Eclesiastés 6:3 - Qullan Arunaka DC

³ Mä chachax patak wawanakanïskaspawa, ukat walja maranakas jakaskarakispawa; ukampis ukham jakkasax janitix yänakapampi kusiskani, janirak amayapas imt'atäkan ukaxa, nayatakix uka jaqit sipansa mä sullsut wawaw askixa.

Aymar Bibliia 1986

³ Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Qullan Arunaca

³ Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Eclesiastés 6:3 Jak'a apnaqawi uñst'ayäwi

Génesis 33:5

Ukatsti Esaú jilapax warminakaru, wawanakaru uñkatasin jiskt'arakïna: —¿Khitirak jupanakasti? —sasa. Jacobux sarakïnwa: —Tatit Diosax nayat khuyapt'ayasitu, jupasti taqi aka wawanak nayar churitu —sasa.

Génesis 47:9

Jacobusti sarakïnwa: —Patak kimsa tunkan maranïxtwa, uksa aksa sarnaqarakta, uka juk'a maranakansti jakañax nayatak ch'amänwa, janïraw qawqha maranakatix nayra awkinakaxax jakapkäna ukar purkti —sasa.

2 Reyes 10:1

Ahab reyix paqallq tunka wawanïnwa, jupanakasti Samaria markan jakapxäna; ukhamasti Jehú reyix marka apnaqirinakaru, jilïrinakaru, Ahab reyin wawanakapan yatichirinakaparux qillqatanak apayäna, uka qillqatanakansti akham jupanakar säna:

2 Reyes 9:35

Ukampis kunapachatix uka warmir imt'iri sarapkän ukkhasti, p'iqi ch'akhapampi, kayu ch'akhanakapampi, ampar ch'akhanakapampik jikxatxapxäna.

1 Crónicas 28:5

Jichhasti, Tatituw walja wawanak churitu, taqi wawanakax taypitsti, Tatitux Salomón wawaxaruw ajllisi, Israel markan sutipxar reyi qunuñan qunt'asiñapataki.

2 Crónicas 11:21

Roboam reyix tunka kimsaqallquni warmini, suxta tunka uñt'atanïnwa, ukampis taqi warminakapat sipansa, Maacá warmiparuw sinti munasïna. Jupasti pä tunka kimsaqallqun yuqall wawani, suxta tunka imill wawanïnwa.

Ester (hebreo) 5:11

Amán chachasti jupanakarux qamir kankañapat parläna, walja wawanïtapata, reyix taqinit sipan jupar jach'a jilïrit utt'ayatapata, ukhamarak markanak apnaqañatak munañ kankañ churkatayna ukxata.

Ester (hebreo) 7:10

Ukhamaw Amán chachax jaychkatat uñjasïna, kawkïr jaychkatañtix Mardoqueotak wakichaykäna ukaru. Ukham lurayasaw reyix phiñasiñap apjtayasïna.

Job 3:11

¿Kunatarak taykaxan purakapan jan jiwpachätsti, jan ukax, yuris ukspacha jan tukuspachätsti?

Job 3:16

¿Kunatarak nayarusti sullunukut wawarjam jan imantxapxpachïtusti, jan ukax, qhana jan uñjas jiwxir wawanakarjamasti?

Salmos 58:8

8 (9) ch'urur uñtat phusak tukupxpan, ¡inti jan uñjir wawa sullur uñtat tukusipxpan!,

Proverbios 17:6

Ch'ama qarit awkinakan pillupax, allchhinakapawa; wawanakasti awkina, taykana aytat kankañapawa.

Eclesiastés 4:3

ukampis uka panit sipansa khitinakatix janïr yuripki ukanakaw wali kusisitäpxi, jupanakax janïraw aka uraqin jan wali luratanakap uñjapkiti.

Eclesiastés 6:4

Ukampis uka wawax ina ch'usarus ch'amakan chhaqkchini, sutipas armatäniwa,

Jeremías 22:19

Mä asnorjamaw imantapxani, Jerusalén marka anqäxaruw qatatisin liwtanipxani.”

Jeremías 36:30

Jichhax walikiwa, naya, Tatituw jumar sisma, Judá uraqinkir Joacín rey, janiw kawkïr wawamas Judá markan reyipat utt'askaniti. Jiwat janchimasti, urux lupir jaqunukutäniwa, arumasti juyphir jaqunukutarakïniwa.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Mateo 26:24

Jaqin Yuqapax Qillqatarjamaw phuqhaski, ukampis ¡kunakïkan Jaqin Yuqapar katuntayir jaqitakixa! Jupan jan yuriñapax walïsapänwa —sasa.