Eclesiastés 6:3 - Qullan Arunaca

³ Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Aymar Bibliia 1986

³ Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Qullan Arunaka DC

³ Mä chachax patak wawanakanïskaspawa, ukat walja maranakas jakaskarakispawa; ukampis ukham jakkasax janitix yänakapampi kusiskani, janirak amayapas imt'atäkan ukaxa, nayatakix uka jaqit sipansa mä sullsut wawaw askixa.

Eclesiastés 6:3 Jak'a apnaqawi uñst'ayäwi

Génesis 33:5

Ucatsti Esaú jilapajj warminacaru, wawanacaruw uñcataraquïna, ucatsti jisct'araquïnwa: —¿Acanacajj qhitinacasa? —sasa. —Ucanacajj cuntejj Diosajj sirvirimaru churqui ucanacawa —sasaw Jacobojj saraquïna.

Génesis 47:9

—Pataca quimsa tuncani maranëjjtwa, ucsa acsa sarnakaracta, uqhamarus jan wali juc'a maranacaquiw jacaracta, janïraraquiw kawkha maranacatejj awquinacajjajj jacapcäna ucaru purcti —sasaw Jacobojj saraquïna.

2 Reyes 10:1

Acab reyejj Samaria marcanjja pakallk tunca yokanacanïnwa; ucatsti Jehú reyejj cartana kellkasinwa apayäna uca marcan jilïrinacaru, chuyman awquinacaru, Acab reyin wawanacapar uywir chachanacaru, aqham sasa:

2 Reyes 9:35

Ucampis cunapachatï uca warmiru imt'iri sarapcäna ucqhajja, jicjjatjjapjjänwa p'eke ch'aqhampi, cayunacampi, amparanacapampiqui.

1 Crónicas 28:5

Wawanacsti jupa Tatituraquiw waljani churaraquitu, jichhasti take wawanacajj taypitjja Tatituwa Salomón wawajjaru ajllisiraqui Tatitun marcapa, Israelpachana tronopan kont'asiñapataqui.

2 Crónicas 11:21

Roboamajja tunca quimsakallkoni warminacanïnwa, uqhamarac sojjta tunca uñt'atanacaniraqui, ucampis take warminacapat sipansa Maaca warmiparuw sinti munasïna. Jupasti pä tunca quimsakallkon yokanacanïnwa, uqhamarac sojjta tunca phuchanacani.

Ester (hebreo) 5:11

Ucat jupanacampisti parlänwa kamir cancañapata, walja wawanacanïtapata, uqhamarac cunjämtejj reyejj juparu mayni jilïrinacata, yanapirinacat sipansa jach'a lurañanacaru uchqui ucata.

Ester (hebreo) 7:10

Uqhamaw Amán chacharojj warccatapjjäna, cawquïr jaychcatañtejj Mardoqueotaqui waquichaycäna ucaru. Uqham lurayasinwa reyejj colerapa apjtayasïna.

Job 3:11

¿Cunatraqui taycajjan puracapan jan jiwpachätsti? ¿Jan ucajj nacisa ucspacha jiwpachätsti?

Job 3:16

¿Cunatraqui nayarusti sullunucut wawarjama jan imantjjapjjpachïtusti? ¿Jan ucajj khana jan uñjasa jiwjjeri wawanacarjamasa?

Salmos 58:8

ch'urur uñtat phusac tucjjapjjpan, int jan uñjir wawa sullur uñtatäpjjpan.

Proverbios 17:6

Chuyman awquinacan coronapasti allchhinacapawa; wawanacajj awquip taycapatwa alawt'asi.

Eclesiastés 4:3

Uqhäcchisa aca panpachanit sipanjja juc'ampi asquincapjjewa qhitinacatejj janïra nacipqui ucanacajja, jupanacasti janïraw uñjapquiti aca orakena ñankha lurañanacjja.

Eclesiastés 6:4

Uca wawajj ina ch'usarus chhaktcchini ch'amacaru, cawquintejj sutipas armatäjjani,

Jeremías 22:19

Mä asnorjamaw imantapjjani, katatipjjaraquiniwa, ucatsti Jerusalén marca ankäjjaruw liwtanipjjaraquini.”

Jeremías 36:30

Jichhajj waliquiwa, naya, Tatituw jumar sisma, Judá orakenquiri Joacim reyi, janiw jumataquejj wawanacamajj utjcaniti Davidan tronopar kont'asiñataquejja. Jiwat janchimasa urojj lupiru jakonucutäniwa, arumasti juyphiru jakonucutaraquïniwa.

Jeremías 8:2

Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.

Mateo 26:24

Jaken Yokapajj cunjämatejj Kellkatäqui uqhamarjamaw phokhasqui, ucampis ¡wali llaccañaw qhititejj Jaken Yokaparu catuntayqui ucataquejja! Walïsapänwa uca jaken jan naciñapajja —sasa.