Eclesiastés 6:2 - Qullan Arunaka DC

² Diosax yaqhipanakarux jilarkir suma yänak churi, kuntix munapki ukanakax janiw jupanakatak pist'kiti; ukampis janiw taqi ukanakat kusisipkiti, jan ukasti yaqhanakakiw kusisipxi. ¡Akasti chiqpachan inamayawa, llakkañarakiwa!

Aymar Bibliia 1986

² Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Qullan Arunaca

² Yakheparojj Diosajj walja jilarquiri suma yänaca churi, ucatsti cunanactejj munapqui ucanacajja janiw jupanacar pist'quiti; ucampis Diosajj janiw take ucanacatjja cusisiyquiti, jan ucasti yakhanacaw ucatjja cusisipjje. Acasti chekpachana wali llaquiscaña inamayaquiraquiwa.

Eclesiastés 6:2 Jak'a apnaqawi uñst'ayäwi

1 Reyes 3:13

Ukhamarusa, qamir yänakampi, jach'a kankañamp churaraksma, ukanaksti janiw jumax maykistati. Jakañamkamax, jumjam wali qamiri, wali aytat yaqha reyix janiw utjkaniti.

1 Crónicas 29:25

Tatitusti Israel marka nayraqatan Salomonarux jach'aruw aptäna, marka apnaqäwipsti muspharkañ tukuyäna, ukhamsti jupat nayra janipuniw Israel markan kawkïr reyis jupjamax utjkänti.

1 Crónicas 29:28

Jupax wali chuyman tuqiruw jiwxäna, walja maranakani, walja yänakani, aytat kankañampi phuqt'ata. Jupa lantisti Salomón yuqapaw marka apnaqxäna.

2 Crónicas 1:11

Diosasti Salomonarux sarakïnwa: “Juman uka mayitamarux jaysämawa, janiw jumax qamir kankañsa, yänaksa, jach'añchatäñanaksa, uñisirinakaman jiwarayatäñapsa, walja maranak jakañsa mayktati, jan ukasti ch'ikhi kankaña, markaxar ch'ikhi kankañampi apnaqañatakiw yatiñ kañkañ mayistaxa, nayaw uka marka apnaqañatak reyit utt'aysma,

Salmos 17:14

Tatay, ch'amamampiy jupanakat qhispiyita; ¡akapachat jupanakar jaqunukum, akapachan jakañapax tukuspan! Yänakampix qamirkipstasipkakpan, wawanakapax phallañkam manq'apxpan, allchhinakapatakis jilt'askakpan.

Salmos 39:6

6 (7) ¡Jaqin jakañapax mä ch'iwjamakiwa! Inamayaw yänaksa arkuntaski, ukanak khitis katuntasini uksa janiw yatkiti.

Salmos 73:7

ñanqha lurañampi puquntatäpxiwa, nayranakapas thuqhurirjamawa, ñanqha amtäwinakapax walipuniwa.

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Eclesiastés 5:13

13 (12) Akapachan sinti llakiskay uñjta: qamir yänak juk'uchañax uywiriparuw jan walt'aykiti;

Eclesiastés 5:16

16 (15) Akaw sinti llakiskayaxa: kunjämatix aka uraqir jutki ukhamakiw sarxani. ¿Kuna askirak apsusti jan inakt'as irnaqatapatsti?

Eclesiastés 5:18

18 (17) Nayax akhamak amuyta: jakäwin askipax manqt'asiña, umt'asiña, aka uraqin mä juk'a urunak Diosax churkistu ukan jan inakt'as irnaqatasat kusist'aña ukakiwa, ukampis ukaw jiwasanakar wakt'istu.

Eclesiastés 5:19

19 (18) Mä tuqitsti, Diosax khitirutix wali qamir yänak churki ukarux ukanakat manqt'asiña, ukanakat kusist'añ churaraki, ukampis jan inakt'as irnaqatasat kusist'añax Diosat juti.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Lamentaciones 5:2

Uraqinakaxasa, markaxasa jichhax yaqha jaqinakan amparapankxiwa.

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Oseas 7:9

Jaya markankir jaqinakaw ch'amapsa tuksuwayxi, jupasti uk janiw amuyaskiti. ¡Ñik'utanakapas qaqakamakïxiwa, ukatsa janikiw amuyaskiti!

Deuteronomio 28:33

Jan uñt'at jaqinakaw yapunakamat manq'asini, jumasti t'aqhisiyata jan wali uñjatapuniw sapürus sarnaqäta.

Deuteronomio 28:43

Markaman jakapkani uka yaqha markat jutir jaqinakax sapa kutiw juk'ampi juk'ampi qamiriptapxani, ukampis jumax juk'ampikiw pist'añan sarnaqäta.

Jueces 18:10

Ukawjar purisinsti jaqirux wali kusisita, jach'a uraqinakani jikxatapxäta, jupanakarux janiw kunas pist'kiti. Diosaw uka uraqinak churapxätam —sasa.