Éxodo 20:17 - Qullan Arunaka DC

¹⁷ “Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

Aymar Bibliia 1986

¹⁷ “Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.”

Qullan Arunaca

¹⁷ “Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.”

Éxodo 20:17 Jak'a apnaqawi uñst'ayäwi

Génesis 14:23

kunatix jumankki ukanakatxa, ch'ankhäpasa, jan ukax wiskhunakan chinuñapäpasa, janipuniw kunsa katuntaskäti, juman wiñay jan saskañamataki: “Nayaw Abrahamar qamiriptayta” sasa.

Génesis 3:6

Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Génesis 34:23

Jiwasax jaysak jaysañäni, jupanakan jiwasampi jakañapataki. Ukhamat uywanakapasa, taqi yänakapas jiwasankani —sasa.

Job 31:1

Naya pachpaw chuymaxan amtasta, mä tawaqur jan uñch'ukiñataki.

Job 31:9

Mä warmimpitix sallqjayastxa, jan ukax, uta jak'ankir masixan warmipar uñch'ukiskaraksta ukasti,

Salmos 10:3

Ñanqha lurir jaqix munapayatapat jach'achasi; Tatiturusti ñanqhachji, jisk'achjarakiwa.

Salmos 119:36

Arsutanakamaruy chuymax alkatayita, janikiy inampst'añar puriyistati.

Proverbios 4:23

Taqi kunanakat sipansa chuymam imam, jakañaman uka chuymat jutatap layku.

Proverbios 6:29

Jaqi masipan warmipamp jucha lurañan sarnaqir jaqix ukhamarakiwa, juchapsti uñt'asipuniniwa.

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Isaías 33:15

Khititix chiqaparu kuns lurki, chiqa parlkaraki, khititix ch'amampi aparas jan qamiriptkiti, waxt'äwinak laykuki jan kuns lurkiti; jaqi jiwayirinakan arunakapsa janirak ist'kiti, nayranakapsa jan ñanqhanak uñjañatak ch'irmthapkaraki,

Isaías 57:17

Israelan juchap laykuw mä pachax phiñasitäyätxa, juparux mutuyayätwa, ukatsti apanukuyätwa; ukampis jupax nayatakiw sayt'asïna, jupan amtataparjamakiw sarnaqäna.

Jeremías 22:17

“Ukampis jumax jan wali lurañanakampi jikxatatanakamatak llakistaxa; jan juchanirux jiwaytawa, markamankirinakarus ch'ama lurañanakampiw t'aqhisiyaraktaxa.”

Jeremías 5:8

Urqu caballonakar uñtataw jaqi masipan warmip munasax wararipxi.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Miqueas 2:2

Uraqinak munasax katuntasipxiwa; utanak munasas lunthatapxiwa. Utanirusa, utapankirinakarus wal t'aqhisiyasaw k'arimpi alisnukupxi.

Habacuc 2:9

¡Ay kunakïkan juma Babiloniatxa, lunthatat yänakampiw utamar phuqhantayastaxa, ukhamat jan walt'añanakan taqi kunas walikïskañap amuyaraktaxa!

Mateo 20:15

¿Janit qullqixampix kuntix nayax munkta uk lurañaxax wakiskitu? Jan ukax, ¿janich jumatak suma chuymanïtaxax walïki?’ sasa.

Mateo 5:28

Ukampis nayax sapxsmawa, khititix mä warmir munapayañatak uñtixa, niyaw chuymapan jupampix wachuq jucha lurxi.

Lucas 12:15

Ukampis saskakïnwa: —Amuyasipxam jumanakatakik taqi kunsa munañxata; jaqin jakañapax janiw kunatix utjarapki uka walja yänakapankkiti —sasa.

Lucas 16:14

Qullqir chuyma churat fariseonakasti, uk ist'asin Jesusat larusipxänwa.

Hechos 20:33

Janiw nayax khitin qullqipsa, khitin isipsa munapayawaykti.

Hechos 5:4

¿Janit uka uraqisti jumankkänsti? Aljstaxa, ¿janit uka qullqix jumankkarakïnxa? ¿Kunatarak akham lurañ amttasti? Chiqpachansa, janiw jaqinakar k'arintktati, jan ukasti Diosaruw k'arinttaxa —sasa.

Romanos 13:9

Kamachi arunakax siwa: “Janiw wachuq juch lurätati, janiw jiwayätati, janiw lunthatätati, janiw jaqi masimankir yänakap munapayätati” sasa; taqi aka kamachinakasti, yaqha kamachinakas akham arunakar tukt'atawa: “Jaqi masimarux juma kipkarjam munasim” sasa.

Romanos 7:7

Ukhamïpansti ¿kamachix juchaw sañäniti? ¡Janiw ukhamäkaspati! Ukampis, kamachitix jan utjkasapän ukkhasti, janiw nayax kunäkitix juchax uk yatkiriskäyätti. Kunäkitix munapayañax uk janiw kunäkipansa yatkiriskäyätti, kamachitix jan siskasapäna: “Jan munapayamti” sasa.

Efesios 5:3

Jumanakasti qullan markankirjamaw sarnaqapxañama: wachuq jucha lurañatsa, yaqha q'añu lurañanakatsa, mich'asiñatsa janipun parlapxamti.

Efesios 5:5

Jumanakax yatipxam, janiw wachuq juchanakan sarnaqirisa, ñanqhanak luririsa, mich'asirisa, Cristompina, Diosampin qhapaq markapar mantapkaspati. Ukasti yaqha diosanakar yupaychañampi sasiwa.

Deuteronomio 5:21

“ ‘Janiw jaqi masiman warmip munapayätati. Janirakiw jaqi masiman utapsa, uraqinakapsa, uywatapsa, uywanakapsa, asnopsa, kunatix jupankki ukanaksa munapayätati.’

Deuteronomio 7:25

Uka markanakar atipjasasti, diosanakapsa ninampiw phichhantapxäta, ukampis janiw uka diosanakapar lip'suyat quripsa qullqipsa katusiñ yant'apxätati; jumanakax jan ukamp yant'ayasipxamti, uk lurasasti Tatit nayraqatan jan wali lurapxasma.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.

Colosenses 3:5

Jumanakan jan wali amtanakam jiwayapxam: jan khitis wachuq jucha lurpati, q'añu luräwinaksa jan lurpati, janchin munañanakaparusa, jan wali amtanakarus jan arkpati, janirak jupatakik taqi kunsa munpati, ukham lurañanakasti k'ari diosanakar yupaychañäkaspas ukhamawa.

Hebreos 13:5

Jan qullqirux munapxamti; qawqhatix utjapktam ukampix kusisitakïpxam, Diosasti siwa: “Janiw jaytjkämati, janirakiw armkämasa” sasa.

Josué 7:21

Jericó markat yänak apsunktan uka taypin, Babiloniat apanit mä suma isi uñjta, ukhamarak pä patak qullqimpi, mä quri barrampi, tupupasti chika kilot jilänwa. Uka yänakasti chuymaxar purkirïnwa ukat apaqasta, ukatsti uraqiruw chhujllaxa manqhan allintta, qullqi juk'ampi manqharu uchasa —sasa.

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

1 Samuel 15:19

¿kunatarak jumasti Tatitun arsutanakapar jan ist'asin kuntix uñisirimat aparapkta uk jumatak katuntastasti? —sasa.