2 Samuel 3:35 - Qullan Arunaca

³⁵ Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

Aymar Bibliia 1986

³⁵ Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

Qullan Arunaka DC

³⁵ Ukatsti taqiniw Davidar jak'achasisin achikt'apxäna janïr jayp'untkipan manqt'asiñapataki, ukampis Davidax juramento luräna, akham sasa: —¡Diosax wal mutuyitpan nayatix mä t'ant'sa, jan ukax kunsa janïra inti jalantkipan mallt'ä ukapachaxa! —sasa.

2 Samuel 3:35 Jak'a apnaqawi uñst'ayäwi

2 Samuel 1:12

Saúl reyimpina, Jonatán yokapampina jiwatapatsti wali jachapjjäna, wararipjjaraquïna, uqhamaraqui israelitanacajj atipjata uñjasipjjatapatsa. Dios Tatitun ejercitopajj atipjatätapata jayp'ucamaw ayunapjjaraquïna.

2 Samuel 12:17

Cawquïri jilïri jakenacatejj palaciopan jacapcän ucanacasti, sarasin Davidarojj achict'apjjaraquïnwa oraket sartjjañapataqui, ucampisa jupajj janiw sartañ muncänti, janiraquiw jupanacampi chicas mank'cänti.

2 Samuel 3:34

Amparanacamasa janejjay chinuntatäcchïntejja, cayunacamas janiraquejjay cadenampi ñach'antatäcchïntejja. ¡Qhitinacatejj jan wali jakenacan amparapan jiwapjje, uqhamaw jiwawaytajja!” sasa. Jakenacasti Abneratjamajj wali jachasipcaquïnwa.

2 Samuel 3:36

Davidan arunacaparusti takeniw sum amuyapjjäna, ucatsti waliquiwa sapjjaraquïnwa, take cuntejj reyejj lurcän ucanacasti jakenacataquejj waliquipunïnwa.

2 Samuel 3:9

¡Tatitusti nayarojj wali mutuyitpan, janitejj Davidampi phokä, cuntejj Tatitojj arsuwayqui ucanacampejja!

1 Crónicas 10:12

take jan ajjsariri jakenacajja mayaqui sum amtasisinjja, Saúl reyimpina, yokanacapampina jiwat amayanacapa catusinjja Jabes chekaruw apasjjapjjäna. Ucanaracwa encina sat koka cayur amayanacapjja imt'jjapjjäna. Uca pasatatjja pakallk uruwa ayunapjjäna.

Jeremías 16:7

Uca jiwaratanacan familianacaparu chuymachañataquisti janiraquiw qhitisa mank'äwinaca waquichcaniti, jiwatajja pachpa awquipa jan ucajj taycapäscpasa.

Ezequiel 24:17

T'akhesiñansti amuqui t'akhesim, janiraqui lutt'asimti cunjämatejj jiwatanacatjja lutt'asipjje uqhama. Jan k'ara p'eke sarnakamti, janiraqui k'ara cayusa saramti; ajanumsa jan ch'okantasimti mä cunatsa t'akhescasma uqhama, uca horasanacan mank'aña t'ant'sti janiraqui mank'amti.”

Ezequiel 24:22

Jumanacasti cuntejj nayajj lurcta uqhamaracwa lurapjjäta, janiw ajanunacamsa ch'okt'asipcätati uqhamat aykonañacama uñacht'ayañataqui, uqhamaraqui uca horasanacan cuna t'ant'atejj mank'atäqui ucsa janiw mank'apcaraquïtati.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Jueces 20:26

Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.

Rut 1:17

Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

1 Samuel 3:17

Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.