Éxodo 19:9 - Qullan Arunaka DC

⁹ Tatitusti Moisesarux akham sarakïna: —Nayax jumar wali ch'amak qinay taypin uñstäma, markan jumampi parlatax ist'añapataki, jumatsti jan pächasisipkañapataki —sasa. Moisesasti israelitanakan arsusitanakap wasitat Tatitur yatiyäna.

Aymar Bibliia 1986

⁹ Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Qullan Arunaca

⁹ Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Éxodo 19:9 Jak'a apnaqawi uñst'ayäwi

1 Reyes 8:12

Ukatsti Salomonax sänwa: “Jumax Tatay, sistawa: ‘Nayax ch'amak qinay taypin jakasta’ sasa.

2 Crónicas 20:20

Qhipärmanthisti wali willjtat sartasipxäna, Tecoa wasar tuqir sarañataki. Mistusipkäna ukkhasti, Josafat reyix sayt'asisin jupanakarux säna: “Jerusalenankirinaka, Judá uraqinkirinaka, ist'apxita: Tatit Diosamar iyawsapxam, ukatsti janiw axsarapxätati; profetanakapan arsutanakap iyawsapxam, ukatsti jumanakatakix taqi kunas walikïskaniwa” sasa.

2 Crónicas 6:1

Ukatsti Salomonax sänwa: “Tatay, jumax ch'amakanakan jakta sistawa.

Salmos 97:2

Jupax ch'amak qinayanakamp muyuntatawa; chiqapar uñjañampi, aski kankañampiw reyi qunuñaparux ch'amañchi;

Salmos 99:7

Diosax qinay taypitpach jupanakarux parläna, kamachi arunakap churäna jupanakasti uka arunakap phuqhapxäna.

Éxodo 14:31

Israelitanakax kunjämtix Tatitux jach'a ch'amapampi egipcionakar tukjkäna ukanak uñjasinsti, Tatitur axsartapxänwa, ukat jupar iyawsapxäna, Moisés luqtiriparus jaysapxarakïna.

Éxodo 19:16

Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.

Éxodo 20:21

Ukchañkamasti israelitanakax jayjankakïnwa, Moisesasti Diosax jikxataskän uka ch'amak qinayaruw jak'achasïna.

Éxodo 34:5

Ukatsti Tatitux qinayanjam saraqanïna, ukan Moisesamp parläna, jupan sutip arsusïna.

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Éxodo 4:5

—Israelan jilïrinakap nayraqatan uka pachparak luram. Ukhamat iyawsapxani Abraham, Isaac, Jacob uka nayra awkinakaman Tatit Diosapan jumar uñstatapa —sasa.

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Números 12:5

Ukapachaw Tatitux qinay taypinjam saraqanïna, ukatsti Jikisiñ Carpa mantañawjaruw sayt'asïna; ukatsti Aaronampiru, Mariampiruw jawsäna, jupanakax uñstapkän ukkhasti,

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Marcos 9:7

Ukapachaw mä qinayax jupanakar ch'iwxattäna. Uka qinay taypitsti mä aruw ist'asïna: “Akaw nayan munat Wawaxaxa. Jupar ist'apxam” sasa.

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Deuteronomio 4:10

“Kunürutix Horeb qullun jumanakax Diosan nayraqatapan jikxatasipkäyäta ukkhaxa, Tatitux nayaruw sitäna: ‘Taqpach markar tantachthapim, arunakax ist'añapataki, jakañanakapan nayar waqaychañ yatiqañapataki, ukatsti wawanakapar kipkarak yatichapxañapataki’ sasa.

Deuteronomio 4:36

Jupasti alaxpachatpach jumanakar chiqachañatak parlanipxtam, aka uraqinxa jach'a ninap uñacht'ayapxtam, arunakapsti nina taypit ist'apxaraktaxa.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.