Eclesiastés 4:1 - Qullan Arunaka DC

¹ Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Aymar Bibliia 1986

¹ Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Qullan Arunaca

¹ Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Eclesiastés 4:1 Jak'a apnaqawi uñst'ayäwi

Job 16:4

Jumanakatix nayjam jikxatasipxasmaxa, nayax jumanakjamaw parlarakirista; sawkasiñampiw p'iqi uksar aksar khiwirista, kunayman walja arunak sapxirisma,

Job 35:9

T'aqhisiyat uñjasisaw jaqinakax yanap mayisipxi; munañan jaqinakat qhispitäñ thaqhapxaraki;

Job 6:29

Amuyt'asipxam, jan kunsa ina ch'usat parlapxamti; nayan chiqapar arsutax jaysapxam.

Job 9:24

Uraqix ñanqha jaqinakan amparapar katuyatawa, jupaw taripirinakan nayranakap ch'uqanti. Janitix Diosäkchi ukasti, ¿khitirak uk luristi?

Salmos 12:5

5 (6) Tatitux jupanakarux siwa: “T'aqhin jakir jaqinakampi, jan yäqat jaqinakampix mutuyata, t'aqhisiyataw uñjasipxi. Jupanakar yanapt'añatakiw sartasï, yanapt'ayasiñ munataparjamaw yanapt'ä” sasa.

Salmos 142:4

4 (5) Kupi tuqiruw uñtasta, janiw khitis yanapt'ir jutkituti. ¡Janiw khitis arxatkituti! ¡Janiw khitis nayat llakirix utjkiti!

Salmos 142:5

5 (6) Tatay, jumaruw art'asinsma, jumaruw saraksma: “Jumätaw nayan imantasiñaxaxa; jumakiw aka jakañ uraqin taqi kunaxätasa” sasa.

Salmos 42:3

3 (4) Urus arumas jachaxakiw manq'añaxaxa, ukchañkamasti uñisirinakaxax wal jiskhipxitu: “¿Kawkinkarak Diosamasti?” sasa.

Salmos 42:9

9 (10) Arxatir Diosaxarux sistwa: “¿Kunatarak armasistasti? ¿Kunatarak llakit sarnaqañaxasti wakisi, uñisirixansa t'aqhisiyat kunasti?” sasa.

Salmos 69:20

20 (21) Jaqin tuqitanakapax chuymaxaruw t'unanti; jan ch'amanipuniw uñjasta. Inamayakiw nayar khuyapt'ayiri, nayar chuymacht'iri thaqta.

Salmos 69:21

21 (22) Manq'axarusti jiwayañ qulla warantapxi, umat pharjayaskta ukkhasti, vinagre churapxitu.

Salmos 80:5

5 (6) Manq'añ lantxa, jachañ churapxista, uma lantsti, juk'amp jachañ utjayarapipxista.

Éxodo 1:16

—Hebrea warminakar usuyapkät ukkhax wal amuyapxäta, uka wawax imillati jan ukax yuqallacha uka. Uka wawatix imill wawäni ukkhax jakaskpan, yuqall wawäni ukkhasti, ukspach ¡jiwayapxam! —sasa.

Éxodo 1:22

Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.

Proverbios 19:7

Jan kunan jaqirux pachpa jilanakapas jisk'achiwa, masinakapasti ukat juk'amp jupar apanukuni.

Proverbios 28:3

Jan kunaninakar t'aqhisiyir jaqix yapunak tukjir jach'a jallur uñtatawa.

Proverbios 29:2

Aski jaqinakan apnaqatax, markax kusisiwa; ñanqha lurir jaqinakan apnaqat markasti, t'aqhisiwa.

Eclesiastés 3:16

Akapachan ñanqha lurañanaka, jan walinak utjatap uñjarakta, ukanak lantix aski luraña, chiqapar uñjañaw utjañapäspa.

Eclesiastés 5:8

8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Eclesiastés 7:7

Jan wali lurañanakax yatiñan jaqirux janiw walt'aykiti, qullqimpi chilltañax chuymap mayjt'ayi.

