Apocalipsis 16:21 - Qullan Arunaka DC

²¹ alaxpachat jach'a chhijchhinakaw jaqinakxar purïna, sapa mayasti pusi tunka kilot jilänwa. Jaqinakasti ukham chhijchhi uñjasax, jan wali arunakampiw Diosar ñanqhachapxäna, uka mutuyäwin sinti jach'ätap layku.

Aymar Bibliia 1986

²¹ Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Qullan Arunaca

²¹ Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Apocalipsis 16:21 Jak'a apnaqawi uñst'ayäwi

Job 38:22

¿Jumax purtati kawkharutix nayax khunumpi, chhijchhimp imkta uk uñjirixa?

Job 38:23

Nayaw llaki pachanakatak taqi ukanak imta, jan walt'añ urunakan apayaniñataki, ch'axwäwi urunakan apayaniñatakisa.

Éxodo 9:18

¡Walikiwa!, nayax arumanthix walpun chhijchhintayä, ukham chhijchhix janiw Egipto markan utjatapat jichhakamax kunapachas utjirïkiti.

Éxodo 9:22

Ukatsti Diosax Moisesar sänwa: —Amparam alaxpach tuqir luqtam chhijchhin wal purintañapataki, Egipto markpacharu, taqi jaqinakxaru, uywanakxaru, egipcio pampanakan utjir alinakxaru —sasa.

Isaías 30:30

Tatitusti jach'a arupa ist'ayani, jach'a ch'amapsti uñacht'ayarakiniwa, axsarkañ phiñasiñampiw ukanak lurani, q'ixu q'ixunakampi, jallumpi, chhijchhimpi taqi ukanakax mä aqkir ninjam tukjiriwa.

Isaías 8:21

Jaqisti uksa aksa sararakini, t'aqhisiyata, manq'atsa awtjataraki, manq'atjamasti wali phiñasitäpxaniwa. Reyiparusa, diosanakaparus wal ñanqhachapxani. Taqi tuqi uñtapxani,

Ezequiel 13:11

Ukhamasti uka pirqanak luririnakarux sarakim, pirqa luratanakapax mäkiw tinkuni. Jallunakax walpun purintani, chhijchhis qalanakjamaw purintani, mä jach'a thayaw thayt'anini,

Ezequiel 13:13

Ukatpï naya, Tatitux sistxa: Q'apisiñaxan nayax mä jach'a thaya thayt'ayanï, jach'a phiñasiñaxansti, walpun jallu purintayä, chhijchhisa qalanakjamaw purintani, phiñasiñaxampix taqi kunpin t'unthapï.

Josué 10:11

Amorreonakax israelitanakat jaltxasin Bet-horón sat aynacha jalaqasipkän ukkhasti, Tatitux chhijchhir uñtat jach'a qalanak jupanakxar puriyäna, ukanakasti israelitanakan espadanakapamp jiwarayañat sipansa, juk'amp walja amorreo jaqinakaruw jiwarayäna.

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 16:11

ukampis janiw ukhamäkasinsa jan wali luräwinakap apanukupkänti, jan ukasti, jan wali q'añu arunakampiw alaxpachankir Diosar ñanqhachapxäna, llixti usumpi mutupxatap layku.

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.