Éxodo 19:8 - Qullan Arunaca

⁸ Ucatsti take israelitanacajj mä aruquiw sapjjäna: —Lurañäniwa cunanactejj Tatitojj sisqui ucanaca —sasa. Ucatjja Moisesajj israelitanacan arsusitanacapjja Tatituruw yatiyäna.

Aymar Bibliia 1986

⁸ Ucatsti take israelitanacajj mä aruquiw sapjjäna: —Lurañäniwa cunanactejj Tatitojj sisqui ucanaca —sasa. Ucatjja Moisesajj israelitanacan arsusitanacapjja Tatituruw yatiyäna.

Qullan Arunaka DC

⁸ Ukatsti israelitanakax mä arukiw sapxäna: —Kunanaktix Tatitux arski ukanak lurapxäwa —sasa. Moisesasti israelitanakan arsusitanakapxa Tatituruw yatiyäna.

Éxodo 19:8 Jak'a apnaqawi uñst'ayäwi

Nehemías 10:29

mayachasipjjänwa familianacaparu, uqhamarac jilïrinacaparu, ucatsti amtasipjjänwa suma arust'äwir mantañataqui. Jupanacasti juramento lurapjjäna suma sarañataqui, cuntejj Diosajj churcäna leyinaca Moisés sirvirip toke, uqhamat suma phokhapjjañapataqui take camachi arunacapa, suma arsüwinacapa, uqhamarac Tatitusan leyinacapsa.

Éxodo 20:19

Ucatsti Moisesarojj sapjjänwa: —Jumasti parlapjjeta, nanacasti ist'apjjämawa. Ucampis Diosajj jan parlcpanti nanacampejja, uqhamat jan jiwañanacajjataqui —sasa.

Éxodo 24:3

Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Éxodo 24:7

Ucatsti suma amtäwiru mantatäqui uca libro aptasinsti, jakenacataquiw leet'arapïna, ucatsti jupanacajj sapjjänwa: —Cunanactejj Tatitojj sisqui ucanacar jaysasaw phokhañäni —sasa.

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Josué 24:21

Israel jakenacajj sapjjänwa: —Janiw ucajj uqhamäcaniti, nanacasti Diosaruw sirvipjjä —sasa.

Josué 24:24

Ucatsti Israel jakenacajj Josué chacharojj sänwa: —Nanacasti Tatitu Diosajjaruquiw sirvipjjä, cuntejj jupajj sapjjetani uca lurapjjaraquï —sasa.