Éxodo 19:9 - Qullan Arunaca

⁹ Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Aymar Bibliia 1986

⁹ Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Qullan Arunaka DC

⁹ Tatitusti Moisesarux akham sarakïna: —Nayax jumar wali ch'amak qinay taypin uñstäma, markan jumampi parlatax ist'añapataki, jumatsti jan pächasisipkañapataki —sasa. Moisesasti israelitanakan arsusitanakap wasitat Tatitur yatiyäna.

Éxodo 19:9 Jak'a apnaqawi uñst'ayäwi

1 Reyes 8:12

Ucatsti Salomonajj sänwa: “Jumajj Tata, sistawa ‘Nayajj ch'amacanwa jacta’ sasa.

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

2 Crónicas 6:1

Ucatsti Salomonajj sänwa: “Jumaw sistajja, Tata, ch'amacanacana utjatama.

Salmos 97:2

Jupajj ch'amac kenayanacamp muyuntatawa, chekapar uñjañampi, asqui cancañampiw reyi konuñaparojj ch'amañchi,

Salmos 99:7

Tatitojj kenay taypitpach jupanacarojj parläna, jupanacasti arsutanacap phokhapjjäna, camächit aru catokapjjaraquïna.

Éxodo 14:31

Ucampis israelitanacajja, Tatitojj jach'a ch'amapampi egipcionacar tucjir uñjasinsti wali Tatiturojj ajjsartapjjäna. Ucat Tatiturojj iyawsasaraquiw confiasipjjäna, uqhamarac Moisés sirviriparusa.

Éxodo 19:16

Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Éxodo 20:21

Ucampis israelitanacajj cawqhancapcäntejj ucqhatjja janiw onjjtapcänti. Uccañcamasti Moisesajj cawqhanccäntejj Diosajj uca ch'amac kenayarojj jac'achascaquïnwa.

Éxodo 34:5

Ucatsti Tatitojj kenayanjamwa sarakanïna. Ucat Moisesampi kollun parlasinsti sutipwa arsusïna:

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Éxodo 4:5

—Uqhamatwa iyawsapjjani Abraham, Isaac, Jacob uca nayra awquinacaman Tatitu Diosapajj jumaru uñstatapatjja.

Isaías 19:1

Egipto marca toke profecía arunaca: “Tatitur uñtapjjam, Egiptoruw jutasqui mä jaliri kenayar lat'jjatata. Jupa nayrakatansti Egipton diosanacapajj qhathatipjjewa, Egiptonquir jakenacasti wal ajjsarapjjaraqui.

Números 12:5

Ucatsti Tatitojj mä jach'a kenayat sarakanisinjja Jiquisiñ Carpan mantañaparuw sayt'asïna, ucapachasti Aaronampiru, Mariampiruw jawsäna. Cunapachatejj jupanacajj uñstapjjän ucqhajja,

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Marcos 9:7

Ucatsti mä kenayaw jupanacarojj ch'iwjjattäna. Uca kenay taypitsti mä aruraquiw ist'asi: “Acaw nayan munat Wawajjajja. Jupar ist'apjjam” sasa.

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Deuteronomio 4:10

“Cunapachatï jumanacajj Diosan nayrakatapan jicjjatasipjjäyäta Horeb kolluna ucqhajj, Tatitojj nayarojj sitänwa: ‘Tantachthapim takpach marcaru arunacajj ist'apjjañapataqui, uqhamaraqui ajjsarapjjañapataqui jacañ urunacapana, ucatsti wawanacapar quipca yatichapjjañapataqui’ sasa.

Deuteronomio 4:36

Jupasti alajjpachatpachwa jumanacar yatichapjjtam, aca orakensti jach'a ninapjja uñacht'ayapjjaractamwa, arunacapsti nina taypit ist'apjjaractajja.

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.