiwa, jumaw Egipto marcat irpsunta jach'a ch'amamampi’ sasa.