2 Samuel 20:15 - Qullan Arunaca

¹⁵ Cunapachatejj Joab chachan jakenacapajj Abel-bet-maaca chekaru purinipjjän ucapachasti, jupanacajj uca marca perka jac'arojj mä perka sartayapjjaraquïna, marcaru nuwantañataqui. Ucatsti takpachaniw uca marca perkjja liwisiyañataqui allintapjjäna.

Aymar Bibliia 1986

¹⁵ Cunapachatejj Joab chachan jakenacapajj Abel-bet-maaca chekaru purinipjjän ucapachasti, jupanacajj uca marca perka jac'arojj mä perka sartayapjjaraquïna, marcaru nuwantañataqui. Ucatsti takpachaniw uca marca perkjja liwisiyañataqui allintapjjäna.

Qullan Arunaka DC

¹⁵ Kunapachatix Joab chachan jaqinakapax Abel-bet-maacá markar puripkän ukkhasti, uka markar mantañatakix anqa pirqa jak'aruw mä makhatañ lurapxäna, markar katuntañataki, ukatsti taqpachaniw markar uyuchrantat pirqxa tinkuyañ yant'apxäna.

2 Samuel 20:15 Jak'a apnaqawi uñst'ayäwi

2 Samuel 20:14

Seba jakesti take israelita tribunacwa pasawayaraquitayna, Abel-bet-maaca sisqui ucacama, take Bicri jaken wawanacapasti tantacht'asisinjja jupan khepapwa marcaru mantawayjjapjjäna.

1 Reyes 15:20

Ben-adad reyisti iyaw sänwa Asa reyin arunacaparojja, ucatsti qhitänwa ejercitopan jilïrinacaparu Israelan marcanacaparu nuwantiri. Uqhamatwa catuntasïna Ijón, Dan, Abel-bet-Maaca chekanaca, uqhamarac take Cineret, ucatsti Neftalí take orakpacha.

2 Reyes 15:29

Peka reyejj Israel marcar apnakascäna ucqhawa Asirianquiri Tiglat-pileser reyejj jutäna, ucatsti catuntasïnwa Ijón, Abel-bet-maaca, Janoa, Cedes, Hazor, Galaad, Galilea ucanaca, uqhamarac Neftalí take uca orakenaca, ucatsti jakenacaparojj preso apäna Asiria marcaru.

2 Reyes 19:32

“Asirianquiri rey toketjja aqham siwa Tatitojja: ‘Janiw Jerusalenar mantcaniti, ni mä sapa flechsa flecht'caniti, janiw escudompis jutcaniti ni jark'akasiña perksa muytpacharu lurcaraquiniti.

Eclesiastés 9:14

Juc'a jaken mä jisc'a marcajja, mä wali ch'aman reyin nuwantataw uñjasi, uca marcarusti nuwasiñataquiw muyunti.

Isaías 37:33

Asiria reyi toketsti Tatitojj siwa: ‘Janiw jupajj Jerusalenar mantancaniti, janiraquiw mä sapa flechsa antutt'caniti, janiraquiw armanacapampis jutcaniti, janiraquiw marca ankäjjanacarus perkanac sayt'aycaniti.

Jeremías 32:24

‘Jichhajj caldeo jakenacajj marcaru nuwantañataquiw wali waquichrantasipjje; guerrampi, mach'ampi, cunaymani usunacampiraquiw marcajj uñisirinacan amparaparu purini. Tata, cuntejj jumajj siscäyät uca arunacajj phokhasipuniwa.

Jeremías 33:4

Naya, Israelan Diosapasti, mä yatiyäwinacanïtwa jumataquejja, Jerusalén marcanquiri utanac toketa, uqhamaraqui Judá orakenquiri reyinacan utanacap toketsa, cawquïrinacatejj k'ala tincuyatäcani ucanacata. Jumanacan caldeonac toke espadampi nuwasiñataqui sayt'asiñ chekana aptatäcan aca marcar nuwantañataqui, ucar mistutanacamasti inamayaquïniwa; jiwatanacampiquiw phokhantasipjjätajja. Nayawa jach'a colerasiñajjana, jupanacarojj jiwarayä; nayasti aca marcatjja maysaruw uñtjjta, walja ñankhanaca lurapjjatap laycu.

Jeremías 6:6

Take ch'amani Tatituw uca arunacjja churaraqui: “¡Kokanac tincuyapjjam, ucatsti uca lawanac arct'apjjam, ucanac patjjata Jerusalenar nuwantañataqui! Aca marcajj juchañchatäñataqui catuyatawa, mayninacaru t'akhesiyapjjatap laycu.

Ezequiel 4:2

Ucatsti uca marcarojj walja ejercitompi guerran nuwasiñ yänacampi muyuntayaraquim, uqhamaraqui mä amsta cheka waquicharaquim uca marca uñtañataqui, uqhamat mä ejercitompi muyuntata marcäcaspas uqhama uñtasiñapataqui.

Lucas 19:43

Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam.