Apocalipsis 20:9 - Qullan Arunaca

⁹ Ucatsti orakpacharu ch'eketatasinwa maqhatapjjäna, Diosan wawanacapan utjasïwiparu muyuntasina, uqhamarac Diosan munat marcaparusa. Ucampis Diosajj alajjpachatwa nina puriyanïna, ucampiw k'al naqhantayaraquïna.

Aymar Bibliia 1986

⁹ Ucatsti orakpacharu ch'eketatasinwa maqhatapjjäna, Diosan wawanacapan utjasïwiparu muyuntasina, uqhamarac Diosan munat marcaparusa. Ucampis Diosajj alajjpachatwa nina puriyanïna, ucampiw k'al naqhantayaraquïna.

Qullan Arunaka DC

⁹ Jupanakax uraqpach muytapxani, ukatsti Diosan wawanakapan utjasïwiparu, Diosan munat markaparuw muyuntapxani. Ukampis alaxpachat ninaw saraqanini, ukaw jupanakar q'al nakhantani.

Apocalipsis 20:9 Jak'a apnaqawi uñst'ayäwi

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

2 Reyes 6:15

Eliseon uywatapajj alwata sartasinjja ankaruw mistüna, ucatsti uñjänwa ejercitompi marcar muyuntata, caballeriampi, nuwasiñ carronacampi; ucat jupajj Eliseoru yatiyiriw saräna, aqham sasa: —¡Jichhasti yatichiri! ¿Cuns camachañäni? —sasa.

Job 38:18

¿Amuytati kawkch'äquitejj aca orakejj ucjja? ¡Yatsta ucapachajj arsumaya!

Salmos 106:18

Ninaw jupanacataquejj naqhäna, nina lawrajj ñankha luririnacaruw naqhantäna.

Salmos 87:2

Tatitojj Sión marcan puncunacaparojj munasiwa, Jacobon takpach utjäwinacapat juc'amp munasi.

Salmos 97:3

ninajj jupan nayrakatap saranti, muyuntir timanacaparusti naqhantiwa.

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Isaías 37:36

Uca arumasti Tatitun angelapajj sarasin pataca quimsakallk tunca pheskani waranka jakenacwa asirionacan campamentopanjja jiwarayäna, khantatirusti takeniw jiwarat uñjasipjjaraquïna.

Ezequiel 38:16

Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.

Ezequiel 38:9

Jumasti mä ch'amaca kenayjamaw jupanacjjarojj purïta, uca marcarusti k'alwa chhaktayaraquïta, mä jach'a thayäcasmas uqhamaw uca marcarojj ejercitonacamampi nuwantaraquïta, uqhamaraqui walja yakha marcanacamampisa.

Ezequiel 39:6

Magog sisqui uca marcjjarusti ninwa apayanëjja, qhitinacatejj jach'a kota tokenacan c'uchiqui jacasisipqui ucanacjjarusa. Ucapachaw jupanacajj yatipjjani nayan Tatitütajja.

Miqueas 2:13

Diosaw jupanacataquejj thac jist'arani, jupanacasti arctapjjaraquiniwa, ucatsti marca puncu chica mistuwayapjjaraquini. Tatitu reyipasti, jupanacan nayrapwa sararaquini.”

Habacuc 1:6

Caldeonacaruw sartayäjja guerrampi nuwasipjjañapataqui, jupanacasti wali khoru jakenacäpjjewa, cunapachas waquicht'ataquïsipquiwa ucsarus acsarus sarantañataqui, cawquïr orakenacatejj jan jupanacancqui uca catuntasiñataqui.

Números 11:1

Mä urusti israelitanacajj Tatitu tokwa parlapjjäna, jupanacan jan walt'añanac utjatap laycu. Tatitusti ucanac ist'asajj wal colerasïna, ucatsti mä nina apayanisajja campamenton thiyanacapwa phichhantäna.

Números 16:35

Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Lucas 17:29

Ucampis cunürutï Lot chachajj Sodoma marcat mistjjän ucqhajja, alajjpachat ninampi azufrempiw jalluntäna, ucaw takeniru jiwarayäna.

Lucas 19:43

Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam.

Lucas 21:20

“Cunapachatï Jerusalén marcaru ejercitonacan muyuntata uñjapcäta ucqhajja, yatipjjam uca marcajj janc'aqui t'unjatäñapa.

Lucas 9:54

Santiagompi Juanampejj uc uñjasinjja, sapjjänwa: —Tata, ¿muntati nanacan alajjpachat nina sarakayaniñajj-jja, ucat jupanacar naqhantañapjja, [cunjämtejj Elías profetajj lurcän uqhama]? —sasa.

Deuteronomio 23:14

Jumanacan Tatitu Diosamasti jumanac taypinwa sarnake, campamento chekana, jumanacar imañataqui uqhamata uñisirinacamar atipjayañataqui, ucat sipansa jumanacan campamento utamajj kollanäñapawa, uqhamata Diosajj jan cuna k'añunac uñjañapataqui; janitejj uqhamäcaspa ucqhajj Diosajj janiw jumanacampïcaspati.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Hebreos 13:13

Sarapjjañäniy campamentot ankäjjaru Jesusjama jan qhitins yäkata cunjämtejj Jupajj t'akhesiwaycän uqhama.

Apocalipsis 11:5

Qhititejj aca pani testigonacar cuna jan walsa lurañ munanejja, jupanacajj lacanacapat nina ajjsupjje. Uca ninasti uñisirinacaparojj k'al naqhanti, uqhama naqhantataw jiwani qhititejj cuna jan walsa aca pani testigor lurapcani ucanacajja.

Apocalipsis 13:13

Wali jach'a milagronac luränjja, alajjpachat orakerus nina jalluyaniñcama take jaken uñjcata.