Apocalipsis 20:8 - Qullan Arunaca

⁸ Ucatsti take marcanacar sallkjiriraquiw mistuni, Gog uqhamarac Magog satäquis ucanacarusa. Ucatsti ucanacan ejercitonacaparuraquiw nuwasiñataqui tantthapini, ucanacasti kota irana ch'alljama waljanipjjaraquïnwa.

Aymar Bibliia 1986

⁸ Ucatsti take marcanacar sallkjiriraquiw mistuni, Gog uqhamarac Magog satäquis ucanacarusa. Ucatsti ucanacan ejercitonacaparuraquiw nuwasiñataqui tantthapini, ucanacasti kota irana ch'alljama waljanipjjaraquïnwa.

Qullan Arunaka DC

⁸ ukatsti pusi tuqinpach utjir markanakar sallqjiriw mistuni, Gog, Magog sat markanakar sallqjiri, ukatsti nuwasiñatakiw uka markanakan ejercitonakapar tantachthapini, ukanakasti quta iranan utjir ch'allar uñtatäniwa.

Apocalipsis 20:8 Jak'a apnaqawi uñst'ayäwi

1 Reyes 4:20

Judá uqhamarac Israel ucan jakenacapajja jan jact'cayänwa, cunjämatï kota lacana walja ch'allajj utjquejja uqhama. Jilarquiriw utjäna mank'añasa, umañasa, ucatsti cusisiñawa jilancäna.

2 Crónicas 18:21

ucatsti ajayojj sänwa: ‘Nayajj c'arinacwa reyin take profetanacaparojj amtayäjja’ sasa. Ucatsti Tatitojj juparojj sänwa: ‘Chekpachansa uqhamjja sallkjasmawa, uqhamajj saramaya luriri’ sasa.

Isaías 10:22

Israel, marcamajj waljanïscpasa, kota iramanquir ch'allar uñtata, ucampis mä kawkhaniquiw cuttanjjapjjani. T'unjañajj amtatawa Diosan asqui luräwipasti phokhasipuniniwa.

Jeremías 33:22

David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Ezequiel 38:1

Tatitusti nayan ucaru jutasinjja, saraquituwa:

Ezequiel 38:2

“Jumasti chacha, jichhajj Magog marca tokeru cutiquipstam, nayan sutejjaru arsuraquim Gog jupasti Mesec uqhamaraqui Tubal sisqui ucanacan jilïripawa.

Ezequiel 39:1

“Jumasti jichhajj, chacha, nayan sutejjaru parlam Gog sisqui ucanac toke, ucatsti naya toketjja saraquim: ‘Gog, jumajj Mesec Tubal sisqui ucanacan jach'a jilïripätawa, nayasti jichhajj juman uñisirimaw sayt'aracta.

Ezequiel 39:6

Magog sisqui uca marcjjarusti ninwa apayanëjja, qhitinacatejj jach'a kota tokenacan c'uchiqui jacasisipqui ucanacjjarusa. Ucapachaw jupanacajj yatipjjani nayan Tatitütajja.

Ezequiel 7:2

“Naya Tatituw Israel marcaru sista: Tucuyajj purinjjewa, aca oraken tucusiñapajj purinjjewa.

Hebreos 11:12

Uqhamajj Abrahamajj tucuy urunacapancchïnsa, walja jan jact'cay wawanacaniw uñjasiwayi, alajjpach warawaranacjama, kota thiy ch'alljamaraqui.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 16:14

Acanacasti supayan ajayunacapänwa. Jupanacasti milagronacwa lurapjjaraquïna, ucatsti sarapjjänwa take reyinacaru tantachañataqui take ch'aman Diosan jach'a urupana jupampi nuwasiñataqui.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.

Apocalipsis 20:3

Ucatsti mankhapacha ch'amacaruw jakontäna, jist'antaraquïna. Mä sellompiw selljjatawayaraquïna, uqhamata jan marcanacaru sallkjascañapataqui warank mara phokhasiñapcama. Warank mara pasatatsti mä juc'a tiempotaqui antutataraquïniwa.

Apocalipsis 7:1

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.

Jueces 7:12

Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.

1 Samuel 13:5

Filisteonacasti mä toketjja tantacht'asipjjaraquïnwa, israelitanacampi nuwasiñataqui. Quimsa tunca waranka guerrar sarir carronacanïpjjänwa, sojjta waranka caballería soldadonacani, uqhamarac infantería soldadonacapasa jan jact'caya sinti waljapunïnwa, kota iramankir ch'allar uñtata. Ucatsti janc'aquiw Micmas sisqui uca chekaru sartapjjäna; campamentopjja ucaruw waquichasipjjäna, Bet-avén sisqui ucqhata inti jalsu tokeru.