Éxodo 34:10 - Qullan Arunaca

¹⁰ Tatitusti sänwa: “Jumanacasti ist'apjjam, nayasti mä suma amtäwi lurta take jakenacaman uñjcata. Uqhamarac luraraquïwa walja muspharcañanaca, uqhamasti janiwa cawqha orakensa, ni cawqha marcansa luratäquiti; jumanacasti cawqhanjjay jakenac taypina jicjjatasipjjchïta take uca jakenac taypinwa jumanacajj uñjapjjäta Tatitojj cunjjay lurchini uca. Uqhamasti cunanacjjay nayajj jumanacampi lurchï ucanacajja wali muspharcañäniwa.

Aymar Bibliia 1986

¹⁰ Tatitusti sänwa: “Jumanacasti ist'apjjam, nayasti mä suma amtäwi lurta take jakenacaman uñjcata. Uqhamarac luraraquïwa walja muspharcañanaca, uqhamasti janiwa cawqha orakensa, ni cawqha marcansa luratäquiti; jumanacasti cawqhanjjay jakenac taypina jicjjatasipjjchïta take uca jakenac taypinwa jumanacajj uñjapjjäta Tatitojj cunjjay lurchini uca. Uqhamasti cunanacjjay nayajj jumanacampi lurchï ucanacajja wali muspharcañäniwa.

Qullan Arunaka DC

¹⁰ Tatitusti Moisesar sänwa: “Sum ist'am, taqpach markamampiw mä arust'äwi lurä. Jach'a muspharkañanak lurä, janiw kawkha uraqinsa, kawkha markansa ukhamax luraskänti. Jumanakax jakapkät uka markanakan taqi uka jaqinakaw uñjani kuntix naya, Israelan Tatitupax lurkä ukxa. Ukhamasti nayax jumanakatak lurkä ukanakax wali muspharkañäniwa.

Éxodo 34:10 Jak'a apnaqawi uñst'ayäwi

2 Samuel 7:23

Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

Salmos 106:22

Cam oraken muspharcañanac lurquipansa, Mar Rojo kotan muspharcay luräwi lurquipansa.

Salmos 136:4

Jach'a muspharcañanac luririru: qhuyapayasiñapajj wiñayawa.

Salmos 145:6

Ajjsarcay ch'aman luratanacamat yatiyasini, nayasti jach'a luräwinacamat parlaraquï.

Salmos 147:20

Janiw cawquïr marcampis uqhäm lurcänti, qhä marcanacajj janipuniw arsutanacap uñt'apcänti. ¡Tatitojj jach'ar aptatäpan!

Salmos 65:5

Khespiyir Diosajjay, muspharcañ asqui cancañampiw jaysapjjestajja; take orakpachaw jumarojj alcatapjjtam, jayanquir kotas alcataractamwa;

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Salmos 66:5

Diosan luratanacap uñjir jutapjjam, jaken asquipatac muspharcay luräwinacap uñjapjjam:

Salmos 68:35

Diosajj kollan utapan muspharcayapuniwa; jupaw Israelan Diosapajja, jupaw marcaparojj ch'am churi, ¡Diosajj jach'añchatäpan!

Salmos 72:18

Israelan Tatit Diosapajj jach'añchatäpan, jupaquiw muspharcañanac lurirejja;

Salmos 76:12

Jupaw p'ekechirinacarojj jan samanan tucuyi, acapachanquir reyinacarus ajjsarayaraqui.

Salmos 77:14

Jumaw muspharcañanac lurir Diosätajja. Jumaw marcanacar ch'amam uñacht'aytajja.

Salmos 78:12

Diosajj Egiptonquir Zoán orakenjja, awquinacapan uñjcañaw muspharcañanac luräna,

Éxodo 34:27

Tatitusti Moisesarojj sänwa: “Kellkam aca arunaca, aca arunacampiw sumaru manttanjja jumampi, uqhamarac israelitanacampisa.”

Éxodo 34:28

Moisesasti Tatitumpi chicänwa pusi tunca uru, pusi tunca aruma jan mank'ata, uqhamarac jan umas umt'ata uqhama; jupasti kala tablanacaruw kellkascäna Diosan tunca camachi arunacapjja.

Isaías 64:3

Cunapachatejj uca ajjsarcañanaca cuntejj nanacajj jan suyapcäyätsa ucanac lurcta ucqhajj, cunapachatejj jumajj sarakancta ucapachajj, kollunacajj juma nayrakatanjja qhathatipjjewa.

Jeremías 32:21

Israel marcamarusti jumaraquiw Egipto marcat jach'a ch'amamampi apsuntajja, milagronac lurasa, uqhamaraqui uñacht'äwinac uñacht'ayasa, takenirusa ajjsarañampi phokhantasaraqui.

Miqueas 7:15

Egiptot apsuncta uca urojj cuna muspharcañanactejj uñacht'aycta uca pachpa muspharcañanacay uñacht'ayaraquim.

Deuteronomio 10:21

Juparuquiwa k'ochunaca churapjjäta, jupaquiw jumanacan Diosamajja, jumanacan uñjcañaraquiw jach'a muspharcañanacjja luraraqui, jumanac laycu.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Deuteronomio 4:13

Tatitusti uñacht'ayapjjtamwa jupan suma arust'äwipjja, cawquïritï Tunca Camachinacana, pä kalanacar kellkata, jumanacan uca camachinacarjam sarnakapjjañamataqui.

Deuteronomio 9:19

Nayasti wali sustjataw uñjasiyäta Tatitu Diosan uqhama jumanac contra colerasitapatjja, ucatsti jumanacaru t'unjañ munatapata; ucampis Tatitu Diosajj mä cutimpiw mayitajjaru ist'itu.

Josué 6:20

Uqhamaw takpach Israel marcajj jach'at art'apjjäna, sacerdotenacas pututunacap phust'apjjaraquïna, ucatsti mayac Jericó marcan perkanacapajj tincjjäna. Ucatsti take Israel jakenacaw marcarojj catuntañatac chhuqhuntapjjäna.