Eclesiastés 8:9

Akapachan kunanakatix luraski ukanak yatxatañar uchasitax laykuxa, kunjämatix jaqix masinakapar jan walinak lurañatakix ch'amanïki uk uñjarakta.

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Isaías 51:23

Jan ukasti, uñisirinakamaruw mutuyä, khitinakatix jumanakarux sapkäyätam: ‘Uraqir liwnuqtapxam, ukat taqxatapxäma’ sasa, jumanakasti iyaw sasaw liwitattapxtaxa, ukatsti jupanakax q'al taksuwayapxtam.”

Isaías 59:7

kayunakapax ñanqha tuqirukiw jalañ munaski, jan juchan jaqinakar jiwayiriw jank'ak jalaski. Amtañanakapansti jaqi jiwayañanakak amtasipki, kawki chiqtix sarapki uka chiqanakansti t'unjatäñakiw utjaski.

Jeremías 16:7

Janiw khitis uka jiwaratanakan wila masinakapar chuymachañatakix, manq'äwinak wakichkaniti, uka jiwatax pachpa awkipa jan ukax taykapäskpasa.

Lamentaciones 1:16

Taqi ukanakasti nayaruw jachayitu. Nayraxasti jachampi phuqhantatawa, janiw nayar khiti chuymachiris utjkiti, nayar khiti ch'amañchiris utjkarakiti. Wawanakaxasti t'unjat pirqanak taypin qhiparapxi, uñisirinakaxax nanakat sipansa juk'amp ch'amaniwa.

Lamentaciones 1:17

Jerusalenasti yanap mayisaw amparap luqtani, ukampis janiw khitis jupar chuymachirix utjkiti. Tatituw Jacoburux uñisirinakapamp muyuntayi; Jerusalenasti uñisirinakapatakix jisk'achkañ markakïxiwa.

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Lamentaciones 1:9

Isipasti q'ala q'añuchjatapuniwa; ukhamar puriñ janiw amuykänti. Aynacht'atapasti jan amuyt'kayapuniwa; janiw jichhax khiti chuymachiris utjkiti. ¡Tatay, nayan t'aqhisitax uñtanitaya, uñisirinakaxan jach'a jach'a tukutapsa uñtanimaya!

Amós 3:10

Tatitux akham siwa: “Janiw jupanakax chiqa lurañ yatipkiti, reyi utanakapan ch'amamp lunthatat yänak imapxi.”

Amós 3:9

Asdod markankir reyi utanakapan yatiyapxam, Egipto markankir reyi utanakapan yatiyapxarakim: “Samaria uraqin qullunakapar jutapxam; uka markan utjir jan walt'añanakampi, t'aqhisiyañanakampi uñjapxam.”

Malaquías 2:13

Ukhamarus jumanakax janiw ukanakak lurapktati, jan ukasti jumanakan waxt'äwinakam Tatitux taqi chuymamp jan katuqxatap laykusti, jachañanakamampi, warariñanakamampiw Tatitun altarap phuqhantayapxtaxa.

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Mateo 26:56

Ukampis taqi akanakax profetanakan arsutanakap phuqhasiñapatakiw lurasi —sasa. Ukapachaw yatiqirinakax Jesusar sapak jaytawayasin jaltxapxäna.

Deuteronomio 28:33

Jan uñt'at jaqinakaw yapunakamat manq'asini, jumasti t'aqhisiyata jan wali uñjatapuniw sapürus sarnaqäta.

Deuteronomio 28:48

Tatitux apayankätam uka uñisirinakaruw luqtäta; umatsa, manq'atsa t'aqhisïtawa, isitsa jalstata, kunayman pist'ayasiñanak uñt'äta. Diosax wali ch'ama lurañanakan t'aqhisiyätam, juman t'unjat uñjasiñamkama.

Santiago 5:4

Yapunakam apthapirinakar chanip jan phuqhat churatamax jumanakatakiw warariski. Taqi ch'aman Tatitux yapuchirinakan art'asitap ist'iwa.

Jueces 4:3

Jabín reyix hierrot lurat llätunk pataka carronakanïnwa, israelitanakarux pä tunka maraw walpun t'aqhisiyäna, ukhamïpan israelitanakax yanapt'ayasiñatak Tatitur art'asxapxäna.