Éxodo 20:17 - Qullan Arunaca

¹⁷ “Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.”

Aymar Bibliia 1986

¹⁷ “Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.”

Qullan Arunaka DC

¹⁷ “Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

Éxodo 20:17 Jak'a apnaqawi uñst'ayäwi

Génesis 14:23

cunatejj jumancqui ucanacatjja jan cunsa catuntasiñajjataqui, hiloquïpasa, jan ucajj wisqhunacajjataqui mä chinuñaquïspasa, uqhamat janipuni: “Nayaw kamiriptayta” sascañamataqui.

Génesis 3:6

Warmisti uca kokan achupajj mankt'añataquisa uqhamaraqui yatiñanïñataquisa sumätapwa uñcatäna. Uqhamasti mä achu apakasinjja mank'antänwa. Ucatsti chachaparuraquiw churäna, jupasti mank'antaraquïnwa.

Génesis 34:23

Take yänacapasa, uqhamarac uywanacapasa jiwasancaniwa. Jiwasajj jaysaqui jaysañänejja, ucatsti jupanacajj jiwasampiw jacapjjaraquini —sasa.

Job 31:1

Nayajj maya amtasta, ucasti acawa: Janipuni soltera tawakonacarusa munapayañajja.

Job 31:9

“Mä warmimpitejj sallkjayastjja, jan ucajj jake masejjan warmipsa uñch'uquiscaracsta,

Salmos 10:3

Ñankha lurir jakejj, munapayañ cancañapat jach'achasi, munapayir jakejj, Tatituruw ñankhachi, jisc'acharaqui.

Salmos 119:36

Arsutanacamaruy chuymajj alcatayita, janiquiy inampst'añar puriyistati.

Proverbios 4:23

Take cuna imatäqui ucat sipansa chuymam imam, jacañamasti uca chuymamatwa juti.

Proverbios 6:29

Uqhamaraquïniwa qhititejj jake masipan warmipampi jucha lurañan sarnakqui ucajja. Juchapjja uñt'asipuniniwa.

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Isaías 33:15

Qhititejj chekaparu cuns lurqui, cheka parlaraqui, janiraqui ch'amampiqui kamirquipstquiti, janiraqui cuns wajjt'äwinac laycuqui lurquiti; janiraqui jake jiwayirinacan arunacapsa ist'quiti, nayranacapsa ch'irmthapiraqui jan ñankhanaca uñjascañataqui,

Isaías 57:17

Israelan juchap laycuraquiw mä pacha coleratayätjja, juparojj mutuyaraquïyätwa, apanucuraquïyätwa; ucampis jupajj nayataquiw sayt'asïna, jupan amtataparjamaquiraquiw sarnakasïnjja.

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Jeremías 5:8

Orko caballonacar uñtataw, jake masipan warminacap uñtasajj wararipjje.

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Miqueas 2:2

Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.

Habacuc 2:9

“¡Ay, cunänis jumatjja, lunthatat yänacampi utamar phokhantayatamatjja. Ucat jan walt'añanacan jan cunas camachañapataqui!

Mateo 20:15

Nayaw uqham lurañ munta kollkejjampi cunjämarutejj muncta uqhamaru. ¿Jan ucajj uqham suma jakëtajj laycu envidiasistacha?’ sasa.

Mateo 5:28

Ucampis nayajj sapjjsmawa, qhititejj mä warmirojj munapayañataqui uñtejja, niyaw chuymapanjja jupampi wachoka juchjja lurjje.

Lucas 12:15

Uqhamaraquiw säna: —Amuyasipjjam jumanacataquic take cuns munañjjata; jaken jacañapasti janiw cunatejj utjarapqui uca walja yänacapancquiti —sasa.

Lucas 16:14

Kollker wali chuyma churat fariseonacasti take acanacjja ist'asipcaraquïnwa, ucat jupanacajj Jesusatjja larusipjjäna.

Hechos 20:33

Janiw nayajj munapaycäyätti qhitin kollkepsa ni qhitin isipsa.

Hechos 5:4

¿Janit jumanccänjja uca orakejja? Jumatejj aljstajja, ¿janit uca kollkejj jumanccaraquïnjja? ¿Cunats aqham lurañ amttajja? Chekpachansa Diosaruw c'arinttajja, janiw jakenacaruti —sasa.

Romanos 13:9

Camachi arunacajj siwa: “Jan wachoka juchjja luramti, jan jiwayamti, jan lunthatamti, [jan jake masimaru c'arintamti,] jan jakenquïri munapayamti” sasa. Take aca camachinacajja yakhanacamp cunajja, aca arunacwa phokhasi: “Jake masimarojj juma quipcarjam munasim” sasa.

Romanos 7:7

Jichhasti ¿cun sañänisa? ¿Leyejj juchati? Janiw cunäquipansa. Ucampis janiw nayajj yatquiriscäyätti cunatejj juchäqui ucjja janitejj uca leyejj utjcasapän ucajja. Amuyt'añäni, janiw nayajj yatquiriscäyätsa cunatejj jakenquir munañäqui ucjja janitejj leyejj uc khanañchcasapäna: “Jan jakenquir munamti” sasa, ucajja.

Efesios 5:3

Jumanacajj Diosanquirïpjjstajjaya, janiw utjañapäcjjeti wachoka jucha lurañanacajj, cuna casta jan wali luräwinacasa ni mich'asiñanacasa.

Efesios 5:5

Uqhamajj yatjjapjjtawa, cawquïritejj yakhamp wachoka juchan sarnakchejja, jan wali luräwinac luririsa, jan ucajj mich'asa (ucajj c'ari diosanacarus yupaychcaspa uca pachpawa) janiw Cristompin Diosampin reinoparus mantcaspati.

Deuteronomio 5:21

‘Janiw jake masiman warmip munapayätati; janiraquiw munätati utapsa, ni orakenacapsa, ni sirviripsa, ni uywatapsa, uywanacapsa, ni asnopsa, ni cunatejj jupancqui ucanacsa.’

Deuteronomio 7:25

Ninampiraquiwa phichhantapjjäta diosanacapsa. Ucatsti janiraqui munapayapjjamti uca diosanacapar lip'suyat koripsa ni kollkepsa; jan jumanacan uqhamat jucharu puripjjañamataqui, uc lurasasti Tatitu Dios nayräjjan jan wali lurapjjasmajja.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

Colosenses 3:5

Aca oraken jucha lurañanacajj jumanacan utjqui ucanacasti jan utjcjjpanti: jan qhitis yakhampi wachoka juchan sarnakpati, janirac k'añu luräwinacsa lurpati, janirac jañchipan munañanacapsa, ni jan wali amtatanacapsa lurpati, janirac mich'äpasa (ucasti c'ari diosanacarus yupaychcsna uqhamaraquiquiwa).

Hebreos 13:5

Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa.

Josué 7:21

Jericó marcar mantasinjja, nayajj Babiloniat apanit mä suma manto aptasta, ucatsti mä kilo kollkempi, uqhamarac mä kori barrampi cawquïritï chica kilonïna uca. Ucanacsti sintpunwa munayäta ucat ucanac aptasinta. Jichhasti ucanacjja orakeruw carpajj mankhan allintta, kollkjja mankharu —sasa.

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 15:19

ucapachasti, ¿cunataraqui arsutanacaparusti jan phoktasti, ucat cuntejj enemigot aparapcta ucjja jumataqui catuntastasti, uqhamat Tatitun nayrakatapan jan walinac lurasa? —sasaw Samuelojj säna.