Eclesiastés 6:2 - Qullan Arunaca

² Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Aymar Bibliia 1986

² Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Qullan Arunaka DC

² Diosax yaqhipanakarux jilarkir suma yänak churi, kuntix munapki ukanakax janiw jupanakatak pist'kiti; ukampis janiw taqi ukanakat kusisipkiti, jan ukasti yaqhanakakiw kusisipxi. ¡Akasti chiqpachan inamayawa, llakkañarakiwa!

Eclesiastés 6:2 Jak'a apnaqawi uñst'ayäwi

1 Reyes 3:13

Uqhamaraquiw churaracsma kamir cancañanaca, uqhamarac jach'a cancaña, ucanacsti janiw jumajj mayquistati, jumjama yakha reyejja take jacañamanjja janiw utjcaniti.

1 Crónicas 29:25

Tatitojj Salomonarojj take jach'a cancañwa churäna Israel jakenaca nayrakatana, reinoparojja suma cancañaracwa churäna, uqhamsti janiw qhiti reyis Israel marcanjja churatäcänti.

1 Crónicas 29:28

Jupasti jiwjjänwa suma awqui horasana, walja maranacani, kamir cancañani, jach'achäwinacani. Jupa lantisti Salomón yokapaw apnakjjäna.

2 Crónicas 1:11

Diosasti Salomonarojj saraquïnwa: —Juman uca mayitamarojja jaysämawa, janiraquiw mayctati kamir cancaña, yänacsa, ni jach'achatäñanacsa, ni uñisirinacaman jiwayatäñapsa, ni walja maranaca jacañsa, jan ucasti maytawa yatiñ cancañampi, ch'iqhi chuymampi marcajjaru apnakañamataqui, cawquïr marcajj-jjarutejj nayajj reyita utt'aycsma ucaru.

Salmos 17:14

Tatay, ch'amamampiy jupanacat khespiyita; acapachat jupanacar jakonucum, acapachan jacañapajj tucuspan; yänacampejj kamirquipstasipcacpan, wawanacapajj phallañcam mank'apjjpan, allchhinacapataquis jilt'ascacpan.

Salmos 39:6

jaken jacañapajj ch'iwjamaquiwa; inamayaw yänacs arcuntasqui, janiw ucanac qhitin catuntasiñaps yatquiti.

Salmos 73:7

ñankha lurañamp pokontatäpjjewa, nayranacapajj thokorirjamawa, chuymapasti ñankha amtäwinac phullch'irayi.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Eclesiastés 5:13

Aca orakenjja chekpachansa uñjtwa wali llaquiscaya, kamirejj yänacapjja jupan jan walt'añapataquiquiw imasi;

Eclesiastés 5:16

Ucasti wali llaquiscayawa, cunjämatejj aca orakeru jutcäna, uqhamaquiraquiw sarjjani. Ucatjja, ¿cuna ascsa apsuwayi uca take inamaya irnakatapatjja?

Eclesiastés 5:18

Nayajj mä suma ascwa jicjjatta, ucasti mank'aña, umaña, uqhamarac take irnakatampi cusisiña, aca oraken mä juc'a jacaña Diosajj churistu ucana, ucaraquiw jiwasar wact'araquistu.

Eclesiastés 5:19

Maysa toketjja, Diosajj qhitirutejj wali kamirïña churqui ucarojja, ch'amwa churaraqui cunatejj jupar wact'qui ucata mank'añapataqui, uqhama uca take irnakatata cusisiñajja Diosataracwa juti.

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Lamentaciones 5:2

Take cunanacajjas jichhajj yakha jakenacan amparapancjjewa, utanacajjsa yakha jakenacaquiw catuntasjjapjje.

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Oseas 7:9

Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.

Deuteronomio 28:43

Cawquïri yakha marcat jutir jakenacatï marcaman jacapqui ucanacajja, sapa cutiw juc'ampi juc'ampi ch'amani tucupjjani, ucampis jumajj juc'ampiquiw ch'amamjja chhaktayasjjäta.

Jueces 18:10

Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa.