Eclesiastés 3:22 - Qullan Arunaca

²² Nayajj amuytwa jaketaquejj janiw cuna asquis utjquiti, jan ucasti luratapampi cusisiñaquiw utji, ucaquiw juparojj wact'araqui, janiw qhitis juparojj uñacht'aycaniti cunatejj lurascani ucjja, jupan jiwjjatapatjja.

Aymar Bibliia 1986

²² Nayajj amuytwa jaketaquejj janiw cuna asquis utjquiti, jan ucasti luratapampi cusisiñaquiw utji, ucaquiw juparojj wact'araqui, janiw qhitis juparojj uñacht'aycaniti cunatejj lurascani ucjja, jupan jiwjjatapatjja.

Qullan Arunaka DC

²² Ukat nayax amuyta, jaqin askipax luräwipat kusist'añakiwa, ukampis juparux ukhamaw wakt'i, jupan jiwxatapatsti janiw khitis kunatix luraskän uk uñacht'aykaniti.

Eclesiastés 3:22 Jak'a apnaqawi uñst'ayäwi

Job 14:21

Wawanacapatejj sumancaña jicjjatapjjchi ucapachajj janiw jupajj ucanacjja yatquiti; jan walt'añanacaru puripjjchi ucapachasti jupajj janiw ucanacjja yatquiti;

Eclesiastés 10:14

¡Pisi amuyt'anejja sint parli! Ucampis, ¿qhitis saspa cunatejj pascani ucatjja? Janiw qhitis jutir urunacatjja cuns yatquiti.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 2:18

Uñisiraquïyätwa take cunanactejja aca oraken lurascäyäta ucanacaru, take ucanacjja nayjjaru jutañapäqui ucar jaytañajjataqui.

Eclesiastés 2:24

Jakejj mank'asispa, umasispa, uqhamarac luratapampisa cusisiraquispa uqhamanwa asqui luraspa. Amuyt'aractwa acajj Diosataraqui jutatapa.

Eclesiastés 6:12

Uqhamasti, janiw qhitis yatquiti cunatejj jaketaqui asquïqui uca inamaya sallkjjata jact'ata jacañapa urunacapana ucjja. Urunacapasti mä ch'iwjamaquiw pasjjani, ucatjja, ¿qhitiraqui yatiyaspasti cunatejj aca oraken pascani, jiwjjani uca khepatsti?

Eclesiastés 7:14

Sumancaña jutipanjja cusisim; jan walt'aña jutipansti amuyt'asiraquim, mayasa, mayasa Diosanquiwa, ucatsti jakejj janipuniw yatquiti cunatï jutir urunacana jutcani ucatjja.

Eclesiastés 8:15

Ucatwa nayajj sista: —Cusisiñajj utjpan —sasa. Aca orakenjja jaketaquejj asquiwa mank'añanaca, umañanaca, uqhamarac cusisiñanaca. Ucaquiw jaketaquejj utji irnakatapatjja, Diosajj aca oraken jacañ churqui uca urunacapana.

Eclesiastés 8:7

jakejj janiw yatisquiti cunatejj jupar pascani uca, janiraquiw qhitis utjquiti jupar nayrakata yatiyirejja.

Eclesiastés 9:12

Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Eclesiastés 9:6

Ucanwa jupanacan munasiñapajj tucusjje, uñisiñapasa, envidiasiñapasa, janipuniw aca orakena cuna lurañanacatejj utjqui ucanacjja lurcjjapjjaniti.

Daniel (hebreo) 12:13

Ucampisa juma, Daniel, tucuyäwima tokeru sarascaquim, ucatsti samart'araquim, khepa urunacanwa sartasjjaraquïta, cunatejj wact'cätam uca catokañamataqui’ sasa.

Mateo 6:34

Jan llaquisipjjamti cunatï kharürojj pascani ucatjja, kharürusti take uca llaquisiñanacapampi phokt'ataraquïniwa, sapüruraquiw uqham llaquinacan phokhantatäsqui.

Deuteronomio 12:18

Jan ucasti Diosan nayrakatapanacwa ucanacjja mank'apjjäta, cawqharutejj jupajj ajllisi ucqhanaqui; Tatitu Diosaman nayräjjapana, wawanacamampi, take uywatanacamampi, uqhamaraqui cawquïri levitanacatejj jumanac taypina jacapqui take ucanacampi chicaw take irnakañaman achunacapata cusisipjjäta.

Deuteronomio 12:7

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Deuteronomio 28:47

Juman jan Diosaru cusisiñampi ni khana arumpi yupaychatamata, walja yänac churctam ucasa.