Apocalipsis 20:9 - Qullan Arunaka DC

⁹ Jupanakax uraqpach muytapxani, ukatsti Diosan wawanakapan utjasïwiparu, Diosan munat markaparuw muyuntapxani. Ukampis alaxpachat ninaw saraqanini, ukaw jupanakar q'al nakhantani.

Aymar Bibliia 1986

⁹ Ucatsti orakpacharu ch'eketatasinwa maqhatapjjäna, Diosan wawanacapan utjasïwiparu muyuntasina, uqhamarac Diosan munat marcaparusa. Ucampis Diosajj alajjpachatwa nina puriyanïna, ucampiw k'al naqhantayaraquïna.

Qullan Arunaca

⁹ Ucatsti orakpacharu ch'eketatasinwa maqhatapjjäna, Diosan wawanacapan utjasïwiparu muyuntasina, uqhamarac Diosan munat marcaparusa. Ucampis Diosajj alajjpachatwa nina puriyanïna, ucampiw k'al naqhantayaraquïna.

Apocalipsis 20:9 Jak'a apnaqawi uñst'ayäwi

Génesis 19:24

Tatitux Sodoma, Gomorra markanakxarux aqkir azufrempiw jallur uñtat purintayäna;

2 Reyes 6:15

Qhipürusti, Eliseon uywatapax willjtat sartasïna, anqar mistusinsti, caballeriampi nuwasiñ carronakampi ejercitoru markar muyuntat uñjäna; ukat jupax Eliseor yatiyäna, akham sasa: —¡Jichhasti yatichiri! ¿Kuns kamachañäni? —sasa.

Job 38:18

¿Aka uraqin jach'ätapsa amuytati? ¡Chiqpachan taqi kun yatsta ukax, sitaya!

Salmos 106:18

¡Ninaw jupanakxarux nakhäna! ¡Nina lawrax ñanqha luririnakaruw nakhantäna!

Salmos 87:2

Tatitux Jerusalén markarux wal munasi, Israelan taqpach markanakapat sipana.

Salmos 97:3

ninax jupan nayraqatap saranti, muyuntir timanakaparuw nakhanti.

Isaías 30:33

Asiria markataki, reyipatakisa, t'aqhisiyañ chiqax nayratpach wakichatawa, uka chiqan ansapasti wali jach'awa, manqharakiwa, ninasti walja lawanak taypin wal nakharaki. Tatitun phust'atapaw aqtayarakini, jach'a azufre jallükaspas ukhama.

Isaías 37:36

Uka arumasti Tatitun angelapax sarasin pataka kimsaqallq tunka phisqani waranqa jaqinaka asirionakan campamentopan jiwarayäna, qhipärmanthisti taqiniw jiwarat uñjasipxäna.

Ezequiel 38:16

ukatsti Israel markaxaruw nuwantäta. Gog, jumasti uka markarux mä ch'iyar qinayäkasmas ukhamaw chhaqtayäta. Uka qhipa urunakansti nayax markaxar nuwantañamatakiw jumar irpanïma, ukhamat juma tuqi yaqha markanakax yatipxani, nayarus uñt'apxarakitani kunapachatix nayax jupanakaru q'uma kankañax uñacht'aykä ukapacha’ sasa.

Ezequiel 38:9

Jumasti mä ch'amak qinayjamaw jupanakxarux purïta, uka markarusti q'al chhaqtayarakïta, mä jach'a thayäkasmas ukhamaw uka markarux ejercitonakamampi, walja yaqha markanakampix nuwantarakïta.

Ezequiel 39:6

Magog markxarusti nina apayanï, khitinakatix jach'a quta tuqinakan k'uchik jakasisipki ukanakxarus apayanirakïwa. Ukapachaw jupanakax nayan Tatitütax yatipxani.

Miqueas 2:13

Tatituw jupanakatakix thakhi jist'arani, jupanakasti uka thakhinjam arkapxarakini, marka punku chiqaw mistuwayapxani. Tatitu reyipasti, jupanakan nayrap sararakini.

Habacuc 1:6

Babiloniankirinakaruw nuwantapxañapatak sartayä, jupanakasti wali qhuru jaqinakäpxiwa, uksarus aksarus sarantañatakix wakicht'atakïsipkiwa, kawkïr uraqinakatix jan jupanakankki ukanak katuntasiñataki.

Números 11:1

Mä urusti, israelitanakax Tatitutakiw arusipxäna, jupanakan jan walt'añanakan jikxatasipxatap layku. Tatitusti ukanak ist'asax walpun q'apisïna, ukat jupanakar mä nina apayanisax utjnuqäwin thiyanakap phichhantäna.

Números 16:35

Ukxarusti, Tatitux mä nina apayanïna, uka ninasti incienso luqtapkatayna uka pä patak phisqa tunkan levita jaqinakaruw nakhantas jiwarayäna.

Lucas 17:29

kunapachatix Lot chachax Sodoma markat mistxän ukkhaxa, alaxpachat ninampi azufrempiw jalluntäna, ukat taqi jaqinakaw jiwarapxäna.

Lucas 19:43

Jumatakix jan wali urunakaw purinini, uñisirinakamasti mä pirqampiw jumar muyuntayätam, taqi tuqit katuntapxätam,

Lucas 21:20

“Kunapachatix Jerusalén markar ejercitonakan muyuntat uñjapkäta ukkhaxa, uka markan jank'ak t'unjatäñap yatipxäta.

Lucas 9:54

Santiagompi Juanampix uk uñjasin Jesusarux sapxänwa: —Tatay, ¿alaxpachat nina saraqayaniñanakaxti munta, ukat jupanakar nakhantañapataki, kunjämtix Elías profetax lurkän ukhama? —sasa.

Deuteronomio 23:14

14 (15) Jumanakan Tatit Diosamax jumanak taypin campamenton sarnaqi, jumanakar imañataki, ukhamat uñisirinakamar atipjayañataki, ukhamasti, jumanakan campamentomax qullan chiqäñapawa, ukhamat jan kuna q'añunak Diosan uñjañapataki; janitix ukhamäkaspa ukasti, Diosax janiw jumanakampïkaspati.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Hebreos 13:13

Ukhamasti Jesusampi chikay campamento anqäxar mistuñäni, ukatsti kunjämtix jupax t'aqhisiwayki uka kipkarak t'aqhisiñäni.

Apocalipsis 11:5

Khititix uka paninir kuna jan walsa lurañ munanixa, jupanakax lakapat nina axsupxi, uka ninasti uñisirinakaparux q'al nakhanti; ukham nakhantataw jiwani, khititix kuna jan walsa jupanakar lurkani ukanakaxa.

Apocalipsis 13:13

Jupax wali jach'a muspharkañanak lurarakïna, uraqirus alaxpachat nina jalluyanïna, taqi jaqin uñjkata.