Eclesiastés 8:8 - Qullan Arunaka DC

⁸ Jaqin jakañap ch'amampi katxäsirix janiw khitis utjkiti, janirakiw jiwar ch'amampi katxäsiris utjkiti. Aka nuwasïwit janiw khitis jaltkaspati. Jan wali lurir jaqirux janiw ñanqha luratapax jiwañat qhispiykaspati.

Aymar Bibliia 1986

⁸ Jacaña catjjäsiñataquejja janiw qhiti ch'amanis utjquiti, jiwañjjarus janiw qhiti ch'amanis utjcaraquiti. Janiw qhitis jaltcaspati uca nuwasïwitjja. Ñankha jakerusti janiraquiw jan wali luratapasa khespiycaspati.

Qullan Arunaca

⁸ Jacaña catjjäsiñataquejja janiw qhiti ch'amanis utjquiti, jiwañjjarus janiw qhiti ch'amanis utjcaraquiti. Janiw qhitis jaltcaspati uca nuwasïwitjja. Ñankha jakerusti janiraquiw jan wali luratapasa khespiycaspati.

Eclesiastés 8:8 Jak'a apnaqawi uñst'ayäwi

2 Samuel 14:14

Chiqpachansa taqiniw jiwañäni, uraqir wartat umar uñtatätanwa, uka umasti janiw apthapiñjamäkiti. Ukampisa, Diosax janiw khitirus jakañap apaqkiti, jan ukasti Diosax kunayman tuqit amuyt'ayi jaqunukut jaqin jupat jayan jan jakañapataki.

2 Reyes 7:15

Jupanakasti Jordán jawirar puriñkamaw sirionakan qhipapat arktapxäna, thakhinsti isinaka, yänaka uñjapxäna, sirionakaw mäki jaltxañ layku willtawayapxatayna. Ukatsti reyin khithatanakapax kutt'anxasin kuntix uñjanipkatayna ukanak reyir yatiyxapxäna.

Job 14:5

Jumaw jaqirux qawqha pacha jakañapatakis arstaxa, uka arsutamarusti janiw jilakipaykaspati,

Job 34:14

Jupatix jaqinakat jakañ samanap apaqaspaxa, taqiniw jupanakax jiwarapxaspa, taqiniw laq'ar kuttapxarakispa.

Salmos 89:48

48 (49) ¡Janiw khitis wiñay jakkaspati! ¡Janiw khitis jiwan ch'amapat qhispkaspati!

Salmos 9:17

17 (18) Ñanqha lurir jaqinakampi, Tatitur jan uñt'irinakampi, jupat armasirinakampix jiwañ mik'ayan jiwarapxani.

Proverbios 12:3

Jan wali lurañax janiw khititakis suma qalltäkiti, aski jaqinakasti aski luratapampix sumaw sayt'ani.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Eclesiastés 3:21

¿Khitis jaqin ajayupan amstar makhatatapa, uywan ajayupas uraq manqhar saraqatap yatisti?

Eclesiastés 8:13

ukampis jucharar jaqinakatakix janiw kunas sumäkiti, jakäwipas Diosar jan axsaratap laykux mä ch'iwjamakiw sarawayxi.)

Eclesiastés 9:12

Mä tuqitxa, jaqix janiw jan walt'añan uñjasiñap yatiskiti: kunjämatix chawllanakax qänan katuntatäpki, jamach'inakas sipitar jalt'apki, ukhamarakiw jaqix jan amuyaski ukkhax jan walt'añampi katuntat uñjasi.

Isaías 28:15

Jumanakax sapxtawa: “Jiwañampix arust'astanwa, jiwatanakan utjäwipampis arust'asiraktanwa, kunapachatix uka jach'a jan walt'añax jutkani ukkhaxa jiwasanakarux janiw katuntkistaniti; k'arisiñanakxaruw imantastanxa, sallqjasiñanakxaruw imantasiraktanxa” sasa.

Isaías 28:18

Jiwañampi arust'asitapasti ina ch'usar tukuyatäniwa, jiwatanakan utjawipampi arust'asitapasti ina ch'usaruw tukuni. Uka axsarkañ jach'a jan walt'añaw jutani, ukasti jumanakarux q'al tukjapxätam.

Isaías 47:10

Jumax ñanqha lurañaman wali sum amuyasïyätaxa, sarakïyätawa: ‘Janiw khitis uñjkituti’ sasa. Yatiñ kankañamasa, ch'ikhi kankañamasa jumarux k'arintapxtamwa. Chuymamansti sarakïyätawa: ‘Nayakïtwa, nayat sipan yaqhax janiw utjkiti’ sasa.

1 Corintios 15:43

P'amp'antatäki uka janchix jan kunatak askiwa; jaktki uka janchisti wali jach'añchatawa. P'amp'antatäki uka janchix jan ch'amanikiwa; jaktki uka janchisti ch'amaniwa.

2 Corintios 13:4

Chiqpachansa pisi ch'aman jaqjamaw ch'akkatat uñjasïna, ukampis Diosan ch'amap laykuw jakaski. Uka kipkarakiw nanakax jupankasax pisi ch'ama kankañanïpxta, ukampis jupampi mayakïxasax Diosan ch'amap laykuw jakapxta, ukhamat jumanakar yanapt'añataki.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.