2 Samuel 11:8 - Qullan Arunaka DC

⁸ Ukatsti utapan samart'añapatakiw khitxäna. Uriasax reyin utapat mistuwayxäna uka qhipatpach Davidax mä suma manq'a jupar apayäna mä churäwïkaspas ukhama.

Aymar Bibliia 1986

⁸ Ucatsti utaparuw qhitjjaraquïna, cayunacapa jarekasiñapataqui. Cunapachatejj Uriasajj palaciot mistuwayjjäna uca khepatpachwa Davidajj mä suma mank'a apayäna wajjt'äwïcaspas uqhama.

Qullan Arunaca

⁸ Ucatsti utaparuw qhitjjaraquïna, cayunacapa jarekasiñapataqui. Cunapachatejj Uriasajj palaciot mistuwayjjäna uca khepatpachwa Davidajj mä suma mank'a apayäna wajjt'äwïcaspas uqhama.

2 Samuel 11:8 Jak'a apnaqawi uñst'ayäwi

Génesis 18:4

Jumanakatak walikïchi ukaxa, mä juk'a uma mayï kayunakam jariqasiñataki, ukatsti aka quqa ch'iwir samart'apxam.

Génesis 19:2

ukat jupanakarux sarakïna: —Tatanaka, achikt'asipxsmawa, jichhärmax nayan utaxanay qurpacht'asipxam. Ukan kayunakam jariqt'asipxäta, ukatsti arumanthiw wali willjtat sarxapxäta —sasa. Ukampis jupanakax sapxänwa: —Walikïskaniwa, nanakax jichhärmax anqak ikt'awayapxä —sasa.

Génesis 43:24

Ukatsti taqpachaniruw Josean utapar mantayäna, kayunakap jariqasiñatakix uma churäna, asnonakaparusti manq'a churarakïna.

Génesis 43:34

Joseasti jupan manq'apat jupanakar churäna, ukampis Benjaminarux mayninakat sipansa juk'amp jila churäna. Joseampi, jilanakapampisti chikaw umapxäna, wal kusisipxarakïna.

Salmos 12:2

2 (3) Maynit maynikamaw k'arintasipxi, sallqa chuymampiw parlapxi, ch'uxña chuymampiw arsupxi.

Salmos 44:21

21 (22) jumax yatxasamänwa, chuyma manqhankir amtäwinak yatitam layku.

Salmos 55:21

21 (22) Arunakapax lik'it sipan juk'ampi quñawa, amuyunakapasti nuwasiñ amuyunakawa. Arsutanakapax aceitet sipan juk'ampi llamp'uwa, ukampis ari espadanakar uñtatawa.

Isaías 29:15

¡Ay, kunakïkan khitinakatix Tatitut imantasipki ukanakatakixa, jupanakax amtäwinakap Tatitut imantapxi, aruma ch'amakanakan ñanqhanak lurapxi, sapxarakiwa: “Janiw khitisa uñjkistuti, janiw khitis amuykiti!” sasa.

Lucas 12:2

Janiw kuna jamasankiris jan qhanstirix utjkiti, janirakiw kuna imantatas jan yatisirix utjkiti.

Lucas 7:44

Ukatsti Jesusax warmir uñtasin Simonaruw säna: —¿Aka warmirux uñjtati? Nayax utamaruw mantanta, ukatsti janiw nayarux mä juk'a umsa kayunakax jariqasiñatak churkistati; ukampis aka warmix jachapampiw kayunakax jariqitu, ñik'utapampiw wañsuyaraki.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.