2 Samuel 11:8 - Qullan Arunaca

⁸ Ucatsti utaparuw qhitjjaraquïna, cayunacapa jarekasiñapataqui. Cunapachatejj Uriasajj palaciot mistuwayjjäna uca khepatpachwa Davidajj mä suma mank'a apayäna wajjt'äwïcaspas uqhama.

Aymar Bibliia 1986

⁸ Ucatsti utaparuw qhitjjaraquïna, cayunacapa jarekasiñapataqui. Cunapachatejj Uriasajj palaciot mistuwayjjäna uca khepatpachwa Davidajj mä suma mank'a apayäna wajjt'äwïcaspas uqhama.

Qullan Arunaka DC

⁸ Ukatsti utapan samart'añapatakiw khitxäna. Uriasax reyin utapat mistuwayxäna uka qhipatpach Davidax mä suma manq'a jupar apayäna mä churäwïkaspas ukhama.

2 Samuel 11:8 Jak'a apnaqawi uñst'ayäwi

Génesis 18:4

Jumataqui waliquïchi ucqhajj mä juc'a uma mayï cayunacam jarekasiñamataqui, ucatsti mä juc'a rato koka ch'iwir samart'añamataqui.

Génesis 19:2

saraquïnwa: —Tatanaca, achict'asipjjsmawa, jichhärmajj naya jumanacan sirviriman utapanay korpacht'asipjjamjja. Ucanwa cayunacam jarekt'asipjjäta, ucatsti arumanthiw wali alwat sarjjapjjäta —sasa. Ucampis jupanacajj sapjjänwa: —Yuspagarapjjsmawa, ucampis janiw utamar korpachasipquiristti jan ucasti callequi ict'apjjä —sasa.

Génesis 43:24

Ucatsti takpachaniruw Josean utapar irpäna, uma churaraquïna cayunacap jarirasiñataqui, uqhamarac asnonacaparus mank'a churaraquïna.

Génesis 43:34

Joseasti pachpa mesapatwa mank'ayäna, Benjaminarusti mayninacat sipansa juc'ampi jilwa churäna. Joseampi, jilanacapampisti juntow umapjjäna, wali cusisipjjaraquïna.

Salmos 12:2

Maynit maynicamaw c'arintasipjje, sallka chuymampiw parlapjje, ch'ojjña chuymampiw arsupjjaraqui.

Salmos 44:21

jumajj yatjjasamänwa, chuyma mankhanquir amtäwinac yatitam laycu.

Salmos 55:21

Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.

Isaías 29:15

¡Ay, cunaquïcani qhitinacatejj Tatitut imantasipjje ucanacataquejja, jupanacajj amtäwinacap Tatitut imantapjje, aruma ch'amacanacanwa ñankhanac lurapjjaraqui, sapjjaraquiwa: “Janiw qhitisa uñjquistuti, janiw qhitis amuyquiti”! sasa.

Lucas 12:2

Janiw cuna jamasanquiris jan khanstirejj utjquiti, ni cuna imantatas jan yatisirejj utjcaraquiti.

Lucas 7:44

Ucatwa Jesusajj warmir uñtasinjja Simonarojj saraqui: —¿Uñjtati aca warmiru? Nayajj utamaruw mantanta, ucatsti janiw nayarojj mä juc'a umsa churquistati cayunacajj jarekasiñataquejja; ucampis aca warmejj jachanacapampiw cayunacajja jareketu, ucatsti ñic'utapampiraquiw wañsuyaraquitu.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.