Amós 4:13 - Qullan Arunaca

¹³ Qhititejj kollunacsa, thaysa lurquejja, jakerus amtäwinacapsa yatiyaraqui, jaypt'aycaraqui, khanjtayancaraqui, wali alto kollunac toksa sarnakcaraqui ucasti, Take Ch'amani Dios Tatitu, sataw sutipajja.

Aymar Bibliia 1986

¹³ Qhititejj kollunacsa, thaysa lurquejja, jakerus amtäwinacapsa yatiyaraqui, jaypt'aycaraqui, khanjtayancaraqui, wali alto kollunac toksa sarnakcaraqui ucasti, Take Ch'amani Dios Tatitu, sataw sutipajja.

Qullan Arunaka DC

¹³ Khititix qullunaksa sayt'ayki, thaysa lurki, jaqirus amtäwinakap yatiyki, qhansa ch'amakt'ayki, jach'a qullunak patanakansa sarnaqkaraki, ukan sutipax Taqi ch'aman Tatituwa.

Amós 4:13 Jak'a apnaqawi uñst'ayäwi

Job 9:7

Jupaw intirus jan mistuniñapataqui arsuraqui, warawaranacarusti janiw c'ajaycaraquiti.

Salmos 135:7

Orak tucusitpach kenayanac sartayi, khejjokhejjonacampiw jallu purjjatayi; utjäwinacapat thayanacarojj antutnucu.

Salmos 139:2

jumaw kont'atajjsa, sartatajjsa yattajja, lup'itanacajjarojj jayatpach amuytajja.

Salmos 147:18

Jupajj mä aruc arsu, ucampiquiw chulluraraqui; thayampiw phust'ayi, umasti jaltiwa.

Salmos 65:6

jumïpan kollunacajj pachpaquïsqui, juman ch'amam laycuw thurt'atäsipqui.

Éxodo 10:22

Ucat Moisesasti iyawsasaw amparap alajjpachar loktäna, ucatsti lajja ch'amacaw take Egipto marcpachajj tucüna quimsa uru.

Éxodo 14:20

Ucampis uca kenayajj sayt'änwa egipcio soldadonacampi, israelitanacampi taypiru. Ucaw egipcionacataquejj wali ch'amaca tucuyänjja, ucampis israelitanacarojj khant'araquïnwa. Ucatjja uca arumajja egipcionacajj janiw israelitanacarojj jicjjatañ puedipcänti.

Isaías 40:12

¿Qhitis jach'a lamar kotjja amparapampi tupt'ejja; jan ucajj luc'anapampi alajjpachan kawkch'ätapsa tupt'ejja? ¿Qhitiraquis mä sapa tupuru take aca oraken lak'anacapsa apthapejja? ¿Jan ucajj take kollunacsa mä balanzar apjjatasin waytejja?

Isaías 45:7

Nayaw khansa ch'amacsa uscta, sumancañsa, chijinacsa nayaw apayanta. Naya, Tatituw take ucanac lurta.

Isaías 47:4

Jiwasan khespiyirisajja, Israelan Kollan Diosapajja, qhititejj take ch'amani Tatitu satäqui ucajj siwa:

Isaías 48:2

Kollana marcan jacasirïtwa saractawa, Israelan Diosaparuraquiw iyawstajja, sutipasti take ch'amani Tatitu satawa.

Isaías 5:30

Uca marcasti, cunapachatejj arsut urojj purincan uca urojj jach'a kotar uñtataw khothutini Israel marcataquejja, qhititejj orak uñch'uccani ucasti orakerojj kenayampi ch'amacrantayata, ch'iyara ch'amaca kenayanacampi muyuntata uñjaraquini.

Jeremías 10:13

Jach'a arupampisti, alajjpachanjja umanacas warariraquiwa, kenayanacsti aca oraken mä thiyapatwa maqhatayaraqui, jallunsa llijullijunacjja khantayaraquiwa, thaysti imañapatjja apsuniraquiwa.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 13:16

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Jeremías 46:18

Naya, qhititejj reyïcta, uqhamaraqui take ch'amani Tatitu satäcta ucaw arsta, sutejj-jjaruraquiw juramentompi arsta. Cunjämatejj Tabor kollojj take kollunacat jilt'atajja, uqhamaraqui Carmelo sat kollusa jach'a kota toker sartasejja, uqhamaraquiw uñisirimajj jutantani.

Jeremías 51:16

Jach'at arsutapampiw umas alajjpachan khothutiraqui, kenayanacsti aca orake tucusitpachwa maqhatayaraqui, jallu taypinracwa k'ejjok'ejjonacsa khantayaraqui, cawqhantejj thayajj imantatäqui ucatpachwa apsuniraqui.

