Éxodo 20:24 - Qullan Arunaca

²⁴ Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Aymar Bibliia 1986

²⁴ Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Qullan Arunaka DC

²⁴ Laq'at nayatak mä altar lurarapipxita, uka altar patan jumanakan ovejanakamatsa, vacanakamatsa sumankañ nakt'at wilañchanak luqtapxitäta. Nayasti jutasin jumanakar aski waxt'äwinakamp phuqt'apxäma, kawkhanakantix nayan sutixan amtatäñap munkä ukkhanakana.

Éxodo 20:24 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

2 Samuel 6:12

Cunapachatejj Davidaru yatiyapjjäna, cunjamtï Tatitojj Obed-edom jakeru uqhamaraqui take familiaparu bendicïna, arcan utapancatap laycu, ucapachasti Davidajj jach'a cusisiñampiw Diosan arcapjja Obed-edom jaken utapat aptayanjjäna, Davidan Marcaparu.

1 Reyes 8:29

Aca templorojja urus arumasa uñch'uquipunimaya, cawqhantejj jumajj ucancaña arscta ucqhana. Jichhasti ist'amaya aca uywatamana oración luratapa.

1 Reyes 8:43

jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

2 Reyes 5:17

Ucatjja Naamanajj sänwa: —Uqhamajja Israelan pä mula carga lak'apacsay apayita; aca sirvirimasti janiw juc'amp yakha diosanacaru loktcjjaniti nact'ayata sacrificionacsa, jan ucasti Tatituruw loktjjani.

2 Crónicas 12:13

Roboam reyejj Jerusalén marcanjja ch'amapjja jiljjatayänwa, ucatsti apnakascaquïnwa. Jupasti pusi tunca mayan maraniwa apnakañ kalltäna, ucatsti Jerusalén marcanjja tunca pakallkoni marawa apnakäna, cawquïr marctejj Tatitojj ajlliscäna Israelana take tribunacap taypita ucan jacañataqui ucana. Roboam reyin taycapasti Naama sat sutinïnwa, jupasti Amón satäquis ucanquirïnwa.

2 Crónicas 6:6

ucampis nayajj Jerusalén marcaruw ajllista nayan sutejjajj ucancañapataqui, uqhamaraquiw Davidaru ajllisiracta Israel marcajjaru apnakañapataqui’ sasa.

2 Crónicas 7:16

nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Esdras 6:12

¡Ucatjja cawquïr Diosatejj Jerusalenaru ajlliscäna sutipa ucancañapataqui ucawa tucjani qhiti reyitejj, jan ucajj cawquïr marcatï jan walt'ayaña amtcani, jan ucajj tucjañsa muncaraquini Jerusalenanquir Diosan temploparu ucjja! Naya Darío reyiwa aca arunaca arsta lurasiñapataqui. Phokhaspan arsutajjarjama kellkatajjarjamaraqui” sasa.

Nehemías 1:9

ucampisa nanacatejj jumaru cutt'anjjapjjerisma, camachi arunacamaru phokhasina uqhamaru sarnakasaraqui, cawqui aca orake thiyacama jakonucutäcasasa, ucqhatpachwa wasitat apthapipjjetasmajja, kollana chhijllat lugaramaru cawqhantejj sutimajj jaccani ucqharu.

Salmos 101:2

chekap jacañpun munta. ¿Cunapacharac nayar tumpitätasti? Reyi utajjansa, sarnakäwejjajj jan camscayäniwa,

Salmos 122:2

Jerusalén marca: cayunacajjajj niyaw puncunacam chek mantasqui.

Salmos 128:5

Tatitojj Sión kollutpach asquinac jumar churpan, takpach jacäwimansti, Jerusalén marcan kamirquipstatap uñjawayam.

Salmos 134:3

Tatitojj Sión kollutpachay jumarojj asquinac apayanpan: jupaw alajjpach acapach lurirejja.

Salmos 74:7

Kollan utamarojj ninampiw ircatapjje, oraketpach allinucusaw tincuyapjje, sutiman utjäwip ñankhachapjje.

Salmos 76:2

kollan utapajj Jerusalenanquiwa, utjäwipajj Sión kollunquiwa.

