Éxodo 34:9 - Qullan Arunaka DC

⁹ —¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Aymar Bibliia 1986

⁹ —¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Qullan Arunaca

⁹ —¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Éxodo 34:9 Jak'a apnaqawi uñst'ayäwi

Salmos 135:4

Jupaw Israelarux ajllisïna, jupan markapäñapatakiw ajllisïna.

Salmos 25:11

Tatay, juchanakaxax waljapuniwa; sutiman jach'ätap laykuy pampacht'ita.

Salmos 28:9

Tatay, markamarux qhispiyakimaya; jumar iyawsirinakar askinak churam. Mä awatirjamay jupanakar uñjam; ¡wiñayapun amparamamp irpam!

Salmos 33:12

Tatitut Diosanïki uka markax kusisiñaniwa, jupar ajllisipki uka markax kusisiñaniwa.

Salmos 78:62

Markapatakix wali q'apisitänwa, uñisirinakapampiw q'al atipjayäna.

Salmos 94:14

Tatitux janiw markaparux apanukkaniti, janirakiw jupankirinakarus jaytanukkaniti.

Éxodo 19:5

Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Éxodo 32:9

Tatitusti Moisesarux saskakïnwa: —Nayax aka jaqinakar uñjasax amuyxtwa, jupanakan jan suma amuyt'asirïpxatapa.

Éxodo 33:12

Moisesasti Tatituruw säna: —Jumax “aka marka irpam” sasaw mayista, ukampis janiw khititix nayamp chik sarkani uk siskistati. Sarakistawa: “Jumar uñt'smawa, munasiñaxaw jumatak utjitu” sasa.

Éxodo 34:7

Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.

Isaías 48:4

Kunjämtix nayax juman jan ist'asirïtam yatkäyätxa, mä fierror uñtat wali ch'ullqhïtawa, broncer uñtata jan k'umt'kayätawa,

Jeremías 10:16

¡Ukatsipana, kunja jach'as Israelan Diosapaxa, jupaw taqi kunatix utjki ukanaksa utt'ayi! Juparakiw Israelarux jupatak ajllisi; Taqi Ch'aman Tatitu, ukaw sutipaxa.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Zacarías 2:12

12 (16) Tatitux wasitat Judá markarux tumpasxani, suma utt'ayat markaparjam qullan uraqina, Jerusalén markarusti wasitat suma ajllit markapäxañapatak qhanañcharakini.

Números 14:19

Tatay, munasiñamax sinti jach'awa, aka markan juchanakap pampachakimaya, kamisatix Egiptot akakam khuyapt'ayaskta ukhama.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Deuteronomio 32:9

Diosan katuqäwipasti, jaqinakapawa, Jacobun markapawa.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Deuteronomio 9:18

Uka qhipatsti Tatitun nayraqatapan killt'asta, ukatsti, kamisatix nayrïr kutix lurkta ukhamaw pusi tunka urumpi, pusi tunka arumampi jan kuna manq'ata, umas jan umt'ata ukankäyäta, jumanakan jucha luratanakam layku, Diosar ñanqhachapxatamata, q'apisiyapxatamata.

Deuteronomio 9:26

achikt'asisaw juparux sarakta: ‘Dios Tatay, janikiy jumax aka markamar t'unjamti, juman markamawa, jach'a kankañampiw qhispiytaxa, jach'a ch'amamampiw Egipto markatsa irpsuntaxa.

Deuteronomio 9:29

Ukhampachas jupanakax juman markamawa, jumaw Egipto markat jach'a ch'amamampi irpsuntaxa’ ” sasa.