Eclesiastés 3:2 - Qullan Arunaca

² Naciña horasa, jiwjjaña horasa. Ayrunac ayruñ horasa, uca ayrutanac jiq'iraña horasa.

Aymar Bibliia 1986

² Naciña horasa, jiwjjaña horasa. Ayrunac ayruñ horasa, uca ayrutanac jiq'iraña horasa.

Qullan Arunaka DC

² Yuriñ pacha, jiwxañ pacha. Ayrunak ayruñ pacha, ayrutanak jik'thapiñ pacha.

Eclesiastés 3:2 Jak'a apnaqawi uñst'ayäwi

Génesis 17:21

Ucampisa arust'äwejj-jja Isaacampiquiw utjayäjja, cawquïri wawtejj jichhajj Sarajj wawacharapcätam acat mä mararojja, ucampi.

Génesis 47:29

Mä urusti Israelajj jiwirjamäjjatapwa amuyasïna. Ucatsti José yokapwa jawsayani, aqham sañataqui: —Chekpachapuni mä asqui lurañ munchista ucqhajj amparam lanqhu charajj mankhar ucham, ucatsti cuntejj maycäma uc phokhañataqui juramento lurarapita. ¡Janipuni Egiptor imayistati!

1 Reyes 13:2

Ucatjja Tatitun munañapatwa jach'a arumpi altar toke parläna, aqham sasa: “Altar, altar: Tatitojj aqham siwa: ‘Davidan familiapatwa mä wawajj yurini, ucasti Josías satäniwa, ucatsti juma patjjanjja yakha diosanacan santuario utanacapan sacerdotenacaparuwa sacrificiota loktani, qhitinacatejj jumjjaru incienso nact'ayapqui ucanacaru; ucatsti juma patjjarojja jakenacan ch'aqhanacapwa naqhantayapjjani’ ” sasa.

2 Reyes 4:16

Ucatjja Eliseojj sänwa: —Jutir marataquejja aca pachpa urunacataquisti mä wawa amparamana icht'atäyätawa —sasa. Uca warmisti sänwa: —Janiw, Diosan chhijllat jakepa, jan naya sirvirimarojj sallkjistati —sasa.

Job 14:14

¿Mä jakesti jiwjjasinjja wasitat jactanjjaspati? Nayasti kawkhaya waquischispa uqhacamaw suyt'irista, t'akhesiñajjan tucusiña puriniñapcama.

Job 14:5

Jumaw jakerojj kawkha mara jacañapataquisa arstajja, uca arsutamarusti jakejj janiw pascaspati.

Job 7:1

Mä jaken jacañapajj acapachanjja, mä soldadojj servicio mayt'qui uqhamaquiwa,

Salmos 113:9

Jan wawachasir warmirojja, wawanacanïcaspas uqham cusisit taycaruw tucuyi, pachpa utapan lurañanac catuyasa. ¡Tatitojj jach'añchatäpan!

Salmos 52:5

Diosasti wiñayataquiw tucjätam, t'akhesiyasin utamat jakonucütam; aca oraket jacañam apakaraquïtam.

Proverbios 24:27

Ankan negociomäqui ucjja tucuyam, pampan lurañanacamäqui ucjja luram, ucatwa utama lurasismajja.

Isaías 28:24

Mä yapu yapuchir jakew sari, janiraquiw sapüru khollic khollquiti, ni koranacsa sapüru apscaraquiti.

Isaías 38:1

Uca urunacasti Ezequías reyejj walpun usuntäna, Amoz chachan yokapa Isaías profetaw uñjir saräna, saraquïnwa: “Tatitojj aqham siwa: ‘Cuna ewjjanacsa familiamarojj ewjjt'asiwayjjam, jichhajj jiwjjätawa, janiw kollascätati” —sasa.

Isaías 38:5

“Ezequiasan ucar saram ucat saraquim: ‘David awquiman Tatitu Diosapajj siwa: ‘Nayajj mayisitamjja ist'twa, jachatamsa uñjaractwa. Tunca pheskan marampiw jacayascäma.

Isaías 54:1

Tatitusti siwa: Jan wawani, janiraqui wawachasir warmi, cusisiñat arnakasim, cusisiñat k'ochusiraquim, juma jan wawachasirejja. “Apanucut warmejj walja wawanacanïniwa, chachan warmit sipansa.”

Jeremías 1:10

“Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa.

Jeremías 45:4

Jichhasti Tatitojj jumjjatjja aqham siwa, jumar yatiyiriraquiw qhitanitu: ‘Nayajj cuntejj sayt'aycta ucjja t'unjtwa, cuntejj ayruntcta ucsa jiq'inucuractwa. Jichhajj take acapachampejj uqhamracwa luräjja.

Mateo 13:41

Jaken Yokapasti angelanacaparojj qhitaniraquiniwa, Diosan reinopata take juchanacar tincuyiri jakenacar apthapiri, uqhamarac qhitinacatejj jan asqui lurapqui ucanacarusa.

Mateo 15:13

Jesusasti jupanacarojj sänwa: —Cawquïr alitejj alajjpachanquir Awquejjan jan ayrutäcchi ucajja, saphitpach jic'sutäniwa.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Lucas 1:20

Ucampis jichhajj cuntejj siscsmas uca arunacar jan iyawsatam laycuw amutu tucüta, ucatsti janiw parlcjjätasa arscjjätasa wawaman naciñapcama. Acasti horasaparojj phokhasiniwa —sasa.

Lucas 1:36

Uqhamaraquiw Elisabet familiamajj niya chuymanëjjasinsa, mä wawa wawachasini. Juparusti jakejj sapjjaraquïnwa: ‘Janiw wawanïcjjaspati’ sasa, ucampis niya sojjta phajjsëjjewa usur jakëjjatapajja.

Juan 16:21

Cunapachatejj mä warminjj wawachasiñapajj jac'äjje ucqhajja, wal llaquisi t'akhesiñ horasajj purinitap laycu, ucampis wawajj nasjje ucqhajja, janiw ni t'akhesitaps amtascjjeti, mä wawa aca oraken nacitap laycusti cusisiwa.

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Hechos 7:17

“Cuntejj Diosajj Abraham awquisaru juramentompi arsuwaycatayna ucan phokhasirjamäjjëpanjja, israelitanacajj Egipto marcanjja waljaptjjapjjänwa.

Hechos 7:20

Ucürunacanwa Moisesajj naciraquïna, Diosataquisti jupajj wali suma wawänwa. Awquinacapasti quimsa phajjsiw utapan imantat juparojj uywapjjäna.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

Deuteronomio 34:5

Uqhamaw Tatitun sirviripa Moisesajj, Moab orakena jiwjjäna cunjämatejj Tatitojj siscäna uqhamarjama.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.

1 Samuel 2:5

Qhitinacantejj take cunasa jilarcäna ucanacajj jichhajj mä jisc'a t'ant'a laycuquiw catuyasjjapjje; ucampisa, qhitinacatejj mank'at awtjayasipcäna ucanacasti janiw jichhajj awtjayascjjapjjeti. Jan wawachasir warmisa, jichhajj pakallko cutiw wawachasjje; ucampisa walja wawachasir warmisti, jichhajj k'ala t'uqhantatawa.