Eclesiastés 8:8 - Qullan Arunaca

⁸ Jacaña catjjäsiñataquejja janiw qhiti ch'amanis utjquiti, jiwañjjarus janiw qhiti ch'amanis utjcaraquiti. Janiw qhitis jaltcaspati uca nuwasïwitjja. Ñankha jakerusti janiraquiw jan wali luratapasa khespiycaspati.

Aymar Bibliia 1986

⁸ Jacaña catjjäsiñataquejja janiw qhiti ch'amanis utjquiti, jiwañjjarus janiw qhiti ch'amanis utjcaraquiti. Janiw qhitis jaltcaspati uca nuwasïwitjja. Ñankha jakerusti janiraquiw jan wali luratapasa khespiycaspati.

Qullan Arunaka DC

⁸ Jaqin jakañap ch'amampi katxäsirix janiw khitis utjkiti, janirakiw jiwar ch'amampi katxäsiris utjkiti. Aka nuwasïwit janiw khitis jaltkaspati. Jan wali lurir jaqirux janiw ñanqha luratapax jiwañat qhispiykaspati.

Eclesiastés 8:8 Jak'a apnaqawi uñst'ayäwi

2 Samuel 14:14

Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

2 Reyes 7:15

Jupanacasti Jordanaru puriñcamawa sirionacana saratanacapa arctapjjäna, ucansti jupanacajj uñjapjjänwa uca thacpachana sirionacajja mäqui jaltjjañataquejj isinacapa, yänaka willtawayapjjatapa. Ucatsti reyin qhitatanacajj cutt'anjjasinjja, reyirojj yatiyapjjänwa cuntejj uñjanipcäna ucanaca.

Job 14:5

Jumaw jakerojj kawkha mara jacañapataquisa arstajja, uca arsutamarusti jakejj janiw pascaspati.

Job 34:14

Jakenacata jacañ samana apakjjchi ucapachasti takeniw jiwarjjapjje, ucatsti takeniwa lak'aru cuttjjapjjaraqui.

Salmos 89:48

Janiw qhitis wiñay jaccaspati, janiw qhitis jiwan ch'amapat khespcaspati.

Salmos 9:17

Ñankha lurir jakenacampi, Diosar jan uñt'irinacampejj jiwañ mic'ayaruw chhaktapjjani, Diosat armt'asir jakenacajj wiñay jiwampiw tucusipjjani.

Proverbios 12:3

Jan wali lurañajj janiw qhititaquis suma kalltäquiti, ucampis asqui jakenacajja asqui luratapampejja sumaw sayt'ani.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Eclesiastés 3:21

¿Qhitis yati jaken ajayupan alajjpachar saratapjja, uqhamarac animalan ajayupas orake mankharu saratapjja?

Eclesiastés 8:13

Ucampis jucharar jakenacataquejj jan waliw jupanacatac utji, uqhamarac jacañanacapas mä ch'iwjamaw mäqui pasawayi Diosar jan ajjsartapjjatap laycu.)

Eclesiastés 9:12

Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Isaías 28:15

Jumanacasti sapjjtawa: “Jiwañampejj arust'astanwa, mä arust'äwi luraractanjja jiwatanacan utjäwipampisa, cunapachatejj uca jach'a jan walt'añajj jutcani ucqhajj jiwañajj jan jiwasar catuntañapataqui; c'arisiñanacaruw imantasiractanjja, sallkjasiñanacaru imantastanjja” sasa.

Isaías 28:18

Jiwañampi arust'asitapasti ina ch'usaru tucuyatäniwa, jiwirinacan utjañ chekampi arust'asitapasti ina ch'usaruw tucuni. Uca ajjsarcañ jach'a jan walt'añaw jutani, ucasti jumanacarojj k'al tucjapjjätam.

Isaías 47:10

Jumajj ñankha lurañamanjja wali sumjamwa amuyasiyätajja, saraquiyätawa: ‘Janiw qhitis uñjquituti’ sasa. Yatiñ cancañamasa, ch'iqhi cancañamasa jumarojj c'arintapjjtamwa. Chuymamansti saraquiyätawa: ‘Nayaquïtwa, nayat sipan yakhajj janiw utjquiti’ sasa.

1 Corintios 15:43

Mä jan yäkat janchwa imantatajja, ucatsti mä muncaña cuerpowa jactanjjejja. Mä pisi ch'ama janchwa imantatajja, ucatsti wali ch'amani cuerpow jactanjjejja.

2 Corintios 13:4

Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.