Amós 5:2 - Qullan Arunaca

² Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Aymar Bibliia 1986

² Suma k'oma Israel marcajja liwisjjewa; jan mayamp sartquiriw liwisiwayi, quipca orakepjjaru liwitattataw khepari, janiw qhiti waytiris utjquiti.

Qullan Arunaka DC

² Suma q'uma Israel markax tinkxiwa; jan mayampi sartkiriw liwisxi. Pachpa uraqipxar liwitattataw qhipari, janiw khiti waytiris utjkiti.

Amós 5:2 Jak'a apnaqawi uñst'ayäwi

2 Reyes 15:29

Peka reyejj Israel marcar apnakascäna ucqhawa Asirianquiri Tiglat-pileser reyejj jutäna, ucatsti catuntasïnwa Ijón, Abel-bet-maaca, Janoa, Cedes, Hazor, Galaad, Galilea ucanaca, uqhamarac Neftalí take uca orakenaca, ucatsti jakenacaparojj preso apäna Asiria marcaru.

2 Reyes 17:16

Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.

Isaías 14:21

Jichhajj waquichasipjjam wawanacar jiwarayañataqui, awquinacapajj jakenacar jiwaraycänjja ucanacata, jan juc'ampi aca orake apnakañat lup'isipcañapataqui, uqhamaraqui aca oraken jach'a marcanacampi phokhantañataquisa.”

Isaías 24:20

Mä machat jakjamaw qhathatini, mä thantha chhujllar uñtataw qhathatini. Juchanacapasti jupjjarojj walpun jatjjattaraquini, liwisiniwa, ucatsti janiraquiw mayampsa sartjjaraquiniti.

Isaías 3:8

Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Isaías 37:22

Tatitusti Asirianquir reyitjja aqham saraquiwa: “Senaquerib, Sión marcajj mä tawakjamaw jumatjja larusi. Cunapachatejj jumajj sarjjta ucqhajj Jerusalén marcajj p'eke qhiwisisaw larusi.

Isaías 43:17

mä ch'amani ejercitoruw mistsuyani, carronacapampi, caballonacapampi t'unjayañataqui. Liwinucutaw uñjasipjje, ucampis janiw sayt'asipcaniti; jiwt'ir mechar uñtataw tucusiwayjjapjje.

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 18:13

Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja!

Jeremías 2:27

Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Jeremías 31:4

Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 50:32

Ñankha marca, lanctasisinjja liwisiraquïtawa, janiw qhitis waytcaraquïtamti. Take marcanacamsti ninampiw phichcataraquï, uca ninasti take uca jumar muytata chekanacwa k'ala naqhantaraquini.”

Jeremías 51:64

saraquïtawa: ‘Aqhamaw Babiloniajj aynacht'ani, janiraquiw mayampi cuna aynacht'äwtejj Tatitojj apayancani ucatjja sartcjjaniti’ ” sasa. Aqharuw Jeremiasan arunacapajj tucusjji.

Jeremías 8:4

“Jumasti Jeremías aca arunacajj naya toket aca marcaru yatiyam: ‘Cunapachatejj maynejj liwisi ucapachajj, wasitat sayt'asjje; cunapachatejj thaqui chhaktayasi ucapachasti wasitat jicjjatjje.

Jeremías 9:21

“Jiwañajj utasaruw mantani; palacionacasarus puriniraquiwa; wawanacarusti callenacan jiwarayi, waynanacarus plazanacan jiwarayaraqui.

Jeremías 9:9

Uca luratanacapatsti ¿janit mutuycästi? ¿Uqhama jakenacarusti janit juchap uñt'asiycästi? Naya Tatituw ucjja arsta.

Lamentaciones 2:13

Suma muncaña Jerusalén marca, ¿cunampiraqui jumarusti chicachasiyirisma? Suma muncaña Sión marca, ¿cunampiraqui jumarusti chuymachirisma? Juman t'unjäwimasti jach'a kotar uñtata jach'araquiwa; ¿qhitirac jichhasti jumaru chuymachiristamsti?

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Oseas 6:2

Mäquiw c'umar sarnakasiñjja churjjestani, jupa nayrakatan jacañasataquiw sartayasjjaraquistani.

Amós 8:14

Samaria marcanquir c'ari diosanacat juramento luririnacajja, qhitinacatejj sapqui: ‘Dan marcan diosap laycu,’ ‘Beerseba marcan diosanacap laycu’ sasa; ucanacajj jan mayamp sartquiriw tincurapjjani.”

Amós 9:11

“Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.