2 Samuel 20:16 - Qullan Arunaca

¹⁶ Uqhamaraqui acatjamat mä ch'iqhi yatiñan warmejj art'asinïna perka patata: —¡Ist'apjjeta, ist'apjjeta, Joab chacharojj naya toket sapjjam, juc'ampi aca perkaru jac'achasinpan, nayasti jupampiw parlañ munta! —sasa.

Aymar Bibliia 1986

¹⁶ Uqhamaraqui acatjamat mä ch'iqhi yatiñan warmejj art'asinïna perka patata: —¡Ist'apjjeta, ist'apjjeta, Joab chacharojj naya toket sapjjam, juc'ampi aca perkaru jac'achasinpan, nayasti jupampiw parlañ munta! —sasa.

Qullan Arunaka DC

¹⁶ Ukatsti, akatjamat sallqantir ch'ikhi warmix marka pirqa patat art'asinïna: —¡Ist'apxita, ist'apxita, Joab chachar sapxam, aka pirqar jak'achasinpan, nayax jupampiw parlañ munta! —sasa.

2 Samuel 20:16 Jak'a apnaqawi uñst'ayäwi

2 Samuel 14:2

Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

2 Samuel 20:17

Cunapachatejj Joab chachajj perkaru jac'achasïna ucapachasti warmejj jisct'änwa: —¿Jumätati Joab satajja? —Jïsa, nayätwa —sasaw Joab chachajj saraquïna. Warmisti saraquïnwa: —Aca uywataman arunacap ist'am —sasaw warmejj saraquïna. —Ist'ämawa —sasaw Joab chachajj saraquïna.

2 Samuel 20:22

Ucatsti ucspachaw warmejj jalasin takpacha marcanquir jakenacarojj amtayäna Seba jaken p'ekepa apakañataqui, ucat uca Seba jaken p'ekepa apakasinjja, Joab chacharuw perka patatpach liwt'anjjapjjäna uca p'ekjja. Ucat Joab chachajj trompeta phust'ayaraquïna, marcat jithekjjañataqui. Ucapachaw marcajj jithektawayjjapjjäna, sapa maynis utaparcamaw sarjjapjjäna, Joab chachasti Jerusalén marcaruw cuttaniraquïna reyimpi parlañataqui.

Daniel (hebreo) 2:14

Uqhamasti Daniel waynajj wali amuyumpi wali ch'iqhi cancañampiw reyin guardiapan jilïripa, Arioc sat jakempejj parläna, uca Arioc sat jakesti niyaw waquichasiscaraquïna take yatiñani jakenacaru jiwarayañataqui.

1 Samuel 25:3

Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.