Eclesiastés 8:9 - Qullan Arunaca

⁹ Take acanacwa uñjta aca orakena cunanacatejj lurasqui ucanac uñt'añaru uchasta ucqhajja, uqhamarac jaken ch'amanïtapsa masinacaparu jan walinac lurañataquisa.

Aymar Bibliia 1986

⁹ Take acanacwa uñjta aca orakena cunanacatejj lurasqui ucanac uñt'añaru uchasta ucqhajja, uqhamarac jaken ch'amanïtapsa masinacaparu jan walinac lurañataquisa.

Qullan Arunaka DC

⁹ Akapachan kunanakatix luraski ukanak yatxatañar uchasitax laykuxa, kunjämatix jaqix masinakapar jan walinak lurañatakix ch'amanïki uk uñjarakta.

Eclesiastés 8:9 Jak'a apnaqawi uñst'ayäwi

2 Reyes 25:7

Ucatsti jupan nayrakatapanwa wawanacapar qharinucuyäna. Sedequiasarusti nayranacapwa apsurayäna, cadenanacampi chinuntasaw Babiloniaru preso apjjaruyäna.

Éxodo 14:28

Umasti cunjämäcäntejj uqhamar tucusinsti chhakhayänwa israelitanacar arctapcäna uca faraonan take ejercitoparu, carronacaparu, uqhamarac caballonacaparusa. Janiwa mayni soldadosa jacquir jilt'cänti, takeniw jiwarapjjäna.

Eclesiastés 1:14

Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Eclesiastés 3:10

Nayajj amuytwa Diosaw uca ch'ama tucuñanaca jakenacar churi, uca lurañanacan sarnakapjjañapataqui.

Eclesiastés 3:16

Uñjaractwa aca orakenjja ñankha luräwinaca, jan wali sarnakañanacampi cawqhantï asqui cheka sarnakañajj utjañapäqui, uqhamarac suma sarnakaña.

Eclesiastés 4:1

Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Eclesiastés 5:13

Aca orakenjja chekpachansa uñjtwa wali llaquiscaya, kamirejj yänacapjja jupan jan walt'añapataquiquiw imasi;

Eclesiastés 5:7

Uca laycu, wali lup'iñanacanjja utjiwa cunayman arunaca, uqhamarac jan wali amtañanaca, ucampis jumajj Diosar ajjsaram.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Eclesiastés 7:25

Nayajj yatjjatañaruw uchasta, ucanacsti suma yatjjatañaruraqui, uqhamat cuna asquïcataynatï uca jicjjatañataqui. Ucatsti amuyastwa pisi amuyt'anïñajja jan walïtapa, uqhamarac jan wali sarnakañajja lokhe cancañätapa.

Eclesiastés 7:7

Jan wali lurañanacajj yatiñan jakerojj pisi amuyt'aniruw puriyi, churäwinaca chilltañasti jan waliruw chuymap tucuyaraqui.

Deuteronomio 2:30

“Ucampis Sehón reyejj janiw orakepanjam pasañas muncänti, jumanacan Tatitu Diosamaw uca reyin chuymaparu mayjt'ayäna uca laycu, uqhamat jan munañapataqui, ucatsti amparanacamar catuyañataqui jichhürcama.