2 Samuel 3:35 - Qullan Arunaka DC

³⁵ Ukatsti taqiniw Davidar jak'achasisin achikt'apxäna janïr jayp'untkipan manqt'asiñapataki, ukampis Davidax juramento luräna, akham sasa: —¡Diosax wal mutuyitpan nayatix mä t'ant'sa, jan ukax kunsa janïra inti jalantkipan mallt'ä ukapachaxa! —sasa.

Aymar Bibliia 1986

³⁵ Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

Qullan Arunaca

³⁵ Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

2 Samuel 3:35 Jak'a apnaqawi uñst'ayäwi

2 Samuel 1:12

ukatsti walpun jachapxäna, wararipxarakïna, Saúl reyimpina, Jonatán yuqapampin jiwatap layku, ukhamaraki Tatitun ejercitopan atipjat uñjasitap laykusa, jayp'ukamaw ayuno lurapxäna.

2 Samuel 12:17

Reyi utapan jakir jilïr jaqinakasti, Davidarux uraqit sartxañapatakiw achikt'apxäna, ukampis jupax janiw sartañ munkänti, janirakiw jupanakamp chikas manq'añ munkänti.

2 Samuel 3:34

Janiw amparanakamax chinuntatäkänti, janirakiw kayunakamas cadenampi ñach'antatäkänti. ¡Jan wali jaqinakan amparapan jiwapki, ukhamaw jiwawaytaxa!” sasa. Jaqinakasti Abneratjam jachasipkakïnwa.

2 Samuel 3:36

Davidan arunakap taqiniw sum amuyapxäna, ukatsti walikiw sapxarakïnwa, reyin luratanakapax jaqinakan chuymapar purt'kirïnwa.

2 Samuel 3:9

¡Tatitux mutuyitpan, Davidar juramentompi arskäna uk phuqhasiñapatak jan kuns lurkä ukaxa! Tatituw jupar arsuwayi

1 Crónicas 10:12

taqi jan axsarir jaqinakax mayaki sum amtasisinxa, Saúl reyimpina, yuqanakapampin jiwat janchip katusax Jabés markaruw apasxapxäna. Ukansti encina sat quqa thiyaruw jiwat janchinakap imt'xapxäna. Ukatsti paqallq uruw ayuno lurapxäna.

Jeremías 16:7

Janiw khitis uka jiwaratanakan wila masinakapar chuymachañatakix, manq'äwinak wakichkaniti, uka jiwatax pachpa awkipa jan ukax taykapäskpasa.

Ezequiel 24:17

Amukiw t'aqhisïta, janirakiw llaki isimpis isthapisïtati kunjämatix jiwirinakat isthapisipki ukhama. Jan q'ara p'iqis sarnaqamti, janirak q'ara kayus saramti; ajanumsa jan imt'asimti mä kunatsa t'aqhiskasma ukhama, janiraki uka pachanakan manq'añ t'ant'a manq'amti.”

Ezequiel 24:22

Jumanakax kuntix nayax lurkta ukhamarak lurapxäta, ayquñanakam uñacht'ayañatakisti janiw ajanunakam imt'asipkätati, janirakiw uka pachanakan manq'añ t'ant'sa manq'apkätati.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

Rut 1:17

Nayasti kawkhantix jumax jiwkäta ukkhan jiwä, uka chiqanarak p'amp'achatäñ munta. ¡Dios Tatitusti taqi ch'amapamp mutuyitpan, nayatix jumar jaytanuküma ukaxa. Jiwañakiw jumampiru, nayampirux jaljtayistani!”

1 Samuel 3:17

Elí sacerdotex jiskt'arakïnwa: —¿Kuns Tatitux parlawaytam? Jan kuns imt'istati, taqpach yatiyita. ¡Janitix phuqhatpach yatiykitätaxa, Tatituw jumarux mutuyätam! —sasa.