Apocalipsis 20:8 - Qullan Arunaka DC

⁸ ukatsti pusi tuqinpach utjir markanakar sallqjiriw mistuni, Gog, Magog sat markanakar sallqjiri, ukatsti nuwasiñatakiw uka markanakan ejercitonakapar tantachthapini, ukanakasti quta iranan utjir ch'allar uñtatäniwa.

Aymar Bibliia 1986

⁸ Ucatsti take marcanacar sallkjiriraquiw mistuni, Gog uqhamarac Magog satäquis ucanacarusa. Ucatsti ucanacan ejercitonacaparuraquiw nuwasiñataqui tantthapini, ucanacasti kota irana ch'alljama waljanipjjaraquïnwa.

Qullan Arunaca

⁸ Ucatsti take marcanacar sallkjiriraquiw mistuni, Gog uqhamarac Magog satäquis ucanacarusa. Ucatsti ucanacan ejercitonacaparuraquiw nuwasiñataqui tantthapini, ucanacasti kota irana ch'alljama waljanipjjaraquïnwa.

Apocalipsis 20:8 Jak'a apnaqawi uñst'ayäwi

1 Reyes 4:20

Judá markankiri, Israel markankir jaqinakax jan jakt'kayänwa, quta lakan utjir ch'allar uñtata. Manq'añasa, umañasa, jilarkiriw utjäna, jupanakasti kusisitäpxarakïnwa.

2 Crónicas 18:21

uka ajayusti sänwa: ‘Nayax reyin profetanakaparux k'arinak parlayä’ sasa. Ukatsti Tatitux juparux sänwa: ‘Jumaw juparux amtayäta, saram ukat ukham luraskakim’ sasa.

Isaías 10:22

Israel markamax waljanïskpasa, quta iramankir ch'allar uñtatäskpasa, ukampis mä qawqhanikiw kuttanxapxani. T'unjañax niya amtatawa, Diosan aski luräwipasti phuqhasipuniniwa.

Jeremías 33:22

David luqtirixan wawanakaparu, nayar luqtiri Leví ayllunkirinakarusa waljaptayäwa, alaxpacha warawaranakjama, quta iramankir ch'allanakar uñtata jan khitinsa jakt'kayäpxaniwa” sasa.

Ezequiel 38:1

Tatitux sarakituwa:

Ezequiel 38:2

“Jumasti Ezequiel, jichhax Magog uraqi tuqiru uñtam, ukatsti nayan sutixar Gog sat jilïritak arsum, jupasti Mésec, Tubal sata ukanakan jilïripawa.

Ezequiel 39:1

“Jumasti Ezequiel, nayan sutixaru Gog sat jilïritak parlam, ukatsti sarakim: ‘Tatitux akham siwa: Gog, jumax Mésec, Tubal siski ukanakan jach'a jilïripätawa, nayasti jichhax juman uñisirimaw sayt'arakta.

Ezequiel 39:6

Magog markxarusti nina apayanï, khitinakatix jach'a quta tuqinakan k'uchik jakasisipki ukanakxarus apayanirakïwa. Ukapachaw jupanakax nayan Tatitütax yatipxani.

Ezequiel 7:2

“Naya, Tatituw Israel markar sista: Tukuy urupax purinxiwa, aka uraqin tukusiñapax purinxiwa.

Hebreos 11:12

Ukhamasti Abrahamax niy ch'ama qaritäxasinsa, alaxpachankir warawaranakjama, quta thiya ch'alljam jan jakt'kay wawanakaniw tukuwayi.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 20:10

Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki.

Apocalipsis 20:3

Ukatsti manqhapacha ch'amakaruw jaquntäna, ukaruw jist'antarakïna, punkurusti mä chimpu uchantäna, ukhamat waranqa mara phuqhasiñapkam uka dragonan markanakar sallqjir jan mistuniñapataki. Waranqa mara qhipatsti, uka dragonax mä juk'a pachatak antutnukutaw uñjasini.

Apocalipsis 7:1

Uka qhipatsti, pusi angelanakaruw uñjarakta. Jupanakasti aka uraqin pusi tuqitpach sayt'atäsipkänwa, pusi tuqit jutir thayanak jark'asipkäna, kuna thayas aka uraqxar jan thayt'aniñapataki, janirak jach'a qutanakxarusa, kuna quqanakxarusa.

Jueces 7:12

Madianitanaka, amalecitanaka, inti jalsu tuqinkir jaqinakax qhirwa chiqawjan t'iju t'ijunakjamaw ch'iqitatapxatayna, jupanakan camellonakapax quta thiyan utjir ch'allar uñtatänwa.

1 Samuel 13:5

Mä tuqitsti, filisteonakax israelitanakampi nuwasiñatakix tantachasipxarakïnwa. Jupanakansti kimsa tunk waranqa nuwasiñ carronaka, suxta waranqa caballería soldadonakaw utjäna, kayuk sarantir soldadonakas quta ch'allar uñtat jan jakt'kayarakïnwa. Ukatsti Micmás chiqar sarasax Bet-avén sat inti jalsu tuqiruw campamentop wakicht'asipxäna.