Amós 5:1 - Qullan Arunaca

¹ Ist'apjjetay arunacajja israelitanaca; cuna llaquisiñtejj jumanac contra arsctjja ucanaca:

Aymar Bibliia 1986

¹ Ist'apjjetay arunacajja israelitanaca; cuna llaquisiñtejj jumanac contra arsctjja ucanaca:

Qullan Arunaka DC

¹ Israelitanaka, arunakax ist'apxitaya; jumanak tuqi arsuta llakisiñ arunaka:

Amós 5:1 Jak'a apnaqawi uñst'ayäwi

Jeremías 18:13

Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja!

Jeremías 7:29

¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Jeremías 9:17

Take ch'amani Tatitojj siwa: “¡Ist'apjjam! Warariri warminacaru jawsayanipjjam, cawquïrinacatejj warariñataquejj waquichatäpqui ucanacaru.”

Jeremías 9:20

Warminaca, Tatitun arunacapa ist'apjjam, cuntejj siscani ucanacsti suma isch'uquipjjam. Wawanacamarusa jachañ yatichapjjam, amiganacaparusti aqhama warariñaraqui:

Jeremías 9:9

Uca luratanacapatsti ¿janit mutuycästi? ¿Uqhama jakenacarusti janit juchap uñt'asiycästi? Naya Tatituw ucjja arsta.

Ezequiel 19:1

“Jumasti, jichhajj aca alma imañ k'ochunac Israel marcanquir reyinacataquejj k'ochuraquim:

Ezequiel 19:14

Layminacapatsti ninaw mistu, uca ninaraquiw cüllinacapsa, achunacapsa naqhantjjaraqui. Janiw jichhajj uca thuru layminacapajja, cawquïrinacatejj reyinacan thujrunacapa tuccän ucajj utjcjjeti.’ ” (Acajj alma imäwi k'ochuwa, uqhamataqui arsutapunïniwa.)

Ezequiel 26:17

Ucatsti aca alma imäwi k'ochu k'ochurapipjjaraquïtam: ‘¡Cunjämaraqui uqhama t'unjata uñjasta, wali aytat marca! ¡Cunjämaraqui kota toket chhaktta! ¡Jumajj, jakenacamampejja kota tokenjja wali ch'amanïyätawa, take ucsa tokenacanwa ajjsarcañanaca utjayäyätajja!

Ezequiel 27:2

“Jumajj, chacha, aca alma imäwi k'ochu k'ochum,

Ezequiel 28:12

“Jumasti, chacha, Tiro marcanquir reyitaquejj mä alma imäwi k'ochu k'ochuraquim. Jichhajj juparojj saraquim: ‘Aqham siw Tatitojja: Jumajj sinti asquipuniyätawa, yatiñampisa, sumäñampisa phokt'ata.

Ezequiel 32:16

“Acasti mä alma imäwi k'ochuwa, uqhamwa walja marcanacanquiri warminacajj jachapjjani Egiptor uñjasajja, uqhamaraqui walja jakenacapa uñjasasa. Naya Tatituw ucjja arsta.”

Ezequiel 32:2

“Egipto marcanquiri Faraón reyitaqui aca alma imäwi k'ochu k'ochurapim: ‘Marcanacan leonanacapjamätawa; kotanquiri jach'a ajjsarcañ lak'or uñtatätawa, jawiraman umapan sunt'isiractajja, cayunacamampisti uca umjja konchuptaytawa, jalir umsti tirctayaractawa, sasa.

Amós 3:1

Israelitanaca, ist'apjjam cuntejj Tatitojj Egipto marcat irpsunqui uca familianacar sisqui uca arunaca:

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 5:16

Aqham siw take ch'amani Tatitu Diosajja: “Take plazanacanwa jachañajj utjani, take callenacanwa warariñajj utjani, pampan utjirinacarusti llaquisiñaruraquiw jawsapjjani, uqhamarac jachiri jakenacarusti jachañaruraqui.

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”

Miqueas 2:4

Qhaya urunacansti jumanacataquejj larusisaw jachañ k'ochunac k'ochupjjani. Sapjjaraquïtamwa: ‘K'ala tucjatapunïtanwa; jiwasa, Tatitun marcapasti, yakha uywirinëjjtanwa, janiraquiw qhitis ‘janiw’ sasajj jarc'akquiti; jiwasan orakenacasasti atipjirinacasaru laquinokataraquiwa’ sasa.