Eclesiastés 3:1 - Qullan Arunaca

¹ Aca orakenjja take cunas horasaniquiwa; take luräwinacataquisa mä horasaw utji:

Aymar Bibliia 1986

¹ Aca orakenjja take cunas horasaniquiwa; take luräwinacataquisa mä horasaw utji:

Qullan Arunaka DC

¹ Aka uraqin taqi kunas pachanikiwa; mä pachakiw taqi kunatakis utji:

Eclesiastés 3:1 Jak'a apnaqawi uñst'ayäwi

2 Reyes 5:26

Eliseosti sascaquïnwa: —¿Cunapachatï uca chachajj carropata sarakäna jumar catokañataqui ucqhajja, nayajj janiti jumamp chica ucqhanccäyäta lup'ïwejjana? Ucampis jichhajj jumajj kollketsa, trucsusiña isinacsa catokantawa, jichhajj alasim huertonaca, uva yapunaca, ovejanaca, orko vacanaca, uywatanacsa chachatsa warmitsa.

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

Proverbios 15:23

¡Cunj asquisa jisct'aru arunac jicjjatañajja, ucat juc'ampisa horasapar jicjjatañajja!

Proverbios 24:27

Ankan negociomäqui ucjja tucuyam, pampan lurañanacamäqui ucjja luram, ucatwa utama lurasismajja.

Eclesiastés 1:13

ucatsti nayajj catuyastwa yatjjatañaru, uqhamarac take cunanacatejj aca oraken lurasqui ucanacjjata. ¡Cunja ch'ama lurañanacsa Diosajj jakenacar churi, uca lurañanacampi jisc'achatäpjjañapataqui!

Eclesiastés 2:17

Nayajj jacañarojj uñisïyätwa, take cunatejj aca oraken lurasqui ucan naya toke sayt'asitap laycu. Take cunasa chekpachanjja inamayaquiwa, ¡thayarusa catthapï siscsna uqhamaquiwa!

Eclesiastés 2:3

Yatiñampi apnakata amuyojjanjja, munäyätwa yant'aña vinompi cusisiña, ucatsti uca machañaru catuyasirista ucati jaketaquejj asquïspajja aca oraken jact'at urunacapana uc yatiñataqui.

Eclesiastés 3:17

Ucatsti nayajj sistwa: “Diosaquiw chekapar uñj-jjani, asqui jakerusa ñankha jakerusa, mä horasa utjatapata take cuna lurasïwitaquisa, uqhamarac take cuna lurañataquisa.”

Eclesiastés 7:14

Sumancaña jutipanjja cusisim; jan walt'aña jutipansti amuyt'asiraquim, mayasa, mayasa Diosanquiwa, ucatsti jakejj janipuniw yatquiti cunatï jutir urunacana jutcani ucatjja.

Jeremías 46:17

“Egipton reyipa faraonarusti aca sutimpi apjjatapjjam: ‘Wali khothutiri, ucampisa jan horasaparu khothutiri’ sasa.

Mateo 16:3

Alwatanacasti urojj wali kenayrantatätap laycusti sapjjaractawa: ‘Jichhürojj jan wali urüniwa’ sasa. ¡C'ari chuymani jakenaca! Jumanacajj wal yatipjjtajj cunjämatejj urunacajj pasañapäqui ucjja, ucampis janiw yatipctati cuntejj aca urunacan unañchapajj sañ munqui uc amuyt'añjja.