Jeremías 51:19

¡Ucat sipansa cunja jach'as Jacobon Diosapajja, juparaquiw take cunanacatejj utjqui ucanacjja uscuraqui! Juparaquiw Israelarojj jupatacjama ajllisi; sutipasti: Take Ch'amani Tatitu sataraquiwa.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Daniel (hebreo) 2:30

Nayarusa uca imantata jan amuyt'caya uñjañajj yatiyataraquiwa, ucampisa janiw nayan take jakenacat sipana wali yatiñanïtajja laycuti, jan ucasti nayan jach'a reyiru uca samca toketa khanañchañajjataquiwa cuntejj uca samcajj sañ munqui uca toketa, uqhamat jach'a reyejj yatiñapataqui cunanacatejj p'ekeparu jutcäna uca amtäwinacata.

Oseas 12:6

Uqhamasti, Israel marca Diosamar cuttanjjam; chekpach chuymamampi asquimpiraqui sarnakam, ucatsti Diosamarupuni iyawsaraquim.

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Amós 3:13

Take ch'amani Tatit Diosajj siwa: “Ist'apjjam, khanañchapjjaraquim Jacobon marcap toke.

Amós 5:27

Jumanacarojj Damasco marcats juc'amp jayaruw jakonucupjjäma.” Uqham siwa Take Chamani Tatitu Diosajja. Ucaw sutipajja.

Amós 5:8

Tatituw lurawayi jan jact'cay warawaranacjja, arumsti ururu tucuyaraqui, ursti ch'amac arumaru tucuyaraqui, kotanquir umanacsa jawsaraqui, ucsti orakjjaru wartaraqui. Jupaw antutani ch'amaninacjjaru tucjatäñapsa, juparaquiw apaniraqui ch'amaninacjjarojj tucjatäñapsa. Sutipasti, Tatitu Diosawa.

Amós 6:8

Tatitu quipcaw juramento lurawayi; take ch'amani Tatitu Diosasti siwa: “Uñistwa Jacobun marcapan jach'a jach'a tucutapjja, uñisiractwa palacionacapsa, marcsa, uqhamaraqui cunanacatejj ucan utjqui ucamppacha, uñisiriruraquiw catjjaruyäjja.”

Amós 8:9

Dios Tatitojja siwa: “Uca urunjja intisa chica ururuw ch'amact'anejja, urojj sum khancasaw orakjj ch'amactayäjja.

Amós 9:6

Tatitusti utapjja alajjpacharuw uchasiraqui, ch'usa alajjpachsa orakjjaruraqui, juparaquiw kotat umanac jawsasina orakjjaru wartaraquejja. Sutipasti Tatituwa.

Miqueas 1:3

Tatitojj cawqhantejj utjqui ucqhatpachwa mistunini, ucatsti kollu patanacwa jutani.

Habacuc 3:19

Tatituquiw ch'ama churitu, cayunacajjarusti tarujan t'ijtañapwa churaraqui, alto chekanacaruraquiw irpitani, ucanwa khespiyata jicjjatasëjja.”

Zacarías 12:1

Acajj Tatitut mä yatiyäwiwa Israel marcjjata. Tatitu, alajjpacha jach'aru tucuyiri, acapach oraksa utt'ayaraqui, jakerus jacaña churcaraqui ucajj arsuwa:

Mateo 9:4

Jesusasti yatiraquïnwa cuntejj jupanacajj lup'ipcän ucjja, ucatwa jupanacarojj saraquïna: —¿Cunatsa uqham jan wali amtañanïpjjta?

Juan 2:25

Jaker uñt'añataquejj janiw qhitin yatiyatäñasa waquiscänti, jan ucasti jupa pachpawa yatïna jaken chuymapa.

Juan 3:8

Thayajj cawcsats thayt'aniquiwa, thayt'atapsti ist'aractawa, ucampis janiw yatctati ni cawcsat jutatapa ni cawcsar saratapsa. Uqhamaraquiwa Ajayut nacitanacajja.

Deuteronomio 32:13

Atipirinacarjamaw irpäna, uca oraken kollu patanacanjama, pampanquir achunacwa mank'ayaraquïna, karkatwa misq'i umañ churäna, ch'ollkhe kalatwa aceite churaraquïna;

Deuteronomio 33:29

Israel marca, jumasti cusisim; ¿qhitis jumampi chicachasispa? Tatitu Diosam quipcaw jumaru khespiytam, juparaquiw imasctam, yanapascaractam. ¡Jupaw atipt'ayiri espadamajja! Uñisirimasa llamp'uchasiniw juma nayräjjanjja, jumaraquiw jach'a jach'a tucuñapsa pampachjäta” sasa.