Éxodo 20:8 - Qullan Arunaca

⁸ “Amtasïtaw samarañ urutjja, uca urojj Diosaru jach'añchañataqui,

Aymar Bibliia 1986

⁸ “Amtasïtaw samarañ urutjja, uca urojj Diosaru jach'añchañataqui,

Qullan Arunaka DC

⁸ “Sábado urut amtasïta, uka urun Diosar jach'añchañataki.

Éxodo 20:8 Jak'a apnaqawi uñst'ayäwi

Génesis 2:2

Pakallkör urusti Diosajj take luräwinacapwa tucuyäna, ucatsti samaränwa.

Génesis 2:3

Uca pakallköri urjja bendicïnwa, kollana uru sasaw saraquïna, uca urun take luräwinacapat samaratap laycu.

Nehemías 13:15

Qhaya urunacanjja Judá orakenjja uñjtwa yakhepanacajj samarañ urunjja uvanac taquiri vino lurañataqui, uqhamarac trigo pichunaca apnakeri asnonacatsa qhumunakeriraqui uvanaca, higonaca, uqhamarac take casta carganaca, uqhamarac samarañ urunaraqui Jerusalenar apapjjäna. Ucatsti nayajj tokenoktwa uca urun aljañanac aljasipjjatapata.

Nehemías 9:14

Jupanacarojj yaticharactawa samarañ uru jumatac imapjjañapataqui, ucatjja Moisés sirvirim tokejj churaractawa camachi arunaca, leyinaca, uqhamarac yatichäwinaca.

Éxodo 23:12

“Sojjta urunwa take cuna lurañanacamsa luräta, ucampis pakallko urunjja samarätawa, uqhamata vacamasa, asnomasa samarañapataquiraqui, uqhamarac sirvirimasa, jaya marcanquirisa samarasa ch'ama catjjatañapataqui.

Éxodo 31:12

Tatitusti Moisesaru parlasinjja sänwa:

Éxodo 35:1

Moisesasti take israelitanac jawsthapisa tantachasinsti sänwa: “Tatitusti acanac lurañaswa muni:

Isaías 56:2

Cusisiñaniw cawquïri jaketejj aca camächinac take chuymampi phokqui ucajja, samarañ ursa sum imaraqui jan taquisisa, ñankha lurañanacatsti jaltaraquiwa janiw cuna jan walsa lurquiti.”

Isaías 58:13

“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.

Jeremías 17:21

Tatitusti siwa: Jumanacan jacañanacama laycusay, samarañ urunjja jan carga apapjjamti, janiraqui Jerusalén marcan puncunacap toksa apantapjjamti.

Jeremías 17:22

Uqhamaraqui samarañ urunjja jan carganac utanacamatjja apsupjjamti, janiraqui uca urojj cuna casta irnakäwsa lurapjjamti. Samarañ ursti nayaru loktanipjjeta, cunjämtejj nayra awquinacamaru siscäyätjja uqhama.

Jeremías 17:24

‘Naya, Tatituw, acjja arsta: Chekpacha ist'apjjeta, marcan puncunacapansti janipuni cuna casta carganacsa apnakapjjamti samarañ urunjja; uca ursti nayaru loktanipjjeta, janiraqui uca urunjja cuna casta irnakäwsa lurapjjamti.

Ezequiel 20:20

nayan samarañ urunacajjsti wali ajjsart'añampi uñjapjjam, uqhamat uca urunacajj mä unañchawïñapataqui cuna arust'äwinactejj nayajj jumanacampi lurcta uca tokenacatjja, uqhamatwa jumanacajj yatipjjäta nayajj jumanacan Tatitu Diosamätajja.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Levítico 19:30

“Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Levítico 26:2

Samarañ urunacajjsti suma uñjapjjaraquim, nayan kollanawja cheksti suma wakaychapjjaraquim. Nayätwa Tatitojja.

Números 15:32

Cunapachatejj israelitanacajj wasarancasipcäna ucqhajj mä jakeruw uñjapjjäna samarañ uruna lawanac apthapisquiri.

Deuteronomio 5:12

‘Amtasïtawa samarañ urutjja, Tatitu Diosaru uca urun yupaychañamataqui, cunjämatï Diosamajj ewjjawayctam uqhama.