2 Samuel 3:39 - Qullan Arunaca

³⁹ Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

Aymar Bibliia 1986

³⁹ Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

Qullan Arunaka DC

³⁹ Ukat nayax Tatitun ajllita reyïkasinsa, Seruiá jaqin yuqanakapan jan wali luratanakap uñjasax t'ukhaw uñjasta. ¡Tatitux ukham ñanqha luririrux luratapatjam mutuypan! —sasa.

2 Samuel 3:39 Jak'a apnaqawi uñst'ayäwi

2 Samuel 16:10

Ucampisa reyejj saraquïnwa: —Acajj janiw jumanacan luräwinacamäquiti, Sarvia jaken yokanacapa. Jupatejj uqhama nayarojj jan wali arunacapampi ñankhachchitu ucasti, Tatituw juparojj: ‘Uqham luram’ sispacha. Uqhamächi ucapachasti, ¿Qhitiraqui: ‘Cunatsa uqham lurta’ saspasti? —sasa.

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 19:22

Ucampisa Davidajj saraquïnwa: —Sarvia jaken yokapa, acajj janiw jumanacan lurañanacamäquiti. ¿Cunatsa jumanacajj naya contra amtapjjta? Jichhajj nayajj Israel marcan reyipätwa, janiraquiw qhitis Israel marcanjja jichhürojj jiwcaniti —sasa.

2 Samuel 3:38

Ucat reyejj janc'aquiw jilïrinacaparojj saraquïna: “Cunjämatejj jumanacajj jichhajj yatipjjta, jichhürojj Israel marcan mä jach'a jilïri jakew jiwi.

1 Reyes 2:32

Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

1 Reyes 2:9

Jumasti janiw perdonätati. Ch'iqhïtawa, ucatsti jumaw yatïta jupampi cunjäm lurañsa. Ucampis wact'ayjjätaw jiwañapajj janc'aquïñapataqui.”

1 Crónicas 22:5

Davidasti amuyänwa aqhama: “Salomón wawajjasti jisc'äsquiwa, Tatitun templopa lurayañasti wali jach'äñapawa, wali aytataraqui, wali sumaraqui take acapachanquirit sipansa; uqhamasti take cunsa suma waquicht'atwa jaytäjja” sasa. Ucatwa Davidajj janïra jiwjjasinjja wali jach'a waquichäwinacwa uchawayäna.

1 Crónicas 29:1

Ucatsti Davidajj take tantachasïwi jakenacaruraquiw saraquïna: “Salomón wawajjasti, Diosajj jupa saparuquiw ajllisi, jupasti wawa waynaquïsquiwa, ucampis lurañasti wali jach'awa, uca lurañasti janiwa jaketaqui palacio lurañäqui uqhamäquiti, jan ucasti Tatit Diosataqui templo lurañäqui ucawa.

2 Crónicas 13:7

Juparusti jakcattapjjänwa mä kawkha jan cuna lurir jayra jakenaca, uqhamarac jan wali jakenaca, jupanacasti atipjapjjänwa Salomonan Roboam yokaparojja, jupasti waynaquïnwa jan sayt'asiriraqui. Uqhamasti jupajj janiw ch'amanïcänti jupanac toke sayt'asiñataquejja.

Salmos 101:8

Ñankha lurir jakenacarojj sapa willjtaw amuct'ayä, jan wali jakenacarojj Tatitun marcapat jakonucü.

Salmos 28:4

Luratanacaparjam jupanacarojj uñjam, jan wali sarnakäwiparjam uñjaraquim; jan wali luratanacaparjam mutuyam, ñankha lurataparjam juchañcham.

Salmos 7:16

¡Ñankha luratanacapajj p'ekepjjaruw cutjjatani, khoru cancañapajj p'eke ch'aqhapjjaruw jaljjattani!

Salmos 75:10

Jupaw ñankha lurir jakenacan munañan cancañap tincuyani, asqui jaken ch'aman cancañapsti jiljjatayaniwa.

Éxodo 21:12

“Qhititejj masiparu chhojjriñchasa jiwaycani ucajja, jiwayataraquïniwa.

Proverbios 20:8

Cunapachatï reyejj taripäwin kont'asi ucqhajja, maya uñcatasaquiw cunatejj jan walïqui ucjja catji.

Proverbios 25:5

reyiru sirvir jucharar jakjja apakam, ucatsti tronopajja cheka cancañanwa sayt'awayani.

Isaías 3:11

¡Ay ñankha jaketaqui, take cunas jupataquejj janiw walt'caniti! Tatitu Diosasti luratanacapatjamwa churaraquini.

Isaías 7:4

ucatsti saraquim: ‘Amuyasim, ucampis jan sustjasimti, jan ajjsaramti, janiraqui llajllas tucumti, uca pä jisc'a ninar uñtata jek'erinacatjja, Rezín reyejj Sirio jupan jakenacapampi, uqhamaraqui Remaliasan yokapasa, jupanacasti colerat naqhantirjamäscaraquiwa.

Jeremías 38:5

Sedequías reyisti jupanacarojj saraquïnwa: “Waliquiwa, cuntejj jumanacajj uca jakempi lurañ munapjjta uc lurapjjam, janiw jumanacampi cunas lurañjamäcjjeti” sasa.

Daniel (hebreo) 6:16

Uqhamasti reyejj Daniel chacharu irptayaniñataquiw arsuraquïnwa, ucat leonanacan putuparu jakontapjjañapataqui. Ucampisa janïra uca arunacajj phokhasquipanjja reyejj Daniel chacharojj aqham sasaw saraquïna: —Cawquïri Diosamarutejj jumajj take chuymamampi sirvcta ucasti jumarojj khespiypan —sasa.

Números 32:23

Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.

Romanos 13:4

Uca autoridadanacasti juman asquimataquiw Diosar sirvipjje. Ucampis jan wal sarnakjjät ucqhasti, jumajj uca autoridadanacar ajjsarasaw sarnakjjäta, janiw inamaya autoridadaquïquiti jan ucasti mutuyañataqui munañaniraquiwa. Sum uñjañataqui Diosan munañaparjam uchatächejja, jan wali luririnacarojj mutuyaraquiniwa.

2 Timoteo 4:14

Herreröquis uca Alejandrojj sinti jan walinacwa lurawayitu; Tatituw juparojj uñjascani cuntejj nayarojj lurquitu ucatjja.

Jueces 9:57

Uqhamarac Diosajj mutuyaraquïnwa Siquem marcanquir jakenacarojj jan wali luratanacapatjja. Uqhamaw Jotam sata Jerobaal chachan yokapan maldicitapajj phokhasïna.