Eclesiastés 4:1 - Qullan Arunaca

¹ Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Aymar Bibliia 1986

¹ Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Qullan Arunaka DC

¹ Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Eclesiastés 4:1 Jak'a apnaqawi uñst'ayäwi

Job 16:4

Jumanacatejj nayjamäpjjaraquismajja, nayajj jumanacjamaw parlaraquirista; p'eksa ucsaru acsaruw qhiwirista, walja arunacwa sapjjaraquirisma,

Job 35:9

“T'akhesiyatasti jakenacajj wararipjjewa, ucatsti ch'amaninacat khespitäñwa thakapjjaraqui;

Job 6:29

Cuntejj arsupctas ucjja amuyt'apjjam, jan cunsa ina ch'usata parlapjjamti; nayan chekaparu arsutajjsti jaysapjjaraquim.

Job 9:24

Ñankha jakenacarojj jan walinacaruw catuyjje, juezanacarusti nayranacapwa ch'okantaraqui. Janitejj Diosäcchi ucasti, ¿qhitiraqui uqhamasti?

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 142:4

Cupi tokeruw uñtasta, janiw qhitis yanapt'ir jutquituti. Janiw qhitis arjjatir utjquituti. Janiw qhitis nayat llaquirejj utjquiti.

Salmos 142:5

Tatay, jumaruw art'asinsma, jumaruw saracsma: “Jumätaw nayan imantasiñajjajja; jumaquiw aca jacañ oraken take cunajjätasa” sasa.

Salmos 42:3

Urus arumas jachaquiw mank'añajjajja, ucchañcamasti urpachaw jisqhipjjetu: “¿Cawquincarac Diosamasti?” sasa.

Salmos 42:9

Arjjatir Diosajjarojj sistwa: “Karkajjay, ¿cunatarac armasistasti? ¿Cunatarac llaquit sarnakañajjast waquisi, uñisirejjan t'akhesiyatasti?” sasa.

Salmos 69:20

Jaken toketanacapajj chuymajjaruw t'unanti, jan ch'amanipuniw uñjasta. Qhuyapayasiñ suyta, ucasti janiw jicjjatayasquituti, chuymachirinac suyta, jupanacarusti janiw jicjjatcti.

Salmos 69:21

Mank'at awtjayascta ucapachajja, mulla churapjjetu, umat pharjayascta ucapachasti, vinagre churapjjetu.

Salmos 80:5

Mank'añ lantjja, jachañ churapjjesta, uma lantsti, juc'amp jachañanac utjayarapipjjesta;

Éxodo 1:16

—Cunapachatejj israelita warminacaru partot usuyapcäta ucqhajja wali amuyapjjäta uca wawajj imillati jan ucajj yokallacha uca toketjja, imill wawäni ucasti jacascpan, yokall wawäni ucqhasti ucspach jiwayapjjam —sasa.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Proverbios 19:7

Mä pobre jakerojj pachpa jilanacapasa jisc'achiwa, amigonacapasti ucatsa juc'ampiwa juparojj apanucupjjani. ¡Janiw juc'ampi arunacajj utjquiti jupanacar jicjjatañataquejja!

Proverbios 28:3

Cunjämatejj sinti purir jallojj cosechanaca tucjquejja, uqhamawa pobrenacaru t'akhesiyiri jucharar jakejja.

Proverbios 29:2

Cunapachatejj asqui jakenacajj jiljjatapqui ucqhajj, jakenacajj cusisipjjewa; cunapachatejj khoru jakenacajj jilïrit apnakapqui ucqhasti, jakenacajj waliw t'akhesipjje.

Eclesiastés 3:16

Uñjaractwa aca orakenjja ñankha luräwinaca, jan wali sarnakañanacampi cawqhantï asqui cheka sarnakañajj utjañapäqui, uqhamarac suma sarnakaña.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Eclesiastés 7:7

Jan wali lurañanacajj yatiñan jakerojj pisi amuyt'aniruw puriyi, churäwinaca chilltañasti jan waliruw chuymap tucuyaraqui.

