Apocalipsis 16:21 - Qullan Arunaca

²¹ Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Aymar Bibliia 1986

²¹ Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Qullan Arunaka DC

²¹ alaxpachat jach'a chhijchhinakaw jaqinakxar purïna, sapa mayasti pusi tunka kilot jilänwa. Jaqinakasti ukham chhijchhi uñjasax, jan wali arunakampiw Diosar ñanqhachapxäna, uka mutuyäwin sinti jach'ätap layku.

Apocalipsis 16:21 Jak'a apnaqawi uñst'ayäwi

Job 38:22

“¿Jumajj uñjtati cawqharutejj qhunsa, chholloksa imcta ucanacjja,

Job 38:23

take ucanacjja jan walt'añ urunacana nuwasiña guerra tiemponacana apayaniñataqui?

Éxodo 9:18

Uca laycusti, nayajja arumanthi aca horasarusti walpunwa chhijchhintayäjja, janiw cunapachas uqhama purirïquiti aca Egipto marca kalltat jichhacamajja.

Éxodo 9:22

Ucatsti Diosajj Moisesarojj sänwa: —Amparama alajjpacharu loktam, ucata chhijchhejj wali purintañapataqui Egipto marcpacharu, take jakenacjjaru, uywanacjjaru, uqhamarac take kokanacjjarusa —sasa.

Isaías 30:30

Tatitusti jach'a arupwa ist'ayaraquini, jach'a ch'amapsti uñacht'ayaraquiniwa, ajjsarcañ colerampiraquiw lurani, mä akquir ninan naqhatapjama, rayonacampi, jallumpi, chhijchhimpi cuna.

Isaías 8:21

“Jakesti ucsa acsa sararaquini, t'akhesiyata, mank'atsa awtjataraqui, mank'atjamasti wali coleratäpjjaraquiniwa. Diosanacaparus reyirus ñankhachapjjaniwa. Alajjpach uñtapjjaraquini,

Ezequiel 13:11

Cunjämatejj mä jakejj mä perkjja jan suma perkasa sayt'ayejja, ucatsti janc'aqui k'athawimpi jank'o tucuyejja, uqhamäpjjewa. Jupanacaru aqham sasa parlam, perkasti mäquiwa liwisjjani. Jallunacajj walpun purintani, chhijchhis kalanacjamaw purintani, mä jach'a thayaw thayt'anini, ucat uca perkajj liwisini.

Ezequiel 13:13

Ucatpï naya Tatitojj sistjja: Colerasiñajjanjja nayajj mä jach'a thaya thayt'ayanï, jach'a colerasiñajjansti, walpunwa jalljja puriyanëjja, uqhamaraqui chhijchhis kalanacjamaw puriniraquini, take cunsa wali colerasiñampi t'unjañapataqui.

Josué 10:11

Cunapachatï amorreo jakenacajj Bet-horón sat aynacha jalakasipcän israelitanacat jaltasa ucqhajj, Diosajj jach'a kala chhijchhinac jupanac patjjaru jalluyäna, ucanacasti walja amorreo jakenacaruw jiwarayäna, israelitanacan espadanacapat sipansa.

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 16:11

ucampis janiraquiw uqhamatsa arrepientisipcänti jan wali luratanacapatjja, jan ucasti jan wali k'añu arunacacwa alajjpach Dios toke parlapjjäna, t'akhesitanacapatsa uqhamarac llejjti usunacapatsa.

Apocalipsis 16:9

Takeniraquiw sintcaña naqhantatäpjjäna, ucampis janiw arrepientisipcänti ni Diosarus yupaychapcaraquïnti, jan ucasti qhititï aca mutuñanacjjaru munañanïqui ucataquiquiw contra jan wali arunacampi arusisipcäna.

Apocalipsis 8:7

Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.