2 Reyes 13:4 - Qullan Arunaca

⁴ Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

Aymar Bibliia 1986

⁴ Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

Qullan Arunaka DC

⁴ Ukat Joacaz reyix Tatitur mayïna, Tatitusti mayisitap ist'änwa, kunjäm jan waltix Siria markankir reyix israelitanakar t'aqhisiykän ukanak uñjatap layku.

2 Reyes 13:4 Jak'a apnaqawi uñst'ayäwi

Génesis 21:17

Ucampisa Diosajj uca wawan jachatapjja ist'araquïnwa, Diosan angelapasti alajjpachatpachwa Agar warmirojj jawsaraquïna, saraquïnwa: “¿Cunas pastam, Agar? Jan ajjsaramti, Diosasti wawaman jachatapjja ist'iwa cawqhancquitejj ucqhatpacha.

Génesis 31:42

Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.

2 Reyes 13:22

Siria marcanquir Hazael reyejj Israel marcaruw t'akhesiyäna, Joacaz reyejj jacascäna ucqhajja.

2 Reyes 13:23

Ucampis Tatitojj jupanacatjja qhuyapayasïnwa, uqhamarac Abraham, Isaac, Jacob jupanacampi suma parlt'äwiru mantatapatwa amtasïna, ucatsti janiw tucjañsa, ni jakonucuñsa muncänti jupan nayrakatapatjja. Jichhacamasa janiw uqhamjja lurquiti.

2 Reyes 14:26

Tatitusti amuyänwa Israel marcan wali t'akhesiñancatapata, ucanacatsti janiw qhitis jaltcänti, Israelanjja janipuniw qhitis utjcänti jupanacar yanapt'añataquejja.

2 Crónicas 33:19

Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.

Esdras 8:23

Ucatwa ayunasina Diosar achict'asipjjta take ucanacata, ucatsti jupajj ist'apjjetuwa.

Job 22:27

Cuntejj mayïta ucarusti ist'ätamwa, ucatsti cuntejj jumajj juparu phokhañataqui arscäta ucanacsa phokharaquïtawa.

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 78:34

Diosajj jiwaraycän ucapachaquiw juparojj thakapjjäna, janc'aquiw Diosar maqhatjjañataquejj thakapjjäna;

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 3:9

Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Jeremías 2:27

Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Números 21:7

Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.

Jueces 10:10

Ucatsti israelitanacajj Diosaruw yanapa mayipjjän aqham sasa: “Dios Tatitu, juma contraw nanacajj jucha lurapjjta, uqhamarac apanucupjjaracsmawa c'ari diosanacaru yupaychatanacajj laycu” sasa.