Eclesiastés 8:9

Take acanacwa uñjta aca orakena cunanacatejj lurasqui ucanac uñt'añaru uchasta ucqhajja, uqhamarac jaken ch'amanïtapsa masinacaparu jan walinac lurañataquisa.

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Isaías 51:23

Nayaw uca copjja qhitinacatejj jumar t'akhesiyapcätam ucanacar churä, qhitinacatejj jumarojj sapcäyätam: ‘Oraker liwnoktam, juma patjjwa pasañ munapjjta’ sasa, jumasti liwnokttawa, lak'ar uñtata taquisitäñamataqui.”

Isaías 59:7

cayunacapasti ñankha tokeruquiw jalañ munasipqui, jan juchani jaker jiwayiris janc'aquiw jalañ munapjje. Amtañanacapansti jak jiwayañanacac amtasipqui, cawqui chektejj sarapqui uca chekanacansti t'unjatäñaquiw utjasqui.

Jeremías 16:7

Uca jiwaratanacan familianacaparu chuymachañataquisti janiraquiw qhitisa mank'äwinaca waquichcaniti, jiwatajja pachpa awquipa jan ucajj taycapäscpasa.

Lamentaciones 1:16

Take ucanacasti nayarojj jachayituwa, nayrajjasti jachampi phokhantataraquiwa, janiraquiw nayar qhiti chuymachiris utjquiti, janiw nayar qhiti ch'amañchiris utjquiti. Wawanacajjasti t'unjata perkanac taypincasquiwa, uñisirinacasti nanacat sipansa juc'ampi ch'amaniraquiwa.

Lamentaciones 1:17

Sionasti yanapa mayisawa amparap loktasinqui, ucampisa janiw qhiti chuymachiripasa utjquiti. Tatituw Jacoborojj uñisirinacapampi muyuntayi uñisirinacapasti muyuntaraquiwa; Jerusalén marcasti jupanacataquejj jisc'achcaña marcaraquiwa.

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Lamentaciones 1:9

Isipasti k'ala k'añuchjatapuniwa; janiw uqhamar puriñjja amtcaraquïnti. Aynacht'atapasti jan amuyt'cayapuniwa; janiw jichhajj qhiti chuymachiris utjcaraquiti. ¡Tata, nayan t'akhesitajj uñtanita, uqhamarac uñisirejjan jach'ar tucutapsa!

Amós 3:10

Aqham siw Tatitojja: “Janiw cheka lurañjja yatipquiti, palacionacaparusti ch'amamp lunthatat yänacaqui imapjjejja.”

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Malaquías 2:13

Uqhamarus jumanacajj janiw ucanacac lurapctati, jan ucasti jumanacan ofrendanacama Diosajj jan catokjjatap laycusti jachañanacamampi, warariñanacamampiw Diosan altarapjja phokhantayapjjtajja.

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Mateo 26:56

Ucampis take acanacajj lurasisquiwa profetanacan arsutanacapajj phokhasiñapataqui —sasa. Ucapachaw Jesusan discipulonacapajj jaytarpayasin jaltjjapjjäna.

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.

Deuteronomio 28:48

Jumaraquiw sirvïta cawquïri uñisirinacamtejj Diosajj jumjjaru apayanïtam ucanacarojja; umatsa, mank'atsa t'akhesiraquïtawa, isitsa jalstasa take pist'ayasiñanaca uñt'araquïta. Diosaw esclavot t'akhesiyätam jumaru t'unjañcama.

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.

Jueces 4:3

Jabín sat reyisti llätunca pataca fierrot lurata carronacanïnwa. Uca laycusti pä tunca maranacawa israelitanacarojj t'akhesiyapjjäna. Uqham t'akhesiñana jicjjatasisajja israelitanacajja Diosaruw arnakasjjapjjäna yanapt'añapataqui.