2 Reyes 13:5 - Qullan Arunaca

⁵ Ucat Tatitojj mä khespiyirwa churäna, uqhamatwa israelitanacajj khespiyasipjjäna Siria marcanquir reyita, ucatsti samarataquiw utanacapana jacjjapjjäna, cunjämtejj nayrajj jacapjjerïcäna uqhama.

Aymar Bibliia 1986

⁵ Ucat Tatitojj mä khespiyirwa churäna, uqhamatwa israelitanacajj khespiyasipjjäna Siria marcanquir reyita, ucatsti samarataquiw utanacapana jacjjapjjäna, cunjämtejj nayrajj jacapjjerïcäna uqhama.

Qullan Arunaka DC

⁵ Tatitux Israel markatak mä qhispiyir khithanïna, ukhamat israelitanakax Siria reyin amparapat qhispipxäna, ukatsti nayra urunakanjam samaratakiw wasitat utanakapan jakxapxäna.

2 Reyes 13:5 Jak'a apnaqawi uñst'ayäwi

2 Reyes 13:25

Ucatsti Joacaz reyin Joás yokapaw cutirayjjäna Ben-adad uca reyin amparapata, cawquïr marcanactejj jupajj guerran aparcäna Joacaz awquipata ucanaca. Ucatsti Joás reyejj Ben-adad reyirojj quimsa cutiwa atipjäna, ucatjja cutirayasjjänwa Israelan marcanacapa.

2 Reyes 14:25

Jeroboam reyisti Israel marcan korpanacapjj sumwa lurayäna, Hamat sat chekaru mantañawjata kalltasina, Arabá sat kotacama, cunjämtï Israelan Tatitupajj yatiycäna Jonás sirvirip toke; jupasti Amitai chachan yokapänwa, uqhamarac Gat-hefer sat chekanquir profetaraquïnwa.

2 Reyes 14:27

Tatitusti Joás chachan Jeroboam yokap tokewa Israel marcar khespiyäna, Tatitusti janiw muncänti Israelan sutipa aca oraketa chhaktatäñapjja.

1 Crónicas 11:2

chekpachansa Saúl chachajj nanacan reyejjacchïna ucasa, jumawa Israelan nuwasiñanacapanjja sarayäyätajja. Uqhamarusa, Tatit Diosam pachparaquiw jumarojj arsuraquïyätam jumana Israel marcaparu sarayasina apnakañamataqui” sasa.

Nehemías 9:27

Ucatwa jumajj uñisirinacapan amparanacaparojj catuytajja jupanacar t'akhesiyapjjañapataqui. Ucatsti jupanacajj uqham t'akhesiyatäsinwa jumarojj yanapa mayipjjtamjja, ucampis jumajja jach'a qhuyapayasiñama laykojja, alajjpachatpachwa ist'tajja; ucatjja churtawa jakenaca t'akhesiyiripan amparapat khespiyapjjañapataqui.

Ester (hebreo) 4:14

Jichhasti jumatejj amuct'asïta, janitejj cunsa camscäta ucajja judionacan khespiyasiñapajja yakha toketwa jutani. Ucampis jumasa, uqhamarac awquiman familianacapasa jiwarayatäsipcaquïtawa. ¡Inasa jumajja reinaru puriscsta jiwasanacaru aqham llaquisiña horasana yanapt'añataqui!” sasa.

Éxodo 4:10

Moisesajj Tatiturojj sänwa: —¡Ay Tata! Nayajj janiw suma parlirïcti, ni nayrasa, ni jichha naya sirvirimampi parlcta ucqhasa. Cunapachatejj parlcta ucqhajja qhact'irïtwa janiw arunacsa suma arsurïcti —sasa.

Isaías 19:20

Uca kalasti Egipto marcanquir jakenacajj take ch'amani Tatitut amtasipjjañapataqui uscutäniwa. Cunapachatejj jupanacajj Tatitut yanapa mayisipjjani jupanacar nuwirinacat arjjatañapataqui, ucapachasti Tatitojj jupanacataquejj mä khespiyiri qhitanini, jupanacar arjjatañapataqui, uqhamaraqui khespiyañapataqui.

Abdías 1:21

Atipjañampiwa Sión kollurojj maqhatapjjani, qhitinacatï Esaun kollunacapan utjapquis ucanac contra arsuñataqui, ucansti Tatituraquiw apnakaraquini.

Lucas 2:11

Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.

Deuteronomio 19:4

Cawquïritejj jake masiparu jiwaychi ucajj puedjjew uca marcar jaltjjañjja uqhamat jacañap khespiyasiñataqui, jan muncasina mä desgracian uqham lurchi ucqhajja jan jupanac pura uñisisiñajj utjcchïnti ucapacha.

1 Samuel 12:11

“Uca laycuw Tatitojj qhitanïna, Jerobaal, Barac, Jefté, uqhamarac Samuel ucanacaru, jumanacar uñisirinacamat khespiyañapataqui, uqhamat jumanacajj sumaqui jacasipjjañamataqui.

1 Samuel 19:7

Uqhamasti Jonatanajj Davidar jawsasinjja, take uca parljäwitwa yatiyäna. Ucatsti Saúl reyin ucaruw irpjjaraquïna; Davidasti cunjämtejj nayra sirvcäna uqhamaracwa reyirojj sirviscaquïna.