Salmos 78:68

Judá aylluruw ajllïna, Sión munat kollupampiruw chhijlläna.

Éxodo 10:25

Ucampis Moisesajj saraquïnwa: —Juma pachpawa uywanac churawayapjjetäta nanacan Tatitu Diosajjaru sacrificiot nact'ayasin loktanipjjañajjataqui.

Éxodo 18:12

Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 20:25

Ucampis kalanacattejj altara waquicharapipjjetäta ucajja, janiw herramientampi lek'et kalanacatjja lurapjjätati. Herramientampi lek'et kalanacampi lurat altarajj janiw walïcaspati.

Éxodo 24:4

Ucampis Moisesajj kellkänwa cunanactejj Tatitojj siscäna ucanaca, ucat khepärmanthi alwata sartasinsti jupajj kollu cayurojj mä altarwa luräna, uqhamarac altar thiyarojj tunca payan kala uchäna; Israelanquir sapa tributjja mä kala uchasa.

Éxodo 24:5

Ucatsti Israelit waynanacwa qhithäna vaca kallunac qharsusa Tatitur jach'añchasina nact'ayasa loktapjjañapataqui, uqhamarac sumancthapiñataqui sacrificionacsa loktapjjaraquïnwa.

Éxodo 27:1

“Mä altara acacia sat maderat luraraquim, aca altarasti cajonäñapawa, ladorusa, anchorusa pä metro pä tunca pheskan centimetronïñapawa; altorusti mä metro pä tunca pheskan centimetroniraqui.

Isaías 64:5

Jumasti qhititejj asquinac cusisiñampi lurqui ucanacaruw catoktajja, uqhamaraqui cuntejj jumajj muncta uc lurqui ucarusa. Jumajj nanacataquejj coleratätawa, nanacan jucha lurapjjatajj laycu; nayratpachracwa jumarojj chuymama usuyapjjsma.

Levítico 17:9

ucampisa janiraqui Tatitumpi Jiquisiñ Carpäquisa uca nayrakataru apcaraquiniti, ucasti jakenac taypitjja jiwayatäjjaniwa.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Mateo 18:20

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Deuteronomio 12:21

Cawquïri chektejj Tatitu Diosamajj ajllisini jupan jacäwipataqui, ucatejj jumanacan jacäwinacamat jayancascani ucqhajj puedipjjtaw vacama, ovejama qharsusin mank'aña, cawqhantejj jacapcta uca chekana, cunjämtejj nayajj sapcsma uqhama.

Deuteronomio 12:5

Diosasti jumanacan tribum taypita mä lugar ajllisi, jumanacasti uca chekaru yupaychir sarapjjañamataqui.

Deuteronomio 14:23

Sapa tuncat mayäquis ucanacjja trigota, vinota, aceiteta yakhachatjja, uqhamaraqui vacanacamana, ovejanacamana nayrïri wawachat kallunacapata jumanacajj Tatitu Diosaman nayrakatapan mank'apjjäta, cawqha chekarutejj Tatitu Diosamajj ajlliscani utjäwipataqui uca chekana, uqhamata jumanacan Diosaru yupaychaña yatekapjjañamataqui.

Deuteronomio 16:11

Ucatsti uca fiestanacjja lurapjjätawa cawqha chekarutejj Tatitu Diosamajj utjäwipatac ajllisqui uca chekana, take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi, qhitinacatï jumanac taypin jacapqui ucanacampi.

Deuteronomio 26:2

ucapachajj cosechamat nayrakat achuri achunacapwa uca orakenacamatjja apäta, mä canastaru, cawqha chektejj Tatitu Diosamajj ajllisqui juparu yupaychañataqui uca chekaru.

Deuteronomio 7:13

Jumanacarusti munasiñampiw uñjapjjätam, bendicipjjaraquïtamwa waljaniru mirtayasa; uqhamaraquiw jupajj bendiciraquini wawanacamaru, yapunacamaru, cosechanacamaru, trigo yapunacamaru, vinomaru, aceitemaru, uqhamaraquiwa bendicini vacanacamana, ovejanacamana kallunacaparusa, cawquïri oraktï churä siscän awquinacamaru arupampi arsusina ucanacaru.

1 Timoteo 2:8

Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.