2 Samuel 3:18 - Qullan Arunaca

¹⁸ Jichhajj waliquiwa, horasasti purinjjaraquiwa, Tatitusti Davidarojj arsuraquïnwa, Israel marcaparojj jupa toke filisteonacata, uqhamaraqui take uñisirinacapan amparapat khespiyaña” sasa.

Aymar Bibliia 1986

¹⁸ Jichhajj waliquiwa, horasasti purinjjaraquiwa, Tatitusti Davidarojj arsuraquïnwa, Israel marcaparojj jupa toke filisteonacata, uqhamaraqui take uñisirinacapan amparapat khespiyaña” sasa.

Qullan Arunaka DC

¹⁸ ¡Uka urux purinxiwa! Amtasipxam, kuntix Tatitux Davidar arskäna uka, Israel markaparux jupa tuqiw filisteonakata, taqi uñisirinakapan amparapat qhispiyani” sasa.

2 Samuel 3:18 Jak'a apnaqawi uñst'ayäwi

2 Samuel 3:9

¡Tatitusti nayarojj wali mutuyitpan, janitejj Davidampi phokä, cuntejj Tatitojj arsuwayqui ucanacampejja!

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

1 Samuel 13:14

Ucampis jichhajj juman apnakañamajj janiw jayäcaniti. Tatitojj yakha chacha thakani jupan chuymapar purt'quiri, ucatsti marcapan jilïripatwa utt'ayaraquini, jupan arunacaparu jan ist'atam laycu.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.