Eclesiastés 3:2 - Qullan Arunaka DC

² Yuriñ pacha, jiwxañ pacha. Ayrunak ayruñ pacha, ayrutanak jik'thapiñ pacha.

Aymar Bibliia 1986

² Naciña horasa, jiwjjaña horasa. Ayrunac ayruñ horasa, uca ayrutanac jiq'iraña horasa.

Qullan Arunaca

² Naciña horasa, jiwjjaña horasa. Ayrunac ayruñ horasa, uca ayrutanac jiq'iraña horasa.

Eclesiastés 3:2 Jak'a apnaqawi uñst'ayäwi

Génesis 17:21

Ukampis nayan arust'äwix Isaac wawamampikiw utjayä, kawkïri wawtix akat mä mararux Sara warmimax wawacharapkätam ukampi.

Génesis 47:29

Mä urusti Jacobux jiwirjamäxänwa, ukat José yuqapar jawsayasin jupar säna: —Chiqpachapuni munaschista ukaxa, amparam lankhu charax manqhar ucham, ukatsti kuntix maykäma uk phuqhañatak juramento lurarapita. ¡Janipuniw Egipto uraqir imayitätati!

1 Reyes 13:2

Uka profetasti Tatitun munañapat altaratak jach'at parläna, akham sasa: “Altar, altar: Tatitux siwa: ‘Davidan saraqiripat mä wawaw yurini, jupasti Josías satäniwa, jach'äxani ukkhasti, juma patxan incienso nakhayir sacerdotenakaruw jiwayani, idolonakan yupaychañ utanakapan jumxar incienso nakhayiri jaqinakaru; juma patxan jaqinakan ch'akhanakapaw nakhani’ ” sasa.

2 Reyes 4:16

Ukat Eliseox säna: —Jutir maran aka pachpa urunakan, amparamar mä wawa ichxart'asïta —sasa. Warmisti ukxaruw säna: —Janikiy naya, luqtirimar sallqjistati —sasa.

Job 14:14

¿Mä jaqisti jiwxasin wasitat jaktanxaspati? Nayasti qawqhaya wakischispa ukkhakamaw suyt'irista, t'aqhisiñanakaxan tukusiñap puriniñapkama.

Job 14:5

Jumaw jaqirux qawqha pacha jakañapatakis arstaxa, uka arsutamarusti janiw jilakipaykaspati,

Job 7:1

Jaqin jakañapax aka uraqin, luräwip phuqhir soldadon jakañapar uñtatawa,

Salmos 113:9

Jan wawachasir warmirux pä kusisiñ churi: wawanakanïña, utapan suman uñjatäña. ¡Tatitux jach'añchatäpan!

Salmos 52:5

5 (7) ukampis Diosax wiñayatakiw tukjätam: t'aqhisiyasin utamat jaqunukütam; aka uraqit jakañam apaqarakïtam.

Proverbios 24:27

Anqan lurañanakamäk ukxa tukuyam, pampan lurañanakamäki uksti luram, ukat utam utachasiskäta.

Isaías 28:24

Mä yapu lurir jaqix yapuchiriw sari, jupax janiw sapürus qhullik qhullkiti, janirakiw uka qhullit k'uphañaruk uskuskiti.

Isaías 38:1

Uka urunakansti Ezequías reyix walpun usuntäna, ukat Amós chachan yuqapa Isaías profetax uñjir saräna, juparusti sarakïnwa: —Tatitux akham siwa: ‘Kuna iwxanaksa wila masinakamarux iwxt'asiwayxam, janiw qullaskätati, jan ukasti, jiwxätawa’ —sasa.

Isaías 38:5

Ezequiasan ukar sarañapatakiw mayïna akham yatiyiri: “David awkiman Tatitu Diosapax siwa: ‘Nayax mayisitam ist'twa, jachatamsa uñjaraktwa. Ukat tunka phisqan marampi jakañamar yapxatäma.

Isaías 54:1

Jerusalén marka, jan wawachasir warmi, jan wawanakan warmi, jichhax kusisiñat arnaqasim, kusiskañ q'uchunak q'uchusim, Tatitusti siwa: “Jerusalén, apanukut warmi, mä chachan warmit sipansa, walja wawanakanïyätawa.”

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Jeremías 45:4

Jichhasti Tatitux jumxat akham siwa, ukatsti jumar yatiyiriw khithanitu: ‘Nayax kuntix sayt'aykta ukxa t'unjtwa, kuntix ayruntkta uksa jik'inukuraktwa. Jichhax taqi akapachampix ukhamarak lurä.

Mateo 13:41

Jaqin Yuqapasti angelanakaparuw khithanini, Diosan markapat mayninakar juchar tinkuyirinakaru, jan wal lurir jaqinakar apthapiri.

Mateo 15:13

Jesusasti jupanakarux sänwa: —Alaxpachankir Awkixan jan ayrut alix saphitpach jik'sutäniwa.

Lucas 1:13

Angelasti juparux sänwa: —Zacarías, jan axsaramti, juman mayisitamarux Diosax ist'tamwa, Isabel warmimasti mä yuqall wawa wawachasini. Juparusti “Juan” sasaw sutichäta.

Lucas 1:20

Ukampis jichhax kuntix sisksma uka arunakar jan iyawsatam laykuw amutu tuküta, ukatsti janiw parlkätati wawaman yuriñapkama —sasa.

Lucas 1:36

Ukhamarakiw Isabel wila masimax niya chuymanïxchi ukasa, mä wawa wawachasini. Juparusti jaqix sapxarakïnwa: “Janiw wawanïkxaspati” sasa, ukampis niya suxta phaxsïxiw usur jaqïxatapaxa.

Juan 16:21

Kunapachatix usur warmix wawachasiski ukkhax wal t'aqhisi; ukampis wawax yurxi uka qhipatsti, uka t'aqhisitapat janiw amtaskxiti, jan ukasti, mä wawa aka uraqir apanitapat wal kusisi.

Juan 7:30

Ukatsti katuntañ munapxäna, ukampis janiw khitis katuntirjamäkänti; jupar katuntañ pachan janïr purinitap layku.

Hechos 7:17

“Diosax Abrahamar juramentompi arskatayna uka phuqhasiña urux jak'achasisinkänwa, Israel markax Egipto markan mirantatayna, waljaniptarakitayna.

Hechos 7:20

Uka urunakan Moisesax yurïna, uka wawax Diosan nayraqatapan wali suma wawänwa. Awkipampi, taykapampix kimsa phaxsiw utapan imantat juparux uywapxäna.

Gálatas 4:4

Ukampis arsut urux phuqhasiwayki ukapachaw, Diosax Yuqap khithani, mä warmit yurisa, judío jaqjamaw kamachi arunakar phuqhas jakarakïna.

Deuteronomio 34:5

Ukhamaw Tatitun luqtiripa Moisesax, Moab uraqin jiwxäna, kamisatix Tatitux siskatayna ukhamarjama.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.

1 Samuel 2:5

Khitinakantix taqi kunas jilarkir utjkänxa, jichhax mä jisk'a t'ant'a laykukiw katuyasipxi; manq'at awtjayasirinakasti janiw jichhax awtjayaskxapxiti. Jan wawachasir warmisa, jichhax paqallqu kutiw wawachasxi, walja wawachasir warmisti, jichhax janiw wawanakanïkxiti.